استشاره بخصوص نفقة المطلقه

[nagem1977]

انا طلقة زوجتي بسبب مشاكل بيننا ولدي ٣ ابناء صغار :
معاشي ٩٤٢ دينار
--------------------
قسط بنك ٣٨٠
التسهيلات ١٦٠
الصافي من الراتب
٤٠٠ دينار
المهم هي رفعت نفقه لها وللاولاد ١٥٠ دينار للاولاد وللخادمه ١٠٠ دينار وطالبه سائق معاشه ١٥٠ دينار
طبعا عندي بيت شاريه عن طريق بنك التسليف وحطيت اسمها بالوثيقه هبه نصف البيت والوثيقه غير محرره
طبعا ثاني يوم طلقت من رفع الدعوى
يعني معاشي راح يصير ٣٢٠ دينار تقريبا
فتتوقعون شنو يحكم القاضي لها
انا خايف يقول ١٠٠٠ دينار
ساعدوني وشنو الحل

 

[fahad_q811]

السلام عليكم
اخوي القاضي يحكم بالنفقه بناء على الحاله الماديه للزوج وليس بناء على طلبات الزوجه (المطلقه) بالتالي مافي معيار ثابت او مبلغ ثابت حتى بالنسبه للحاله الواحده .
المهم بالموضوع انك تبين للقاضي وضعك المادي من خلال الشرح و تقديم الادله عليها مثل الاوراق اللي تثبت القروض و صافي الراتب .
انصحك باللجوء الى محامي اذا ما وجدت في نفسك القدره على ذلك

 

[silencee]

هلا أخوي نجم
النفقه فيك فيك لا محال وهذا شرعا ( أستعين بمحامي أفضل )

1- أما تقديرها فأنت قدم التزاماتك وأقساطك كلها للقاضي بحافظة مستندات . وقدم مذكره شارح فيها نوع القرض أذا مو تجاري حدد هالشيء بمذكرتك عشان أول دفع عن بعض الاخوات يقولون أخذ قرض وكسب وراه ! فأنت بينها .

2- أما عن طلباتها تطمن أمامك أكثر من درجة تقاضي لا تحاتي مو شرط يعطيها نفس ماطلبت

أ3- أما عن البيت وفر الأتي
أ- ورقة من البطاقة المدنية بيان حاله يثبت أنك ( أعزب أو متزوج )
ب- صورة الحكم النهائي للطلاق ( التمييز + أول درجة + الاستئناف )

وروح الاسكان جنوب السرة - الدور الأول - قسم التوزيع

وقدم الاحكام مع بيان حالتك شهادة البطاقه المدنيه وفيه نموذج جاهز عندهم بالتوزيع قول ( ببعد طليقه عن الملكيه ) ووقع عليه . خلال أسبوع ينزلون أسمها من الوثيقه كشريكه الى حاضنه لها حق السكن لحين انتهاء الحضانه عقبه ماله شيء بالبيت

موفق