لايلهمونكم ان النزول بسبب النفط !!!!!! واخرتها بتبيع وبيرتفع السوق

[whaler]

السلام عليكم ورحمة الله ....
لايقصون عليكم ان النزول بسبب النفط ....ليش العقار مانزل !!!!

يوم الاحد ابين اذا اسواق الخليج ترتد والسوق السعودي يرتد ...بشووف شلون بنرتد احنا

افلام يقصون عليكم نصابين ...

 

[whaler]

اللي حاصل بالنفط شي سياسي !!!
الناس عارفه ان نزول النفط مؤقت وحكوماتنا عندهم متي بيرتد وعندهم ومتاكدين ان النفط راح يرتفع ...اكيد سياسه مع امريكا ... ولا لو مو اتفاق جان اتفقو علي انهم يخفضون انتاج النفط ... بس دام اللعبه سياسيه اكيد لغرض معين وبعدها صعود يعني الحكومه والكبار دارين فتره وتعدي وهم اللي يشترون بهالاسعار وحنا نبيع وبعد شهرين تطق علي راسك سهمك اللي بعته بتشوفه دبل

 

[السور]

امس امكلم مكاتب عقارية يقولون العقار نزل وراح ينزل اكثر
وامس طالع لي واحد بالاذاعة مسمي نفسه خبير عقاري
الطيب حاط له لحية وكثير من الناس مغترين فيه وحاطين ثقتهم فيه
انا بحترم نفسي وماراح اسبه
امس يستغفل الناس ويقول ان الاراضي اسعارها ثابتة ويتكلم ويعطي بطريقة غير مباشرة ايحاءهات ان العقار ماراح ينزل
للعلم هذا يشتغل حغ تجار ويشاحي لهم

 

[نبيه خضر]

بدا التصريف عالعقار و النفط نزوله مطول و امس نزل و اليوم قاعد يكمل نزول و السوق يوم الاحد خروووج و حسبيا الله عليهم

 

[whaler]

النفط نزوله سياسه ... يعني ماكوو خووف ..
مادري ليش مكبرين السالفه وتري الكويت 50 دوﻻار يكفيها وزياده !!!!

وراح تشوووف الايام بينا

 

[waham]

النفط نزوله سياسه ... يعني ماكوو خووف ..
مادري ليش مكبرين السالفه وتري الكويت 50 دوﻻار يكفيها وزياده !!!!

وراح تشوووف الايام بينا

خلك طبيعي وحاول ان تكون نفس قبل .. لا تعور راسك وياهم جذي .. هذيله ناس ما ترحم ولا تاكل بنفسك اكثر علشان صحتك .. باذن الله الامور طيبه ولا تحاتي كل شي وله مخرج او منفذ ويتعدل .. اهتم بشؤونك وشؤون بيتك افضل من الناس الي لا لهم ضمير ولا احساس .. الله يكون بعونك يا خوي .. بالتوفيق .

 

[whaler]

انا بس بعرف اذا الدوله هذي خايفه نن نزول النفط مو دولة !!!
والتجار اللي مسوين روحهم تجار كله طلع من فلوس النفط

يعني الكويت مو دولة من غير نفط !!!!!

شلون صار في تجار بالكويت ... لاتقولي كانو تجار والله لو شنو ماوصلوو اللي وصلووله الا من فلوس النفط ...

بالعربي ماكو تجاره ولا اكو تجار ...والمشكله يطلعلي واحد انا ولد فلان يعمي روووووح مش حالك من بوووق اللي قبلك ...

 

[الخبير 2]

ياجماعة وين بيودنا يعني هم بعد خسرانين انا اقول اللي خسارتة جايدة ينسى السوق ومردة بيرتفع ان شاءالله خلال سنة ٢٠١٥

 

[سلفادور]

