هل صحيح النزول المصطنع لتفسيخ عقود الاجل ؟

[whaler]

السلام عليكم حبيت اطرح هالموضوع ..عشان نعرف هل في ناس تفسخة عقودهم ...او باعووو كميات الاجل بخساره ...
ارجو المشاركة.. لتعم الفايده

 

[whaler]

شي غريب امس كل الاسهم حد ادني واليوم كل الاسهم حد اعلي !!! امس مامو احد يبي يشتري ويقطوون واليوم يشتروون شلووووون !!!!

 

[امرك عجيب]

اجزم وبكل تاكيد انه هذا سبب رئيسي باتفاق جميع الحراميه وشكرا علي هذا الموضوع

 

[امرك عجيب]

اجزم وبكل تاكيد انه هذا سبب رئيسي باتفاق جميع الحراميه وشكرا علي هذا الموضوع

 

[سلفارادو]

صحيح ... سمعت من الاخوان بالبورصة حالات تفصخت عليهم اسهم الآجل و خسروا اموال كبيرة
ركبوا النزول على انخفاض اسعار النفط وفصخوا الآجل خذوا منهم الكاش الدفعات الاولى ورجعت الاسهم لهم ... مكاسب سهلة و بالملايين مع الاسف
قلنا مرارا حذار حذار من الآجل
قرقور من يدخله غالبا لا يخرج منه​

 

[سالم علي علي]

صدقوني الكبارر تاركين السوق من زمان لاتقصون علي نفسكم السوق للمضاربه وبس قيعان

 

[تويجر 29]

قبل سبوعين او اكثر صارت مشكله علا الاجل لما رفض صانع السوق تجديد العقود لكن بعد ضغوط كبيرة تم تجديدها

الزبدة الرفض كان لعلمهم ان السوق راح ينزل و خاصة الاسهم الي عليها عقود و النتيجة كانت الي حاصل

 

[الراقي]

لعبة الاجل حتى البايع يخسر فيها
ترى نفس النزول اللي حدث السهم يطيح بجبدهم بعد تخصيخه من راعية مايجدون من يشتري منهم وكل يوم حد ادنى والخسارة دبل عليهم
اكثر صناع السوق يفلسون اذا نزل السوق بقوة
والعكس صحيح في ارتفاع السوق يربحون ربح اكثر

 

[سرور]

اتضحت الصورة كان التسييل هو لدخول مزاد العقار
لبيت التمويل .. واللي ما رسا عليه المزاد رجع السيولة للبورصة

 

[السعد محمد]

ما علاقة ذلك باسواق الخليج

النزول ... ربما خوف من حدث اقتصادي معين

الداو جونز مرتفع امس واليوم
والسعودي مرتفع 681 نقطه

 

[امبركو]

نعم..نعم
أعرف كذا واحد من ربعى تفسخت عليهم عقود الآجل من كذا سهم وباعوا بخساره واتركوا التجديد..
التجار والمحافظ طبقوا النظرية والمثل اللى يقول (زلقه بطيحه) تزامنا مع هبوط النفط ولقوها فرصه مجديه

 

[رابح رابح]

شرارة السوق بدأت قبل انخفاض النفط بدأت من التصريح بتخصيص وببيع زين وبيتك بأسعار منخفضه للمواطنين خلال 2015 وتم تخفيض مستوى الدعم السعري لهذه الاسهم القيادية والبنوك وقامت المجاميع بعرض الاسهم التابعة لها بالحدود الدنيا وخاصة المحدودة العروض ذات الدوران المنخفض وهذا يبين التوجه للضغط على السوق

مع الاخذ بالاعتبار ان الاسواق الاخرى تعرضت لتصحيح عند قمم قياسية بسبب الارتفاعات الكبيرة وسوقنا بالقاع وتعرض لانهيار بسبب الانخفاضات القياسية
تسييل عقود الآجل سيتضح اذا استمر الانهيار هذا الاسبوع واحتمال ان يتم مواصلة الضغط على السوق لتحقيق الهدف عند ملاحظة الارتفاع الخجول لبوصة الكويت يوم الخميس مقارنة بارتفاعات الخميس للاسواق الخليجية والعالمية التاريخية

- مؤشر الداو جونز +421 نقطة
- بورصة السعودية +681 نقطة
- بورصة دبي +400 نقطة
- بورصة ابوظبي +280 نقطة
- بورصة مصر +280 نقطة
- بورصة مسقط +202 نقطة
- بورصة قطر +124 نقطة
- بورصة الكويت + 118 نقطة

