كيف قراءة جلسة اليوم

[يوسف_007]

السلام عليكم ورحمة الله وبركاته

واسعد الله مسائكم

أتمنى من الجميع المشاركه بأرائهم
وذكر ملاحظاتهم على جلسة اليوم
وهل هي بدايه جيده او سيئه مع ذكر السبب او الاسباب

ننتظر مشاركاتكم

ملاحظه : لقليلين المشاركات او من هم لايشاركون نهائياً قد تكون مبدع
ولديك رؤيه جيده ف لاتحرمنا من مشاركاتك ف مشاركاتك تزيدنا ولاتنقصنا

 

[متفائل على طول]

اشوف انها جلسة تجميعية للأسهم الصغيرة تمهيدا لإنطلاقتها
وماكان الدخول بقوة بحيث اتشوفهم معلقين لأن اللي عنده سهم معلق غالبا يقول انطر عليه يزيد

 

[saad44]

اشوف انها ارتفاع ثم تصريف لان الصيف قادم

 

[السور]

قراءة جلسات

بعض الاسهم الشعبية استبقت خبر تعديل المادة ١٢٢ وصار عليها تجميع من قبل المضاربين والمحافظ باسعار تحت وقامت اتصرف قبل وبعد الخبر مثل

ميادين
مستثمرون
المدينة وربعها
وتمويل خليجي
ادنك
منازل

وفي محافظ استغلت الخبر وعندها اسهم بايتة من زمان تم التصريف عليها
والتخلص من كميات عندها

مثل
الاولي
والخليجي
وبوبيان دق
البيت

المضارب الصغير اللي اشتري اول الاسبوع وباع اليوم
استفاد من الطفرة واللي اسهمه ما تحركات اليوم تسمي اسهم غير مضاربية اوغير شعبية

 

[بوسعود]

سوقنا ماينفع وياه اى خبر او قانون ايجابى والسبب معروف للكل وانا اجزم لو الحكومه يعنى افرض مثلاً لو سددت كل ديون الشركات واعطتهم كثرها بدون مقابل ولى يسلمك ليردون لخبالهم يعنى بوسهم اللى سعره مااييب خبزة كليجا تبون السوق يتعدل ولو نوعأ ما .. الغو عنه سوق الآجل وردو اسعار الوحدات والغو المزاد بو فلس ..
يعنى جلسة اليوم تجميليه ولو جلسة اليوم فيها خير جان القيمة الاجماليه وصلت لو عشرين مليون دينار

 

[llhamadll]

مساكم الله بالخير
...جلسة اليوم وما أدراك ما جلسة اليوم!!!
باختصار... مو يقولون اشتر اذا بلغ التشاؤم حده؟!!! وفي المقابل بيع اذا بلغ التفاؤل حده...!!!
وهذا ما حصل اليوم... الكل كان متفائل... فصعدوا المؤشر اشوي تفاعلا مع الأجواء الإيجابية... وبعدين دچوا الناس ...
فالقاعدة اللي تعلمتها من البورصة هي انهم ما يخلون المربح واضح لصغار المتداولين... واذا الواحد يدقق بالمؤشر... يلاحظ ان معظم موجات الصعود السابقة يسبقها "خض بطون"

 

[whaler]

السلام عليكم
الناس اللي تقول تصرييف ودي اعرف شلوون

السوق متي صعد عشان يصرف ...

هههه يعني تكه وتكتين تصرييف ...عيل 3 تكات شتطلع هذي هههه...
مالنا الا الصبر ....
السوق بيصعد ولاراح يرد لا علي النفط وعلي علي الحرب ولا علي اي شي اذا يبونه يصعد وراح يصعد غفله من غير علم

 

[السور]

السلام عليكم
الناس اللي تقول تصرييف ودي اعرف شلوون

السوق متي صعد عشان يصرف ...

هههه يعني تكه وتكتين تصرييف ...عيل 3 تكات شتطلع هذي هههه...
مالنا الا الصبر ....
السوق بيصعد ولاراح يرد لا علي النفط وعلي علي الحرب ولا علي اي شي اذا يبونه يصعد وراح يصعد غفله من غير علم

استاذنا التصريف مو معناته التخلص من الاسهم لكن تقليل الكلفة عن طريق الضغط و الشراء بكميات قبل الخبر الجيد
والبيع بعده
في مثل شائع
اشتر علي الاشاعة والبيع علي الخبر
وبعدها بالرجوع وتجميع نفس الكمية بالشراء بعد نزول السهم ودعم السهم وبيعه
اهني يسمونه تقليل كلفة