السلام عليكم
كلمت السوق خروج هذي اشوفها انتحار لان حيل حيل متاخره ليش خروج بهالاسعار
لو ينزل السوق او سهمك ماراح ينزل كثر مانزل
وحتي النفط بعد له سعر بيوقف عنده وهذا السعر محدد مسبقا من اصحاب القرار ومتفق عليه لذلك تم تركه ينزل لتحقيق الاهداف المنشوده
///////// اتوقع /////////
الوقت الحالي راح تتحول الحركه الي الشكل الافقي والتذبذب ومن ثم الارتداد
المفروض الواحد يفكر في هذا الوقت بسعر التبريد لمن لم يخرج من السوق واقتناص الفرص لمن هو خارج السوق
ان شاء الله
قرب اليوم اللي نشوف كل الاهتمام والقرارت والدعم من المجلس والحكومه للسوق
تجاهل الحكومه لمطالب السوق ومنعه من الصعود من خلال القرارات والقوانين وايقاف حتي المضاربين الكبار وسكوت المجلس وتاجيل التعديل للقوانين منذ عام تقريبا
هذا كله راح ننساه قريبا
كما قلت //// اتوقع //// حركه حكوميه كبيره تطير السوق فووووق
ان شاء الله

 

[امبركو]

الله كريم يالربع .. شده وتزول
راح الكثير ولم يتبقى إلا القليل .. ومثل ماتفضل أخوى الخبير2 اللى خسارته جايده لايبرد ولاشىء بس ينسى سهمه والسوق ويتوكل على الله سبحانه وتعالى.. وإذا الله سبحانه كاتب لنا الرزق مايرده لا النفط ولاالنزول ولاغيره..
مرد السوق بيصعد إن شاء الله وأحب أطمنكم يااخوانى الأعزاء ..

 

[رابح رابح]

المسلسل مفهوم للكل ومستمر وماراح يخلص من 2008 كل مانطلع من حفرة يحفرون لنا حفرة جدامها ومبررات :

- الانهيار العالمي
- انخفاض النفط 2009
- نظام اكستريم
- قوانين هيئة سوق المال
- ازمة الشركات الاستثمارية
- ازمة الاتحاد الاوربي واليونان
- الربيع العربي
- صراع المعارضه
- الحرب السورية
- ازمة الصوت الواحد
- ضربة سوريا
- سقف الدين الامريكي
- انهيار اسعار النفط​

طفرات اقتصادية وانخفض معاها السوق :

- ارتفاع السوق الامريكي
- ارتفاع الاسواق الاوربيه
- ارتفاع اسعار النفط
- التوافق السياسي
- ارتفاع اسعار الموجودات
- ارتفاع كبير لأسعار القطاع العقاري
- ارتفاع الاسواق الخليجية
- ارتفاع السوق المصري
- الفوائض الميزانية
- اعادة هيكلة الشركات وتحسن البيانات الماليه

​

عدم المصداقية ووجود خلل كبير واضح جدا خلال السنتين الماضيتين من خلال عدم ارتفاع حقيقي للموجودات والنمو المحدود للارباح في ظل :
- الارتفاع الكبير لاسعار الموجودات
- الارتفاع الكبير في اسعار العقار
- الارتفاع الكبير في القيمة الايجارية
- الارتفاع الكبير في اسعار الاسهم الخليجية الذي وصل الى مايفوق 200%
- الارتفاع الكبير في اسعار الاوراق المالية عالميا واقليميا الى مايفوق 100%
كلنا ندري ان سوقنا سمعته سيئة وتاريخة حافل والاستثمار فيه مفهومه عند العامة دخول صالة قمار يفتقد العديد من مميزات الاسواق المالية ومكان خصب للابتزاز ويتحكمون فيه وفي مسارة ومسير حسب المصلحة وتاريخ السوق اسود ملطخ بظلم المساهمين .. وقاعدين نخدع نفسنا ونبرر غلطتنا ولازم نعترف ان احنا خطأنا في قرارنا واستثمرنا وحطينا فلوسنا بالمكان الخطأ وتركنا الاسواق الحقيقية .

الاسهم اللي كانت ملاذ آمن للمستثمر تم تدميرها مثل زين وبيتك بحجة التخصيص وتسببت في انهيار السوق وقد تتسبب في خسائر مالية دفترية كبيره بالربع الرابع وندخل في نفق مظلم اذا لم تحدث معجزة .

