عندي راي للادارة والمحللين في المنتدي

[الأسد11]

نظرا للاخطاء المقصودة او غير المقصودة من المحللين في تحديد اتجاه السوق
فانني اقترح وضع عدد معين من التحاليل الخاطئة ومن ثم يوقف المحلل عن التحليل
في المنتدى او وضع نقاط للتحليل الصحيح في لوحة المحلل بحيث يبين عدد التحاليل
الصحيحه والخاطئة وهنا نعرف المتمكن والضعيف من المحللين ويحد من تسرع المحلل
في نشر التحليل قبل التاكد منه ومحاولت اضافت نقاط لرصيده
( وهذا في فائده للجميع حيث يعرف الاعضاء ممن ياخذون التحليل وايضا المحلل ترتفع مكانته )

 

[Albaghdadi]

خوش فكره .. وانا اقترح انت تمسك هالمشروع .. افتح صفحه .. وانقل تحليل اللي تبيه .. وقيس عليه .. وخل الناس تطالع ..

بس المنتدى ماله شغل .. لانه ماكو لقب محلل اصلا .. قواك الله

 

[fah00d]

خوش فكره لكن اذا تم تطبيقها سوف يتم ايقاف جميع أعضاء المنتدى


Just Kidding

 

[سرور]

خوش فكره .. وانا اقترح انت تمسك هالمشروع .. افتح صفحه .. وانقل تحليل اللي تبيه .. وقيس عليه .. وخل الناس تطالع ..

بس المنتدى ماله شغل .. لانه ماكو لقب محلل اصلا .. قواك الله

صحيح مافيه محلل
لأن تشوف الكل غرقان ..

 

[امبركو]

خوش فكره لكن اذا تم تطبيقها سوف يتم ايقاف جميع أعضاء المنتدى


Just Kidding

هههههههههههههههههههههههههههههههههههههههههههههه
آآآآآآآآآآآآآآآآآآآآآآآآآآآآآآآآآآآآآآآآآآآه يابطنى ..

 

[الأسد11]

احنا بوادي وادارة المنتدي بوادي ما يردون مع ان العنوان مذكور فيه ادارة المنتدى
لو فاتح موضوع ما يعجبهم على طول شطب بس شي في مصلحه لنا ما يردون
اقولها واي مشرف يبي يوقفني يوقف
ادارة المنتدى مو هامها ربحتوا ولا خسرتوا كل همهم المنتدي يستمر علشان الاعلانات الي فوق
فيها بيزات ربح اهم شي لاحد يكتب شي يسكر المنتدى ويفقدون الربح

 

[الأسد11]

على فكرة كنت صاحب منتدى بوصة نت ايام عز السوق الناس القدم يذكرونه
عمري ما وقفت احد عن الكتابة او منع احد من فتح موضوع وكل انسان
يتحمل مسؤولية ما يكتب اهم شي ما يكون فيه سب او عبارات بذيئة
والله يعلم اني ماني محتاج شي من المنتدي ولا اخذ في اي توصية
تواجدي في المنتدى لمجر ان اغلب المشاركات في موضوع السوق
ومن خلال المشاركات تقراء النفسيات واتجاه الغالية لسهم معين
طبعن وخر عنه يعني الاستفادة غير مباشره على العموم الله يوفق الكل

 

[التحالف]

نظرا للاخطاء المقصودة او غير المقصودة من المحللين في تحديد اتجاه السوق
فانني اقترح وضع عدد معين من التحاليل الخاطئة ومن ثم يوقف المحلل عن التحليل
في المنتدى او وضع نقاط للتحليل الصحيح في لوحة المحلل بحيث يبين عدد التحاليل
الصحيحه والخاطئة وهنا نعرف المتمكن والضعيف من المحللين ويحد من تسرع المحلل
في نشر التحليل قبل التاكد منه ومحاولت اضافت نقاط لرصيده
( وهذا في فائده للجميع حيث يعرف الاعضاء ممن ياخذون التحليل وايضا المحلل ترتفع مكانته )

اخوي الأسد11
مساك الله بالخير
المحلل يستلم الداتا ويجتهد في توضيح تحرك السوق ...
ولكن اي مؤثرات خارج عن ارادته وتعكس التحليل ليس معناه ان المحلل خاطيء في تحليله ..
حاليا جميع اسواق العالمية في حالة الاحمرار ....
شخصيا كنت متوقع هبوط السوق بنسبه بسيطة اليوم ولكن كسر السوق كسره بتوقعي كسره قشره....
فهل اكون مخطيء؟ ...

