هل النزول الحالي نهاية الاسهم الورقيه

[سالم علي علي]

السلام عليكم كل عام وانتو بخير هل سوف نشاهد اصلاح حقيقي ونهاية شركات الورقيه وياليت من اخوانه محللين الاساسي يرشحولنا الاسهم التشغيليه ولكم فائق الاحترام

 

[الهدف البعيد]

لايوجد نهاية للاسهم الورقية.. سؤاء بسوق الكويت او الخليج او العالم…

نوعية هالاسهم موجودة بشكل وبأختلاف الازمنة ببورصات العالم..

 

[longinvestor]

لايوجد نهاية للاسهم الورقية.. سؤاء بسوق الكويت او الخليج او العالم…

نوعية هالاسهم موجودة بشكل وبأختلاف الازمنة ببورصات العالم..

صحيح لوجود خطة انقاذ حكومي

 

[debtor]

لايوجد شيء اسمه اسهم ورقية
هذا اصطلاح استخدم لتبرير النزول
فالاسهم المسماة ورقية تملك اسهم في شركات تشغيلية
فكل الاسهم الاستثمارية هي اسهم ورقية

 

[الراقي]

في جميع اسواق العالم هذي الاسهم موجودة وهي الاسهم الرخيصة في وقت معين
وهي في غالب تربح اكثر من الاسهم المحترمة ولكن خطورتها مرتفعة
اللي يحسن الدخول والخروج منها في الوقت المناسب يحقق ربح طيب
في اسهم عندنا ارتفعت بشكل خيالي اكثر من ٣٠٠٪ وهي كثيرة
عندك مجموعة البحر من ٣٠ فلس الى المية وكذالك دبي الاولى و صكوك والمنشأت والان الكثير من شباب استفادو من المستثمرين و الخليجي وتمويل الخليج و صفاة طاقة و صفاة عقار وميادين وغيرها

 

[BOAHMAD]

النزول الحالي اعتقد اهو نهايتنا وليس نهاية الاسهم الورقيّه

 

[سوق الاوراق]

السلام عليكم كل عام وانتو بخير هل سوف نشاهد اصلاح حقيقي ونهاية شركات الورقيه وياليت من اخوانه محللين الاساسي يرشحولنا الاسهم التشغيليه ولكم فائق الاحترام

السلام عليكم
ماكو شي اسمه اسهم ورقية ....... في شي اسمه الادارات الورقية .....
شنو رايك بالمشاريع مو سهم حديدي ......!!!!؟؟؟؟ يوم من الايام او بالاحرى ليلة الغزو سعر المشاريع ٦ فلوس ...........!!!!!!
شنو رايك بايفا مو سهم ورقي قبل ٢٠٠٨ جم سعر ايفا !!!!!!!!؟
شنو رايك بالصناعات الوطنية سهم ماكل الاخضر واليابس وكل المناقصات والدعم والطابوق الابيض والجيري والشوارع ....بالله عليك الصناعات من الاسهم الورقية !!!!؟؟؟؟
شنو رايك بسلطان .... ماكو سكة او عاير او فريج او شارع مو حاط مركز وشوف سعر السهم اليوم !!!؟/؟
القصة مو ورقي ا و غير ورقي القصة قصة بوق وسرقة الشركات وتحويلها لورقي مرة وتشغيلي مرة ......
ان الله عطانا عمر وتمينا بالسوق خلونا نشوفوكم راح تشترون الاسهم الورقية بالدنانير .......