بالرغم من خسارتي المحدودة انا اعترف اني اخطأت خطأ كبير في تقييمي ومبالغتي بالثقة في سوقنا وقراراتنا الاقتصادية

 

[ابو محمد 2007]

الاراضى فيها نزول ارض بالعقيله بيعت قبل اسبوعين 320الف وكان واحد من الريع يحاول يشتريها 340الف ورفض صاحب الارض وكان حادها 360الف وراح تنزل اكثر وتوقع وترتفع الاسهم

 

[سرور]

المسلسل مفهوم للكل ومستمر وماراح يخلص من 2008 كل مانطلع من حفرة يحفرون لنا حفرة جدامها ومبررات :

- الانهيار العالمي
- انخفاض النفط 2009
- نظام اكستريم
- قوانين هيئة سوق المال
- ازمة الشركات الاستثمارية
- ازمة الاتحاد الاوربي واليونان
- الربيع العربي
- صراع المعارضه
- الحرب السورية
- ازمة الصوت الواحد
- ضربة سوريا
- سقف الدين الامريكي
- انهيار اسعار النفط​

طفرات اقتصادية :

- ارتفاع السوق الامريكي
- ارتفاع الاسواق الاوربيه
- ارتفاع اسعار النفط
- التوافق السياسي
- ارتفاع اسعار الموجودت
- ارتفاع الكبير للقطاع العقاري
- ارتفاع الاسواق الخليجية
- ارتفاع السوق المصري
- الفوائض الميزانية
- اعادة هيكلة الشركات وتحسن البيانات المالي

​

عدم المصداقية ووجود خلل كبير واضح جدا خلال السنتين الماضيتين من خلال عدم ارتفاع حقيقي للموجودات والنمو المحدود للارباح في ظل :
- الارتفاع الكبير لاسعار الموجودات
- الارتفاع الكبير في اسعار العقار
- الارتفاع الكبير في القيمة الايجارية
- الارتفاع الكبير في اسعار الاسهم الخليجية الذي وصل الى مايفوق 200%
- الارتفاع الكبير في اسعار الاوراق المالية عالميا واقليميا الى مايفوق 100%
كلنا ندري ان سوقنا سمعته سيئة وتاريخة حافل والاستثمار فيه مفهومه عند العامة دخول صالة قمار يفتقد العديد من مميزات الاسواق المالية ومكان خصب للابتزاز ويتحكمون فيه وفي مسارة ومسير حسب المصلحة وتاريخ السوق اسود ملطخ بظلم المساهمين .. وقاعدين نخدع نفسنا ونبرر غلطتنا ولازم نعترف ان احنا خطأنا في قرارنا واستثمرنا وحطينا فلوسنا بالمكان الخطأ وتركنا الاسواق الحقيقية .

الاسهم اللي كانت ملاذ آمن للمستثمر تم تدميرها مثل زين وبيتك بحجة التخصيص وتسببت الى انهيار السوق وقد تتسبب في خسائر مالية دفترية كبيره بالربع الرابع وندخل في نفق مظلم اذا لم تحدث معجزة .

بالرغم من خسارتي المحدودة انا اعترف اني اخطأت خطأ كبير في تقييمي ومبالغتي بالثقة في سوقنا وقراراتنا الاقتصادية

الله يعوضك خير

 

[الموسوعه]

دولة الكويت ايام الغزو توزع فلوس والنفط محروق فا بلاش شماعات وهميه .

 

[ضحية جراند]

صار 57.6 دولار

 

[حمد44]

دولة الكويت ايام الغزو توزع فلوس والنفط محروق فا بلاش شماعات وهميه .

إي والله إنك صاج
الحكومه كانت تصرف على ألي خارج الكويت
وبلي داخل الكويت بعد ومولت تحرير الكويت ويوم ما تحررة الكويت عطت كل واحد 500 دينار حده وناسه وكل هذا والديره كانت محتله وزيد عليهم حرق آبار النفط

 

[رابح رابح]

​

 

[الدرب الخضر]

الحمدلله الحمدلله الحمدلله
يااخوان الأمور طبيعية ولازم يرضخون شركات النفط الصخري
والسعر وانتهائها راح يكون باستقرار سعر البرميل ومن ثم رضوخ طرف لطرف
يعني اللي يبي يعرف الزبدة
تفائلوا والخير قبالكم
ترى هذا الكلام الصحيح وارتاحوا لاأحد ينشغل في هالامور لانها تدار بعبقرية

 

[whaler]

صبحكم الله بالخير ...
اليوم النفط زايد دولار .. مرتفع ...
هل راح نصعد 100 نقطه ... 50 نقطه يعمي راضين اليوم ابين وبنشوووف

 

[المدمر1]

صبحكم الله بالخير ...
اليوم النفط زايد دولار .. مرتفع ...
هل راح نصعد 100 نقطه ... 50 نقطه يعمي راضين اليوم ابين وبنشوووف

نبيه يركد اشوي خضونا خض