 

[الأسد11]

انا ما اتكلم عن محلل بعينه ولاكن الكل يحط تحليل وبعضهم يقتبسة من موقع ثاني وبعضهم توه عليمي
وبعضهم يبي يرفع حق سهمه علشان جذي قلنا يكون في عقاب وثواب والله ياخوي حرام حلال الناس
انت ادري الواحد لما يخسر حلال عياله بسبب تحليل والله العظيم لو انا كنت محلل اذا نزلت تحليل ما
انام اخاف احد يخسر اقسم بالذي لا الله لا هو انها مسؤولية عظيمة فيا اكون متمكن في التحلي او اذكر
اني عليمي او غير واثق من التحليل للاسباب التالية المهم لازم يكون في يوقف هذا الاشكال ترا مو
بس في المنتدي ايضا توتر ومنتديات اخرى الكل يحلل حتى اختلط الحابل بالنابل

 

[خالد تعرف]

على فكرة كنت صاحب منتدى بوصة نت ايام عز السوق الناس القدم يذكرونه
عمري ما وقفت احد عن الكتابة او منع احد من فتح موضوع وكل انسان
يتحمل مسؤولية ما يكتب اهم شي ما يكون فيه سب او عبارات بذيئة
والله يعلم اني ماني محتاج شي من المنتدي ولا اخذ في اي توصية
تواجدي في المنتدى لمجر ان اغلب المشاركات في موضوع السوق
ومن خلال المشاركات تقراء النفسيات واتجاه الغالية لسهم معين
طبعن وخر عنه يعني الاستفادة غير مباشره على العموم الله يوفق الكل

كان عندك منتدى و ولا مره وقفت أحد ، و الحين تبيهم يوقفون إللي يغلط !!!

 

[الأسد11]

كان عندك منتدى و ولا مره وقفت أحد ، و الحين تبيهم يوقفون إللي يغلط !!!

يوقفه عن التحليل فقط لانه غير متمكن وليس الايقاف عن الكتابة او طرح رايه

 

[Albaghdadi]

صل على النبي ، ليش عصبت وصرت تطعن بالمنتدى والقائمين عليه !

للحين فكرتك مو واضحه ، انت تبي تكشف المحللين الموزينين ، قواك الله وهذا شي ايجابي .

بس اذا تبي ادارة المنتدى توقف بدون ايقاف ، شلون !؟

انا على سبيل المثال ، عليمي وماني محلل ، ولكن اقول رايي في كثير من الاسهم ، تبي الاداره اتقولي لا تقول رايك !؟ جنها غلط ؟؟ والا شرايك ؟؟؟

 

[AHMAD88]

سؤال للاسد ..

ليش تم اغلاق منتداك لو سمحت ؟

 

[الأسد11]

صل على النبي ، ليش عصبت وصرت تطعن بالمنتدى والقائمين عليه !

للحين فكرتك مو واضحه ، انت تبي تكشف المحللين الموزينين ، قواك الله وهذا شي ايجابي .

بس اذا تبي ادارة المنتدى توقف بدون ايقاف ، شلون !؟

انا على سبيل المثال ، عليمي وماني محلل ، ولكن اقول رايي في كثير من الاسهم ، تبي الاداره اتقولي لا تقول رايك !؟ جنها غلط ؟؟ والا شرايك ؟؟؟

قول رايك لاكن لا تحط تحليل
يعني قول السوق بكرا صعود او نزول كيفك تبي تشرح سبب النزول او الصعود ويحط اسباب كيفك
ولاكن تحط تحليل ورسم والناس تفكر انه محلل مبدع وتاخذ على كلامه
يعني اي انسان يشوف الرسوم والنقاط والالوان على رسم التحليل يقول هذا فاهم واخرها كله غلط في غلط
وانا قلت وترا بسيطة الي يبي يحلل يسجل اسمه عند الادارة ويكون لهم صفحة للتحليل ويراقبها مشرف
ومن خلال مشاركتهم يزكي ثلاثه او اكثر او اقل يكونون هم محللون المنتدي معتمدين والله حتى الشركات
تدخل تاخذ منه والكل يستفيد وحتى لو حصل خطاء او اي سبب اخر تكون غلط والانسان غير معصوم من
الخطا ولاكن في هذا الشكل العشوائي محد مستفيد بالعكس وايد منضرين

 

[الأسد11]

سؤال للاسد ..

