تغير البورصة بدل الاسهم

[الراقي]

عطوني رئيكم من فترة وانا افكر انتقل الى السوق السعودي وترك البورصة الكويتية
خصوصآ بعد نزول السوق السعودي الان
هل الوقت مناسب لترك البورصة الكويتية
هل الوقت مناسب لدخول البورصة السعودية
رئيكم مهم عندي وشاكر لكم مقدمآ

 

[نبيه خضر]

و الله من زمان افكر نفس تفكيرك لانه سوقنا منتهي و صار ما يسوا و قاعدين نضيع فلوسنا ووقتنا
عندك قطر و السعوديه افضل بكثير
لكن للامانه انا نفسك ودي اتعلم و اعرف طريقة سوقهم بس متردد و متكيسل

 

[عندك سلف]

بدل ما تنتقل بشكل كامل..

الافضل ....التنوع

التنوع الجغرافي والتنوع في نوعية الاسهم

 

[barbarian]

امسك مينونك لا اييك اللي اين منه
صحيح السوق السعودي نازل لكن ايضا السوق الكويتي نازل
لو العكس ممكن كلامك يكون فيه شي من المنطق يعني تبيع بالكويتي وهو قريب من قمته او صاعد وتاخذ بالسعودي وهو قريب من القاع او نازل
لكن الاثنين نازلين لا وألف لا

 

[احمدوووووووووو]

السلام عليكم
صبحكم الله بالخير
من زمان وانا افكر بنفس تفكيركم اني انتقل وانقل فلوسي لبورصة ثانية بس دايم كان عندي امل انه راح ايي اليوم وبورصتنا تتسنع وترتفع وترد امجادها بس للاسف كل يوم والامل يقل وباقيلي جم يووم ويروح هالامل ويندثر
ومرات افكر ابيع بنك عند اي دوار احسن من البورصة بكبره عل اقل مافكر واايد وماحس باكتئاب وتوتر وانطر الاخبار الزينة واتئمل انه البورصة راح ترتفع وللاسف البورصة من احمر لاحمر ومن تشائم الي احباااط
الله يوفقنا ويوفقكم واهم شي الاخرة وانشالله اسهمنا تكون خضره بالجنة

 

[الراقي]

و الله من زمان افكر نفس تفكيرك لانه سوقنا منتهي و صار ما يسوا و قاعدين نضيع فلوسنا ووقتنا
عندك قطر و السعوديه افضل بكثير
لكن للامانه انا نفسك ودي اتعلم و اعرف طريقة سوقهم بس متردد و متكيسل

حلو انت اركب معاي بالباص ولعمك التردد وتكيسل صفة كويتية اصيلة

 

[الراقي]

بدل ما تنتقل بشكل كامل..

الافضل ....التنوع

التنوع الجغرافي والتنوع في نوعية الاسهم

فكرة حلوة خصوصآ في البداية
الله يعطيك العافية

 

[Navigator]

وانا اقول أترك عنك هالاثنين

شلونك بو عبدالله

 

[الراقي]

وانا اقول أترك عنك هالاثنين

شلونك بو عبدالله

هلا بزعيم الغالي
الحمدلله بخير بفضل من الله واتمنى انك ومن يعز عليك تكونون بخير

 

[سرور]

ذكرتني بسنة 2002 طلعت من السوق الكويتي
ورحت الامريكي .. شنو تتوقع ؟!
عشت بعدها حسرة وندامة .
هذا صعد والأخير نزل
(بس يالراقي اطلع شوي من سوقنا يمكن عقبها يصعد)

 

[السعد محمد]

السعودي والقطري

توقع نزول

خصوصا القطري وضعه خطير

واحتمال ينزل

ولكن فيه اسهم اذا نزل راح تكون فرصه

 

[المدمر1]

ذكرتني بسنة 2002 طلعت من السوق الكويتي
ورحت الامريكي .. شنو تتوقع ؟!
عشت بعدها حسرة وندامة .
هذا صعد والأخير نزل
(بس يالراقي اطلع شوي من سوقنا يمكن عقبها يصعد)

قمة التعاسه طلعت من الكويتي كان بالقاع هههههه الله يعينك لو علمتم لاغتنمتم

 

[الراقي]

ذكرتني بسنة 2002 طلعت من السوق الكويتي
ورحت الامريكي .. شنو تتوقع ؟!
عشت بعدها حسرة وندامة .
هذا صعد والأخير نزل
(بس يالراقي اطلع شوي من سوقنا يمكن عقبها يصعد)

ههههههههههههه جرب تطلع مرة ثانية الحين

 

[الموسوعه]

السوق السعودي نزول ومستمر النزول الى ٨٢٠٠/٧٥٠٠

امسك مجنونك لايجيك اجن منه

 

[الراقي]

السوق السعودي نزول ومستمر النزول الى ٨٢٠٠/٧٥٠٠

امسك مجنونك لايجيك اجن منه

خلاص هونا هذا دمار الله يعينهم

 

[قاروه]

عطوني رئيكم من فترة وانا افكر انتقل الى السوق السعودي وترك البورصة الكويتية
خصوصآ بعد نزول السوق السعودي الان
هل الوقت مناسب لترك البورصة الكويتية
هل الوقت مناسب لدخول البورصة السعودية
رئيكم مهم عندي وشاكر لكم مقدمآ

يسعدلي مساك يالامير
بوعبدالله هل الرأي بسبب الملل من السوق الكويتي ام القناعه انه لايصلح ؟
رايي ان في السوقين دائما توجد فرص لكن عليك اقتناصها وانت ماشاءالله عليك قناص تبارك الرحمن

 

[الراقي]

يسعدلي مساك يالامير
بوعبدالله هل الرأي بسبب الملل من السوق الكويتي ام القناعه انه لايصلح ؟
رايي ان في السوقين دائما توجد فرص لكن عليك اقتناصها وانت ماشاءالله عليك قناص تبارك الرحمن

مساء الورد يابوعبدالعزيز
احد الاسباب اللي تخليني افكر احول الى سوق ثاني ضعف السيولة اللي تضيع الربح تبي تبيع بربح ماتقدر مافي طلبات واذا تبيع تنزل السهم حد ادنى وتخسر
انا من طبعي التفائل ولكن مافي شي في سوق يخليك تتفائل
مشكور على المدح ترى كل توفيق من الله والحمدلله على كل حال