أستثمار ١٠٠٠٠٠ دينار في سهم

[قريب منكم]

السلام عليكم يا أخوان

ممكن تنصحوني ناوي أستثمر مية الف دينار في سهم محترم وقوي ومتماسك واخذ ارباح سنوي

شنو تنصحوني لاني مليت من المضاربه

يعني لو انا شاري١٠٠٠٠٠دينار في سهم بيت التمويل كم يعطيني عن سنة ٢٠١٤

والله لايحرمكم الاجر

والكل يستفيد

 

[هاوي بورصه ٧٧]

السلام عليكم يا أخوان

ممكن تنصحوني ناوي أستثمر مية الف دينار في سهم محترم وقوي ومتماسك واخذ ارباح سنوي

شنو تنصحوني لاني مليت من المضاربه

يعني لو انا شاري١٠٠٠٠٠دينار في سهم بيت التمويل كم يعطيني عن سنة ٢٠١٤

والله لايحرمكم الاجر

والكل يستفيد

استثمر في سهم الكابلات وان شاء الله ماراح تندم

 

[whaler]

السوق مو مال استثمار .. وخل فلوسك بجيبك احسن .. ومتي ماتعدل السوق دش اشتر
راح تخسر اذا دشيت الحين

 

[قاروه]

السلام عليكم يا أخوان

ممكن تنصحوني ناوي أستثمر مية الف دينار في سهم محترم وقوي ومتماسك واخذ ارباح سنوي

شنو تنصحوني لاني مليت من المضاربه

يعني لو انا شاري١٠٠٠٠٠دينار في سهم بيت التمويل كم يعطيني عن سنة ٢٠١٤

والله لايحرمكم الاجر

والكل يستفيد

عليكم السلام ورحمة الله

اذا تبي النصيحه حاضر ..

قبل لا تشتري سهم التحق بدوارت للتحليل المالي يوجد خيرة من الاساتذة يقدمونها هذا اولا

ثانيا يجب عليك معرفه التحليل الفني

والاستثمار له شروط كثيره

ويجب عليك تحدد مدة استثمارك .....

بالنسبة لي من آمن الشركات في الوقت الحالي للاستثمار القرين للبتروكيماويات

توجد شركات كثيرة تستحق البحث والدراسه

والله يوفقك

(نصيحة لا تحط المبلغ كامل بسهم واحد ولا تطامر من سهم لي سهم )

 

[jamal5]

ب ١٠٠٠٠٠دك كان ممكن تشتري ١٤٢٨٥٧ سهم بافتراض سعر ٧٠٠ ف او ١٣٣٣٣٣ سهم بسعر ٧٥٠ ف .. العائد ١٥ ف منحة نقدية اي ٢١٤٢ دك او ١٩٩٩دك......... اسهم المنحة ١٤٢٨٥ سهم او ١٣٣٣٣ سهم ... هذا الكلام طبعا قبل فترة ليست بعيدة،،،،
/
لنفرض انك تريد شراء غدا الأربعاء فالسعر ٧٧٠ فلس والكمية: ١٠٠٠٠٠/ ٧٧٠ ف= ١٢٩٨٧٠ سهم المنحة النقدية لن تحصل عليها لانها وزعت ،، وستحصل فقط على منحة الأسهم وهي١٠' ٪ = ١٢٩٨٧ سهم المجموع ١٤٢٨٥٧ وسيهبط سعر السهم الى ٧٠٠ ف بعد فسخ السهم (للعلم من يشتري الأربعاء ٣/٢٥ يحصل على منحة الأسهم حيث سيتم يوم ٣/٢٦ تداول السهم بدون اسهم منحة ) ربحك راح يكون اي فلس فوق ٧٠٠ ف .. وهو سعر الشراء... على كل حال احتمال جيد ان يعود السعر الى مستوى ال ٧٥٠ ف والعلم عند الله ....

 

[قريب منكم]

الله يجزاكم خير ولايحرمكم التجر ان اشاء الله

 

[السور]

مسكين الريال يبي النصيحة
شاف كل انواع العقد بسوقنا

 

[الموسوعه]

سهم واحد جريمه !!