 

[محمد000]

بإختصار شديد
الأسهم التشغيلية عليها تجميع
مثل
مبرد والرابطة ومشرف والدانة وإنجازات والاسمنتات
وكثير من الشركات الخاملة راح ترتفع ارتفاعات قياسية
أرباح السوق سنة2013 طافت ال930 مليون
وأرباح سنة 2014 طافت المليار و600 مليون دينار
أن شاءالله القااااااااااااادم أفضل
استثمر لاتضارب

 

[محمد000]

الشركات الربحانة تجميع وليسا تصريف

 

[بوعجيم]

السوق ميت وتااااافه ولا عاد ينفع معاه اي خبر ابجابي
واللي حصل اليوم شي محبط للمتداولين بعدما تفاؤلوا باقرار التعديلات
واللي صار ارفعوا السوق بداية التداول وباعوا الاسهم اللي اشتروها قبل خبر التعديلات

يعني الحين الارتفاعات اللي نشوفها باسواق الخليج خصوصا قطر والسعوديه هل تمت علشان عندهم اخبار ايجابيه؟؟؟
طبعا لا لان مو كل يوم عندهم خبر ايجابي .. لكن لانهم اسواق محتررررمه وقوانين محترمه ... لكن اللي حاصل ان

سوقنا مش محترم او بالاصح كاااان محترم والمحافظ والصناديق وصناع السوق اذا كانوا موجودين طبعا الكل قام يضارب
علي تكه ونص تكه نظام اضرب واهرب لانهم اصلا ماعندهم ثقه بالسوق او بادارة السوق .. او يمكن ماعندهم ثقه بانفسهم

فالوضع لازال علي طمام المرحوووم ... وان شاءالله يكون كلامي وتوقعي كله غلط بغلط ويتغير الحال الي الافضل

 

[السعد محمد]

السوق تجميع سواء كان نزول او صعود

من 4000 الى 7000 نقطة

مرحلة تجميع

تعديل متوسطات

وفي مرحلة معينة

تنطلق الاسهم دون ان ننتبه

مثل السوق السعودي والقطري

كانت الاسعار اقل من القيمة الاسمية او قريبه منها

الان ما فيه ولا سهم اقل من القيمة الاسمية الا نوادر

 

[السعد محمد]

لذلك افضل طريقة

تختار اسهم توزع ارباح

وتشتري ولا تبيع
او تبيع وعينك على الاسهم

اللي ينطلق تشتري بالثاني

 

[الراقي]

كرة الثلج في البداية تكون صغيرة ومحد يهتم فيها وان شاء الله تكون البداية لنهاية النزول
خصوصآ ان اول اسبوع يقفل اخضر من مدة طويلة

 

[يوسف_007]

اشوف انها جلسة تجميعية للأسهم الصغيرة تمهيدا لإنطلاقتها
وماكان الدخول بقوة بحيث اتشوفهم معلقين لأن اللي عنده سهم معلق غالبا يقول انطر عليه يزيد

صباح الخير

أسعدتني مشاركتك

وأتفق معاك بجانب وأختلف بجناب أخر

أختلف معاك بالتجميع
غالبا الأسهم الصغيره والشعبيه تكون موجوده بالسوق بالعروض بكثره ولاتحتاج من المضارب تجميع
وفي أي جلسه أراد الدخول سيجد الكميه اللي يبيها وإذا أراد بيعها كذلك يجد من يشتري
ولذلك تجدها مرغوبه عند المضاربين وتسمى بالأسهم الشعبيه

بينما التجميع دائما أو غالبا يكون للأسهم ذات الملائه الماليه العاليه وتكون رخيصه بسعرها
ولكن دفتريتها عاليه وترتفع الدفتريه ويقل السعر وهنا تكون مستهدفه لاي نزول بالسوق
تجد عليها ضغط وتجميع

وأتفق معاك إنهم لايريدون أي سهم أن يعلق بالحد الأعلى لكي لايطمع الغالبيه العظمى

 

[basharele]

اتفق مع الاخوان بالتجميع عالاسهم النظيفه ذات الارباح والدفتريه العاليه . خصوصا انها لم تتأثر بنزول السوق بقوه
السوق بشكل عام جمييييل وبدأ ظهور اشارات ايجابيه
وانا ارتحت لما شفت التفاعل مو قوي لانه بصراحه يعفس الشغل ويطير المؤشرات

 

[يوسف_007]

انظر التاريخ واعرف اللعبه