MDW دبل ان شاء الله

[q8loving]

MDW سعره الان 0.31 والهدف القريب 0.60
والهدف البعيد 1.0 خلال أسابيع بإذن الله
والله أعلى وأعلم

 

[RAKVIP]

هلا اخوي
ماشاء الله عليك
اظن هاذي شركه ذهب اذا ما ني غلطان

 

[q8loving]

حياك الله
اي نعم من قطاع الذهب

 

[RAKVIP]

خلاص ناخد منه شوي

 

[q8loving]

بالتوفيق للجميع

 

[RAKVIP]

هلا بالحبيب خذناها ع ٣١
ما عليه خوف بعد النزول لل ٢٩؟
اشكر ذوقك

 

[q8loving]

حياك الله أيها الحبيب
شوف ترى اذا تخاف حط فلوسك بالبنك وارتاح
الاسهم تبي قلب بارد وعقل مجرم لكن تبي متابعة وادارة جيدة
ومثل ما تأمل الربح لازم تذوق مرارة الخسارة
نحن نعقلها ونتوكل ونرجي من الله الخير وهذه كل الحكاية
انت بعد توكل على الله والله ماراح يخيب ظنك

بالنسبة لهذا السهم :
السهم سبب اختياره هو وصوله الى منطقة قاع
ومثلك عارف السهم بعد القاع يتجه للصعود
الحين السهم بيد السوق مو بيدنا فالسوق هو من يحدد سرعة وبطء الوصول للهدف
يعني توقع تذبذبات وبعدين قفزة صعود وهكذا

مادام فيه تذبذب لا تحاتي فمثل ما ينزل شوي اكيد راح يصعد شوي
وبعدين يقفز
اذا انهار تحت حيل يحق لك تقلق
ومادام اخترناه عند قاع مناسب ف 99% لن يحدث انهيار ان شاء الله

 

[RAKVIP]

باذن الله راح يكون في مردود طيب
وين شايف ابل ؟
تحياتي

 

[q8loving]

اخي الحبيب
انا قلت اذا انهار السهم يحق لك ان تقلق
وهذا الكلام خطأ مني
لأن السهم أصلا منهار
وعندما أعدت دراسة السهم على المستوى الشهري وجدت انه ادنى سعر وصل له هو 0.12 في شهر 10 سنة 2008
وخلال شهر 10 -2008 كان الهاي 1.07 والاغلاق 0.45 عندما كان اللو 0.12
لذلك يجب ان لا نقلق لان فلوسنا في السوق وعادي السهم يوصل الى "لو" قديم
المهم نصبر حتى الوصول الى الهدف ضمن الاطار الزمني اللي حددناه

 

[q8loving]

الاسهم الراقية مو تخصصي
بس أقدر أقول ان AAPL فقاعة وراح تنفجر عاجلا ام اجلا
هل تنفجر عند 150 او عند 1500؟ الله أعلم
بس شخصيا اتوقع ما راح يوصل حتى الى 145
وراح ينهار الى 60-80

 

[RAKVIP]

الله يقويك
عين العقل

بس الفوليم هاليومين نازل شوي

 

[RAKVIP]

وفعلا تقريبا كل الاسهم اللي تحطها تكون نازله بشكل كبير

 

[RAKVIP]

والمقروض ترجع تطلع

 

[q8loving]

تتكلم عن فوليوم AAPL ؟
مو بس هاليومين
من 2009 ايام ما كان على 14 والفوليوم قاعد ينقص
AAPL وصل للقمة عند 120 واللي حاصل الحين تذبذب وعنده فسحة لحد 140-145 لأن لا يزال عليه طلب بسبب شهرة الشركة ونجاح السهم
وانفجار الفقاعة منتظر عند مستوى 140 او قبله
والله اعلم

 

[RAKVIP]

لا
قصدي فوليوم mdw

 

[q8loving]

MDW الفوليوم على المستوى اليومي ترنده صاعد
والمعدل هو 0.750 مليون بالمقارنة مع 0.500 مليون في 5 مارس
وعلى المستوى الاسبوعي الفوليوم ايضا متصاعد بمتوسط 4.5 مليون بالمقارنة مع 2 مليون في شهر 9 -2014
يمكن تقصد البيع اكثر من الشراء
نعم لان الترند كان هابط

FREE ايضا الفوليوم مرتفع
والمتوسط الاسبوعي هو 12 مليون بالمقارنة مع 6 مليون العام الماضي

 

[RAKVIP]

Free حاب ازيد الكميه شوي بس متردد

خذت شوي ع ..٥


حاس انه راح يعطي عدل

 

[q8loving]

لا تتبع الاحساس
اتبع المنطق
المنطق يقول ان السعر رخيص ومغري
ولا تزيد الكمية لان كل سهم عبارة عن مغامرة
ولا تضع البيض في سلة واحدة لكن اختار لك مجموعة اسهم ووزع المخاطر عليها
والله الموفق

 

[RAKVIP]

هذا اللي صار وزعت على ٣ اسهم
Mill
Joez
Free
Mdw

 

[q8loving]

الله يوفقك
بس التوزيع على 8-13 سهم يساعد في تقليل المخاطر حيل
وشي يشيل شي مثل ما يقولون