 

[امبركو]

شرارة السوق بدأت قبل انخفاض النفط بدأت من التصريح بتخصيص وببيع زين وبيتك بأسعار منخفضه للمواطنين خلال 2015 وتم تخفيض مستوى الدعم السعري لهذه الاسهم القيادية والبنوك وقامت المجاميع بعرض الاسهم التابعة لها بالحدود الدنيا وخاصة المحدودة العروض ذات الدوران المنخفض وهذا يبين التوجه للضغط على السوق

مع الاخذ بالاعتبار ان الاسواق الاخرى تعرضت لتصحيح عند قمم قياسية بسبب الارتفاعات الكبيرة وسوقنا بالقاع وتعرض لانهيار بسبب الانخفاضات القياسية
تسييل عقود الآجل سيتضح اذا استمر الانهيار هذا الاسبوع واحتمال ان يتم مواصلة الضغط على السوق لتحقيق الهدف عند ملاحظة الارتفاع الخجول لبوصة الكويت يوم الخميس مقارنة بارتفاعات الخميس للاسواق الخليجية والعالمية التاريخية

- مؤشر الداو جونز +421 نقطة
- بورصة السعودية +681 نقطة
- بورصة دبي +400 نقطة
- بورصة ابوظبي +280 نقطة
- بورصة مصر +280 نقطة
- بورصة مسقط +202 نقطة
- بورصة قطر +124 نقطة
- بورصة الكويت + 118 نقطة

غدى الشر .. غدى الشر يابوخالد
أجر وعافيه ياصاحب أكبر مجهود

 

[رابح رابح]

غدى الشر .. غدى الشر يابوخالد
أجر وعافيه ياصاحب أكبر مجهود

هلا وغلا اخوي الحبيب امبركو ..الشر يعديك وما يجيك
الله كريم مع ان التداول وحركة المجاميع يوم الخميس ماتبشر بخير وتقول بعد ما حققو الاهداف واذا السوق ما ارتفع قبل نهاية السنه ارتفاع قياسي خذها مني بيرفعونه عالطاير مع الاعلانات السنويه علشان يحصدون ارباح البنوك والاسهم الربحانه وعقبها بيقطونه الى نهاية 2015 هذا اذا ماصار ركود وعالمي وتدمرت نص شركات السوق

... للأسف اكثر سوق حدث فيه انسحاب شركات وافلاس وتخفيض راس مال سوقنا

ارجو ان يسخر اللـــه ولاة الامر للتدخل لإيقاف هذا الدمار الهائل والمتواصل منذ 7 سنين في اموال المساهمين والسوق.

 

[foxmind]

خسارتي كبيره وماعندي الا مبلغ قليل اضارب فيه لكن اليوم وصلتني اخبار عن اشخاص تفصخ عليهم الاجل وحالتهم تعبانه جدا بمعنى مالهم خيار ثاني المهمه انتهت وهذا كان سبب واضح استغلال نزول النفط حتى ان في اسهم جيده نزلت بالحد الأدنى أيام متواصله وسهمي معاهم ومنهم السلام وبكميات قليله يبين لنا ان هذا كان هدف

 

[abo riann]

عز الله ان الي ياخذ آجل ماخوذ
والله ان الاجل صيده سهله للتجار
الله يبعدنا عن الاجل .
بس واضح انهم يبون يستردون الاجل
لا احد يقول يفصخون الآجل بل يستردون او يستولون على الآجل الله لايوفقهم وجعلهم مايتهنون فيه اللهم آمين .

 

[الحمد5]

حسب مارايت من سنوات عده في كل مره يكون العذر ١ فسخ الأجل ٢ الحكومه لازم تتدخل ٣ تكسير عظام بين التجار ٤يبون يلمون من تحت ....تجد هالسناريو معيود في كذا ازمه وكذالك ارتفاع الصوت للحكومه لإيجادالحلول .... الكبار اهل السوق عازفين عن الشراء متي ما عادوا شفت الصعود ومتى ما غابوا اما ركود او لا تجد من يشترى منك

 

[الحمد5]

شيل قانون الاستحواذ اللي يلزم التاجر بالشراء من الكل او ارفع نسبته عن الثلاثين بالميه وكذالك الحريه للملاك بتحريك اسهم الشركه وتشوف السوق غير

 

[الحمد5]

صغار المستثمرين لا يستطيعون تحريك سهم ما ناهيك عن سوق باكمله

 

[الموسوعه]

اذا الكاش لم يجرأ على الشراء فكيف بالآجل ؟