النفط من 115 الي 70 ..ماخرعتونا كثر ماخرعتونا اليوم علي دولارين نازل

[whaler]

شصاير كل من خايف ومطلعين اشاعات ومخرعين الناس شدعواا

وينكم تري النفط طاح من 115 الي 70 باقل من 6 شهور
وجايين اليوم مسوين لنا افلام رعب عشان الاوبك ماخفظو الانتاج وبعدها نزل دولارين النفط
سبحان الله تظليل وتخويف الناس

فرص استثمارية حلوه بالسوق الكويتي .. واللي عنده كاش ماراح يندم

 

[smsxxxsms]

@Economycode: انخفاض أسعار النفط ينجم عنه ارتفاع وانتعاش الناتج المحلي لكبرى اقتصادات العالم (الولايات المتحدة ومنطقة اليورو واليابان والصين)

@Economycode: تراجع النفط في ظل استقرار اقتصادي يعني"انتعاش"اسواق المال
شركات عالمية عديدة ستهبط مصروفاتها بالمليارات لتدخل في خانة الأرباح لتنتعش اسهمها

 

[الراقي]

اذا يبي ينزل السوق راح ينزل بدون تخويف
واذا اسهمك زينة روح البر وتمتع وانسى موضوع البورصة

 

[المختار بساط]

اذا يبي ينزل السوق راح ينزل بدون تخويف
واذا اسهمك زينة روح البر وتمتع وانسى موضوع البورصة

كلام حلوووووووو.... مثلك ياعسل

 

[whaler]

اذا السوق مانفع معاه لم كان سعر النفط 140 دولار ... يعني ماراح يضره اذا وصل النفط 30 دولار

 

[ابو محمد 2007]

ماذا استفدنا من ارتفاع اسعار النفط الى 115 لا شىء سوى نزول البورصه وارتفاع جنونى باسعار فى كل شىء من السكن الى احتياجاتك اليوميه سبحان الله يمكن نزول النفط خير لنا

 

[smsxxxsms]

@Economycode: عاجل

استطلاع لرويترز: صناديق الاستثمار مستعدة لضخ المزيد من السيولة في الأسهم الخليجية بعد وضوح الرؤية بشأن صدمة أسعار النفط

 

[BOAHMAD]

لاالنفط ولا الاوضاع السياسيه لهم علاقة بنزول سوق الكويت للاوراق الماليه
التجار محصلين فايده ماكانوا يحلمون فيها من العقار والايجارات ومشاريع الدوله اللي تسمعون عنها واللي ماتسمعون عنها اكثر
الثقه انعدمت بالنسبه لنا كمستثمرين ومضاربين صغار
والمضاربين الكبار تاركين السوق وعندهم استثمارات تدر عليهم ، ودخولهم للسوق اصبح للتسليه ، يدخل بالشهر مره يطلع له كم دينار ويمشي

ياجماعه والله العظيم الاغلبيه فقدوا الثقه بكل شي .
الصناديق تضارب بالبورصات الخليجيه ! والمضاربين كذلك ! وماكو بالسوق غيرنا
اذا ماصار تحرك حكومي جاد لاصلاح ذات البين بين التجار والصناديق من جهه وسوق الكويت وقوانينه من جهه ماكو فايده

ياحكومه مثل ماقدمتوا قرض للارجنتين وغيرها !!! عطوا الشركات الاستثماريه والصناديق قروض خل يحركون السوق وضمانكم اسهم منهم مع مراقبه عليهم

ترى مليناااااااا
اعطيكم فرصه لبداية السنه الجديده والاّ راح اضطر البّس كومار دشداشه واولّع فيه بالبورصه ونقول ضحيه من ضحايا السوق ،
الحكومه تنطر لين واحد ينتحر او يولّع بنفسه بالبورصه ذيك الساعه يمكن ينوون يشوفون حل

 

[BOAHMAD]

١٤٠ نقطه نزول
ياسلااااااام عليك ياسوق الفقر
خير مامن خير والشّر عجلٍ به