سوق الكويت للالعاب النارية ......$$$$

[whaler]

السلام عليكم ..
تداول كل يوم 12 مليوم واذا وصلنا 20 مليون نقوب غي دخول للسوق !!!!! وراس اقل شركة بالسوق فوق ال 10 مليون ... انتو من صجكم هذا سوق ...
ان شريت ماتقدر تبييع .. واذا بتبيع صرت محظوظ يعني لقيت واحد يشتري منك نفس السعر تلاقي روحك طالع بخسارة عموله ...

7 سنين ننطر نرد ولو 20% من فلوس اللي راحت من الازمه الماليه مو قادرين ..
لا استثمار لا مضاربه ....شنو الحل ...
سوق السعودي 12 مليار تداول
السوق الاماراتي 2 مليار تداول ...

احنا 20 مليون مستانسين ... ليش ... ماعندنا شركات تشغيلية .. كل شركه مفرخه 10 شركات بالسووق ... والله حرام ...

صدقوني اسواق الخليج بتصحح وحنا ماراح نصعد

احلام وردية ... شقونا بسعر النفط وهذا النفط صعد .. تعديلات وعدلوووو.....
رئيس اركان حديد وحطوووو

شنوو تبون بالضبط ... سهم المدينه من 28 راح 64 .. والحين 46 لمت داون ... داشين كازينووو مو بورصه.. صدقوني ماكو الا جذي السوق الكويتي .. لاتدرس شركات ولا شي اشتر عمياني يمكن يضرب الحظ معاك ... قط خيطك علي 12 شركه يمكن تصيد وحده منهم ....
الله المستعان
واستغفرالله
والحمدالله

 

[سرور]

سو مثلي اخذ لك سهم يعطي ارباح كل سنة
وريح بالك .. صعد السهم والا نزل
وبعض الاسهم .. خل نقول 10% من كميتك تقطق فيهم(مضاربة) للوناسة فقط

 

[whaler]

والله ياخوي لم تشووف السوق السعودي والاماراتي شلون اسهمهم ارتفعووو يضيق خلقك علي اللي احنا فييه ... ماتقدر تبييع واذا شريت مارتفع ..
وذبحونا علي سالفة الانسحابات يخرعون الناس تخليهم يقطون بخساره يقول اخسر 50% ولا اخسر كل فلوس وتالي يقولك لا محنا منسحبين ..

المشكله ماكو احد بالبلد حريص علي سمعة السوق وعلي اداء السوق
كل من لاهي شلون ياكل الكيكه

 

[فردان]

عن نفسي انا انسحبت من السوق الكويتي بسبب ضعف السيولة وذهبت الى دبي
وكذلك لي صديق اليوم كيش وبيروح دبي

 

[debtor]

عن نفسي انا انسحبت من السوق الكويتي بسبب ضعف السيولة وذهبت الى دبي
وكذلك لي صديق اليوم كيش وبيروح دبي

وانا شكلي بسوي مثلكم
مو معقول السوق
ملينا

 

[Abdullah2626]

سو مثلي اخذ لك سهم يعطي ارباح كل سنة
وريح بالك .. صعد السهم والا نزل
وبعض الاسهم .. خل نقول 10% من كميتك تقطق فيهم(مضاربة) للوناسة فقط

مثل شنو اذا تقدر تعطينا جم سهم جذيه

 

[سرور]

http://www.indexsignal.com/community/threads/359856/

شوف هذي اعلانات جديدة ..

 

[نصوح]

صراحة العنوان عجبني ،،، جبتها 100%

 

[weld.q8]

في اسواق الخليج في تجار في شركات صحيحه في تنميه في قياديين يفهمون
ابسط الامور تجار عندنا يبچون شح االسيوله وماكو سيوله عيل ليش مسمينهم تجار في وجهه نظري التجار والحكومه نكشفو على الاخر انهم لايفقهون شي

 

[رابح رابح]

السوق فقد مواصفاته واصبح سوق لتدمير صغار المساهمين يتحرك على خلاف الاسواق العالمية والخليجية والعربية
سواء بالتحكم بالشراء النقدي المسير او التحكم في بيوع الآجل لابتزاز المساهمين المتعاملين بها
ضغط متواصل على السوق والاسعار بطريقة مدمرة لصغار المساهمين وطاردة للسيولة
سوق خلال 7 سنين انخفضت اسعار العديد من الاسهم فيه مايقارب -90% وتبعها :
- افلاس العديد من الشركات
- انسحاب العديد من الشركات
- استخدام لعبة الاستحواذات
- تخفيض ؤس اموال العديد من الشركات
- اطفاء الخسائر المرحلة للعديد من الشركات تسبب في تآكل احتياطياتها

انخفاض مفتعل وانخفاض غير مبرر في سوق تعرضت شركاته لحزمة اجراءات مالية ضخمة ادت الى تنظيف ميزانيات الشركات وخروج الضعيفة منه وربح الجيد منه .. وتحول الى (( سوق جديد واعد )) لديه جاهزية كبيرة للانطلاق بقوة لامبرر لاستمرار انهياره