لعبة تخفيض راس المال هل صارت ظاهرة لأغلب الشركات الخاسرة وهي الطريقة الافضل والأنسب او العكس .

[telephone]

تخفيض راس المال لأغلب الشركات صارت أهي المخرج الوحيد لتغطية خساير الشركات وهل الخساير الشركات معروفة والكل يعرف شلون جاءت او خسائرهم غير معروفة يقدرون يلعبون مثل بند الشهرةاوخساير غير معروفه لكي يسرقوا أموال صغار المساهمين في الشركات ومن الذي يملك القرار في تخفيض راس المال مجلس الادارة وملاكها الكبار او صغار الملاك لان اغلب صغار الملاك مو موافقين علي التخفيض شلون نجحوا مجالس ادارات الشركات في النصاب علي الموافقة علي تخفيض راس المال الطاسة ضايعة الحين اسهل طريقة في سرقة أموال المستثمرين وصارت ظاهرة منتشرة في سوق الكويت شركة راس مالها كبير يجي مجلس الادارة يقول خسرنا مو عارفين شلون اخسروا راس مال الشركةكبير والخسارةاكثرمن ٧٥بالمئة من راس المال الخسارة كبيرة نبي نخفض راس المال وافقوا وإلا توقف الشركة وحلالكم يروح شنو تختارون مافي حل منو ينقذ صغار الملاك من هذا التلاعب والظاهرة والله يعينكم مالكم الا الدعاء الي الله سبحانه وتعالي ان ينصركم علي الظالم .

 

[هده خله يتحدي]

لعبة تخفيض المال والدمج صارت قديمة وتعودنا عليها
الحين لعبة الشطب والانسحابات الاختيارية

 

[الراقي]

شوف حنا نملك اعجب بورصة في العالم
في شركات خسرانة بس مافي ولا شركة اعلنت افلاسها
وفي شركات تم سرقة اصولها بس مافي ولاحرامي
هم ترى كان عندهم امل ان الحكومة تدفع لهم ولكن حتى الان الحكومة مطنشة

 

[telephone]

مشكور علي الرد ياخوان الكل يشارك يطرح وجهة نظرة بالموضوع للقضاء علي هذة الظاهرة مافي حماية لحقوق المساهمين الصغار لان اكبر الخساير تأتي من التخفيض نبي الحل الشركات قاعدة تدمر مساهميها بتخفيض راس المال اللعبة لعبة الكبار الصغار مالهم دور موفقين حلالنا راح منو نحاسب وين دور الهيئة للقضاء علي هذي الظاهرة واغلب الشركات اللي طلبت التخفيض وافقت عليها الهيئة ما في رقابة صارمة للشركات سبب هذة الخساير هل الخساير حقيقية مافي حد عارف موفقين .

 

[ksr911]

دور إدارة البورصة فقط هو التأكد من مطابقة أي شركة لشروط الادراج و ضبط التداول.

أما دور هيئة أسواق المال فهو الرقابة على الشركات المدرجة بالبورصة و حماية صغار المساهمين في تلك الشركات بالإضافة لضمان التزام إدارة الشركات بالقوانين و المعايير.

و لكن دور وزارة التجارة فهو اعظم و جزء من مسئولياتها هو القيام بدور مماثل لدور هيئة أسواق المال و لكن على جميع الشركات و المؤسسات المسجلة.

الكويت ملآ بالقوانين و الأنظمة منذ القدم و لكن لا يوجد تفعيل و بالتالي لا يوجد تحديث لتلك القوانين و الأنظمة التي أصبحت كهله لتواكب التطور السريع ، و بالتالي لم يتم تحديث قوانين رادعه لإدارات سارقة مارقة لاصول الشركات التي اؤتمنوا عليها.

و في الختام ..... هذي الكويت صل على النبي

 

[telephone]

للرفع والله ان اغلب المستثمرينالصغار والكبار خسروا اكثر من ٧٥٪من راس المال الكل يعاني والخسائر قاعدة تزيد شنو الحل وين الأمان وين العدالة شاركوا يا محللين ويا خبراء ومشرفين نبي حلول للقضاء علي هذة الظاهرة الحين الشركات اللي خسرانه خسائر قليلة تطلب تخفيض صارت العملية فوضي مافي رادع لهم مافي قوانين مافي شفافية

 

[بو صالح }~]

اما القوانين لازم تتفصل علي نسرهم حتي لا يجي يوم انت خسران تحاسبهم.

 

[telephone]

مشكور يالغالي ابو صالح منو يقدر يحاسبهم اذا الهيئة تشجعهم وتكافئهم بالموافقة علي تخفيض راس المال ليه راس المال يتصرفون فيه مجلس ادارة الشركات علي كيفهم لا رقابة عليهم يتصرفون بأموال الشركة علي كيفهم مافي محاسبة وبعد ماتفلس الشركة مجلس الادارة يستقيل مافي حساب ولا عقاب من أمن العقوبة أساء الأدب الهيئة شنو دورها من هذا التلاعب مافي رقابة مافي شفافية مافي محاسبة شنو أسباب خسائر الشركات وهل في محاسبة للشركات ورؤساء مجالس الإدارات السابقين الذين تسببوا بالخسائر الكبيرة والأمثلة كثيرة الهيئة دورها حماية حقوق صغار المساهمين في الشركات وين دوركم ياهيئة حافظوا علي حقوقنا وحلا لنا .