اخوانى الافاضل بالمنتدى ان ضيف عليك فهل من مرحب واريد استرشد برايكم فهل من مجيب لا عدمتكم

[mohk333]

لاول مرة اخوانى اريد الدخول بالسوق الكويتى افكر اشترى بالاسهم الدفاعية كاسهم شركة الكويت للاغذية لكن الاحظ ان السهم غير متداول او انة بعض الاحيان ينعدم على التنفيذ ما ادرى مالسبب ولا زلت ادرسة بياناته بموقع ارقام وكذلك سهم اجليتى وبنك وربة الاسلامى فهل تنصحونى بذلك وهل هناك اسهم افضل منها من ناحية العوايد وماهى ابرز الاسهم القيادية بالسوق وما سبب عدم التداول احيان على شركة الكويت للاغذية عروض وبدون تنفيذ هذا والله يحفظكم ويرعاكم

 

[Albaghdadi]

حياك الله ، اعتمد على بيانات موقع البورصه م افضل نن موقع ارقام ، السوق تنقصه سيوله وهناك عزوف من المحافظ الكبيره ، سهم تغذيه من فتره عليه كلام بيعه وسعره غالي جدا ، فطبيعي انه مايكون تداول .

 

[صاعد نازل]

حياك الله ونورت المنتدى .

اما الاسئله الفنيه فياريتك طرحتها بواحد من هذه المواضيع الخاصه بالتحليل

وان شاء الله الشباب يفيدونك

http://www.indexsignal.com/community/threads/358175/page-153

http://www.indexsignal.com/community/threads/356761/page-35

http://www.indexsignal.com/community/threads/356456/page-51

http://www.indexsignal.com/community/threads/339703/page-189

 

[الموسوعه]

حياك الله بين اخوانك وان شاء الله تفيد وتستفيد ،

بخصوص الاسهم كلها تصعد مع بعض وكلها تنزل مع بعض اهم شي السوق يكون زين وسلامتك

 

[barbarian]

انحش ولا تدخل بورصة الكويت

 

[الراقي]

حياك الله اخوي
نصيحة لك انك تقراء جميع المواضيع في المنتدى الحديثة والقديمة وتاخذ وقتك ولاتستعجل

 

[mohk333]

شكرا اخوانى الافاضل بالمنتدى غمرتونى بحسن اهتمامكم ولا غرابة عليكم اهل الكويت الاباء والشيم والدال على الخير كفاعلة وانا مقتنع بالاسهم بسوق الكويت المالى للمستثمرين وانا مستثمر رعاكم اللة

 

[egyptian869]

شكرا اخوانى الافاضل بالمنتدى غمرتونى بحسن اهتمامكم ولا غرابة عليكم اهل الكويت الاباء والشيم والدال على الخير كفاعلة وانا مقتنع بالاسهم بسوق الكويت المالى للمستثمرين وانا مستثمر رعاكم اللة

صبحك الله بالخير يا اخى الكريم والله يرقك ويرزقنا ان شاء الله
تقول انك مستثمر يعنى خطتك انك تقط فلوسك على سهم وتهده سنه مثلا وما راح اتدش فى سالفه اضارب وانحاش على فلس وفلسين .. يبقى النصيحة انك تاخد سهم سعره منخفض حيل بالمقارنه لاصوله وملائته الماليه لانه بالتأكيد مع الوقت راح يصعد .. ما انصح بسهم معين لكنى لو باشترى راح افكر فى التخصيص او الانماء .. مجرد رأى لا اكثر ..

 

[abo riann]

يا هلا فيك اخوي .
نصيحة اذا ماكان لديك نشاط استثماري غير الاسهم .
فأنا انصحك بالاسهم الرخيصة تحت 50 فلس لانها مستمره بالحركة وغير خامله .

ثانيا اشتر عدة اسهم اكثر من ستة اسهم .
ولا تشتري سهمين يتبعون مجموعة وحدة.
واحذر ان تشتري بشركة محققة خساير كبيرة.
ومو مهم تشتري في شركة محققة ارباح كبيرة .
ولاتستعجل .
راقب السوق واشتر وقت الازمات
في الوقت الحالي النفط هو الي يتحكم في البورصة .
واحتمال كبير ينزل النفط حتى 30 دولار كما يقول المحللون .
راقب اسعار النفط وبعدها قرر .
والله يرزقك ويرزقنا .

 

[Mr. Eng.]

حياك الله و نصيحه طالما انك خارج السوق اخذ وقتك الكافي بتعلم ولو اساسيات التحليل الفني او التحليل المالي علشان تقدر تبني قراراتك على اسس انت مقتنع فيها و لا تلوم غيرك فيما بعد اذا لا سمح الله اعطاك توصيه خاطئه او تحليل خاطيء من غير قصد