ليش تم اغلاق منتداك لو سمحت ؟

والله كان خوش منتدي واول منتدي يحط تلفزيون بورصه نت نقابل محللين ونعرض بعض الاخبار منقول من
قنوات والسبب الرئيسي للاغلاق هو التكلفه قليل من تطوع اغلب المشرفين يبون فلوس وهذي تكلفه غير السيفر
وماكو اي مردود مادي يعني بس تصرف

 

[الأشعف]

انا ما اتكلم عن محلل بعينه ولاكن الكل يحط تحليل وبعضهم يقتبسة من موقع ثاني وبعضهم توه عليمي
وبعضهم يبي يرفع حق سهمه علشان جذي قلنا يكون في عقاب وثواب والله ياخوي حرام حلال الناس
انت ادري الواحد لما يخسر حلال عياله بسبب تحليل والله العظيم لو انا كنت محلل اذا نزلت تحليل ما
انام اخاف احد يخسر اقسم بالذي لا الله لا هو انها مسؤولية عظيمة فيا اكون متمكن في التحلي او اذكر
اني عليمي او غير واثق من التحليل للاسباب التالية المهم لازم يكون في يوقف هذا الاشكال ترا مو
بس في المنتدي ايضا توتر ومنتديات اخرى الكل يحلل حتى اختلط الحابل بالنابل

اخوي الاسد المحللين المتواجدون في المنتدى من اقوى المحللين افضل من الي في تويتر وافضل من الي في التلفزيون ...
اخوي الاسد منت شايف ان محللين المنتدى افضل الموجود اذا كان لا او نعم ابدأ انت وقول من هم افضل المحللين في المنتدى او غير المنتدى .

 

[fahhad76]

أخوي الاسد واضح من موضوعك ان فى من المحللين اخطأهم كثيره وتبيهم يتوقفون .

ممكن تذكر لنا الاسماء ؟

اما اذا موضوعك غير كلامي المذكور اعلاه ,, انا راح اقولك ان التحليل ليس قرأن منزل والكل مجتهد ,,

ممكن يكون محلل مجتهد وعنده أخطاء افضل من محلل معتمد واكبر مصرفجي.

بالنهايه عينك ميزانك والكل له عقل ويميز الصح من الخطأ.

وتقبل تحياتي.

 

[AHMAD88]

والله كان خوش منتدي واول منتدي يحط تلفزيون بورصه نت نقابل محللين ونعرض بعض الاخبار منقول من
قنوات والسبب الرئيسي للاغلاق هو التكلفه قليل من تطوع اغلب المشرفين يبون فلوس وهذي تكلفه غير السيفر
وماكو اي مردود مادي يعني بس تصرف

لم تستطيع الاستمرار بسبب الدعم المادي

وقبل شوي تسخر من المؤشرنت لان كل همهم الاعلانات تستمر !!

اخي في الله لا تجعل مشكلتك الماديه السابقه بسبب عدم استمرار منتداك وقود للهجوم على منتدى اخر !

 

[الأسد11]

أخوي الاسد واضح من موضوعك ان فى من المحللين اخطأهم كثيره وتبيهم يتوقفون .

ممكن تذكر لنا الاسماء ؟

اما اذا موضوعك غير كلامي المذكور اعلاه ,, انا راح اقولك ان التحليل ليس قرأن منزل والكل مجتهد ,,

ممكن يكون محلل مجتهد وعنده أخطاء افضل من محلل معتمد واكبر مصرفجي.

والله يا اخي انه الي اقوله ابي الخير للشباب وحاس فيهم ترا انا متقاعد وعمري 55 ومن ايام المناخ كنت اروح
السوق مع الوالد والله يشهد انا حتى في ايام النزول مثل اليوم وامس انا اربح في السوق القصد اني مابي شي
من المحللين او غيره بس الشباب اتذكر يوم دخلت السوق وكنت ضايع وابي اي معلومه او خبر من احد علشان
اربح وافرح اهلي طبعا بالصرف عليهم وغيره يعني اليوم واحد فاتح موضوع كاتب حرام كافي كافي والله انه نزل
الدمعه من عيني انا مابي شي والحمد لله اتداول بمبلغ كبير بقضل من الله ومنته ومحد ترا يقول هذا الكلام يخاف
على نفسه من العين ولاكن انا اقول لهم نزول او صعود على حسب المعلومات الي توصلني وخبرتي البسيطة في
السوق

بالنهايه عينك ميزانك والكل له عقل ويميز الصح من الخطأ.

وتقبل تحياتي.

 

[الأسد11]

لم تستطيع الاستمرار بسبب الدعم المادي

وقبل شوي تسخر من المؤشرنت لان كل همهم الاعلانات تستمر !!

اخي في الله لا تجعل مشكلتك الماديه السابقه بسبب عدم استمرار منتداك وقود للهجوم على منتدى اخر !

صعب ارد على كل سؤال
لاكن حاضر انا قلت ما وقفت احد ولو كان عندي اعلانات ما امنع احد من الكلام قول الي تبيه والعضو عندي
اهم من الاعلان يعني اسكر المنتدي واحتفظ في العضو افضل من اني اربح وافقد الناس