عموما وزعها على هذي الشركات

بيتك والدولي والاهلي المتحد وبوبيان واستثمارات ومشاريع والكابلات والافكو والمباني وبورتلاند

وقفل المحفضه وكل صيف ابيك تدعيلي

 

[بيانو6]

عندي لك خوش سهم راس ماله تقريبا
30 الف دينار واحفظ ال 70 الف اللي باقي
السهم مدخوله بالشهر 750 دينار
بالسنه 9 الاف دينار
السهم هو اذا كان عندك بيت تبني لك
شقتين كل شقه لا يقل اجارها عن 350
وعليك الحسبه
وتصبحون علي خير

 

[الصيااااااد]

١٠٠ ألف دينااااار

هذا مفتاح للدخول بالعقار

لوكنت في مكانك اخذ ٣ شقق تمليك واجرهم شهري

او ضارب بالبنايات او بالأراضي او المزارع بالخارج برخص التراب

الشركات بالبورصة عندنا قاعدة تستثمر بالخارج

اقل شيئ شقة تمليك ب دبي قريبة عند اكسبوا ٢٠٢٠ وأول مايقترب الاكسبوا ترتفع قطة بويهة حد اعلى ، او شقة تمليك بمكة

١٠٠ ألف دينار بالبورصة لازم تكون بيد امينة وتحفظها

اقل نصيحة اقدمها لك اخي العزيز إذا خسرت جزء منها فعل وقف الخسارة فوراً وتوقف في الحال إن كنت مصر على دخول بها البورصة

 

[السعد محمد]

الامتياز الان 80 فلس .... ومقرر 5% نقدي

يعني استثمار سنوي = 6.25 %

واذا الله عطانا عمر راح نرفع الموضوع بعد سنة

وشوف هل من منافس ( عقار - وديعه - اسهم )

انصح فيه وبقوة .... وهذا رايي وانا مستثمر فيه

الامتياز
252
=KWD
عدد الاسهم
336,500
السعر
80.00
المبلغ
26,920.00


بدون ادنى مسئولية ... اللي انصح نفسي انصحك فيه

 

[KSE-Kuwait]

عزيزي خلك بالاسهم التشغيلية الممتازة كل سنة توزع ارباح
الله يوفقك

 

[متفائل على طول]

انصحك تعطيني اياها وبعد فترة ارد نصها ودعيلك براس كل سنة
احسن من الشركات اللي جك بم اما نزلت قيمتها
او انسحبت او خفضت راس مالها

 

[seda]

الشارقة والتجارية من اعلى التوزيعات بالنسبة لاسعارهم اضافة الا قيمتهم الدفترية الجيدة

 

[abo riann]

بنك بوبيان
بنك وربة
القرين بتروكيماويات
المعدات
مركز سلطان

 

[يوسف محمد]

شوف الاسهم اللي كل سنه توزع نقدي وهذا يدل علي قوة مركزها المالي نفس اسمنت خليج او اسمنت ام القيوين او اسمنت الشارجه او البنوك
بس نصيحه انطر شوي خل السوق يتعدل تري بهالوقت حتي الاسهم الزينه قاعد تنزل
موفق

 

[روكى الكويتى]

اخوى معظم اللى اعرفهم وعندهم محافظ بأسهم وال ستريت (ارتفاع المؤشر من 6500 الى 17500) حققو خلال السنوات السابقه معدل 7% على اساس سنوى وهذا مضاربه واستثمار ومتابعه شبه يوميه وهم وغم فى اكبر اقتصاد عالمى ومحكوم بأفضل قوانين حمايه راس المال وهم شافو افلاسات واحتيال بسوقهم . انت حدد جم النسبه اللى تبيها : بالكويت وديعه البنك (عايش حياتك) 2% عقار 4%(صيحه مع المؤجر وفواتير) و ؟% مع الاسهم(يمكن تصير 150,000ويمكن 30,000) (ولازم قلب ما يتعب) وبإعتقادى العمل والعمل الإضافى اساس المال ونرجع الى ايام الانسان القديم: الذهب

 

[سرور]

صكوك
المنشأت
مزايا

 

[الراقي]

١٠٠الف
قسمهم على ١٠اسهم ربحانين وعندهم توزيعات وسعرهم اقل من مية فلس
كل سهم عشر الاف
يطلع لك سنوي ٧٪ على اقل من توزيعات وبنفس الوقت انت مشتري اسهم سعرها رخيص اذا ارتفع السوق هي اول اسهم راح ترتفع ان شاء الله

 

[abo riann]

اهم شي لا؟تطمع ولا تفكر بالربح السريع
ولاتقول بالسنه ابي ادوبل فلوسي لانك راح تخسر الكثير وعلي فكرة البورصة الكويتية هي افشل مكان للاستثمار
ولو تشوف بورصة غير بورصة الكويت افضل بورصة الكويت متروسه حرامية
والمضاربة فيها خطرة جداا .