للمهتمين بالتداول الألكتروني للسوق الكويتي

[portfolio grl]

شركة الخليج تقدم التداول الألكتروني للسوق الكويتي

إنشاء الله الخدمه تكون احسن من غيرها والاستفاده تكون كبيره للكل

مرفق العقد و شروط فتح حساب


الله يوفق الجميع



Http://www.gulf-borsa.com

 

[ChuCky]

بالضبط مثل ايفا بورصه .. تابعه لها
صار عندنا مثل كميفك و بنك الاوسط

 

[bujwsq8]

الله يزيدهم انشاء الله
وكل ما زادو اعتقد راح الخدمه تتحسن
ومع تنافس بين شركات التداول

وكلها تصب لفائدة العميل يعني صغار المستثمرين

لان كبار المستثمرين ما عندهم اي مشكله لانهم يتداولون من قبل يمكن 7 سنوات بمكاتب استثماريه بس لازم يكون ايداع المبلغ اكثر من 250 الف

وهذه الشركات الحين بدت اتشوف ان صغار المستثمرين اللي يبون تداول بالكمبيوتر من غير الرجوع للبورصه زادو وايد وتعتبر صفقه للشركات ومع تقديم خدمات لعدم مقدرتهم التواجد بالبورصه لارتباطهم بالعمل وكثرت المتداولين

وكل هذ الخدمات لمصلحة المستثمر

ومعني انا ما احب اتداول مع هذي الشركات بعد التجربه السيء مع الاوسط

معني اجد بالنسبه لي لاتوجد اي مشكله بالتداول مع البورصه بالتلفون اذا احسنت التعامل مع الدلال اللي بالبورصه

والله يوفق الجميع​

 

[portfolio grl]

الله يسمع منك

 

[غازى]

اذا احسنت التعامل مع الدلال اللي بالبورصه
​

????!!!!!!!!!!!!

 

[bujwsq8]

????!!!!!!!!!!!!

عاد لا تفهمها قلط

والله مو قصدي اللي في بالك
احسن الظن

قصدي لا تقعد اتأذيه كم وصل السهم ابيع ولا ما ابيع السهم لانك قاعد اتطول معاه وراح يتضايق وبعد اذا اخطء بشي مو مشكله يعني تعاملها كانك قاعد تتعامل مع اخوك او اعز صديق وتعطيه اخبار متأكد منها وهو يشوف تداولك يعني مو عبط ادش باسهم واقلب الاسهم ربحان فيها

وبالعيد اتدز له معايده مع كل المناسبات

يعني مو اتطلع روحه يعني قبل لا اتدق عليه انت عارف شنو تبي يعني اتصالك مو اكثر من ربع دقيقه

 

[SpeciaL 1]

دلالي يبي عيديه

على كلامك دز له كرت معايده..
أول ما بلشت بالسوق.. كانت ماشيه معاي حلاوه وين ماأطقها..
خبرك الغشيم دايماً ربحان!!
ولما يعني تعلمت اشوينونه بدت الخساير على ودنه!!
المهم..
قال لي الدلال ماكو شي مني مناك!!
استغربت.. وقلت انشالله..
ولما بدت خسايري تهل..
رحت له وقلت له ماكو شي مني مناك

 

[bujwsq8]

على كلامك دز له كرت معايده..
أول ما بلشت بالسوق.. كانت ماشيه معاي حلاوه وين ماأطقها..
خبرك الغشيم دايماً ربحان!!
ولما يعني تعلمت اشوينونه بدت الخساير على ودنه!!
المهم..
قال لي الدلال ماكو شي مني مناك!!
استغربت.. وقلت انشالله..
ولما بدت خسايري تهل..
رحت له وقلت له ماكو شي مني مناك

والله حلوه السالفه

والحين انشاء الله قاعد ياخذ الدلال منك الاخبار يعني

اقول تأكد ان السوق فيه ربح وخساره ومرات اتشيرها وتضبط معاك ومرات اخبار مأكده اتلوع جبدك

اقول في واحد قبل اي شي ياخذ ناخذ وراه والحمد الله كانت ارباح حلوه وايد واحنا وراه وراه وما ندري شنهي السالفه بس شنو شرا وراه.... وسميته انا بومطرقه من قوة الاخبار اللي عنده يعني كل ما يطقها تظرب معاه وبعدين دش ويانا واحد صار ياخذ مثلنا ..... من دش صاحبنا باللي ناخذه صار بو مطرقه ما يترقع كل ما يدش بسهم ينزل واحنا وياه . ومن بعدها هدينا بمطرقه لانه صار منشار وقاعد يقطعنا.


هذا حال السوق​