Khaled-55
موقوف
- التسجيل
- 30 سبتمبر 2013
- المشاركات
- 160
مع احترامى الشديد لمهنة كل منهما الا انهم مجتهدين معرضين للخطا اكثرمن الصواب فعالم الفلك يتوقع حالة الطقس ولاكن هذا الشى علمه عند الله سبحانه وتعالى اما محللين الاسهم فمن خلال متابعتى لهم اكثر من عشرسنوات فانا اراف لحالهم اخطائهم اكثر من صوابهم واتمنى الا يزعلوا وان يتقبلوا الواقع والدليل اختلافاتهم المتكررة واخطائهم فى تحديد مصير السوق نشوفهم بالتلفزيون ونتابعهم بالتويتر والمنتديات وكل يوم يصرحون وشارتات ويقولك السوق صاعد لاهداف عاليه واذا عكسهم السوق جابلك اعذار من جيبه واذا صعد ياسلام هذا محلل عبقرى الزبده انا لست بمحلل ولاكن من خلال خبرتى المتواضعه بالسوق اقولها لكم بالفم المليان سوق الكويت ماله علاقه بالتحليل او الاسواق العالميه او الخليجيه سوق الكويت له طابع خاص يعكس الاسواق الاخرى تجار يحسبونها بالملى يتابعونكم من خلال السجلات ونفسياتكم من المنتديات ويضغطون عليكم مابى اطول عليكم العمليه عملية نفس وطولة بال ووقت وتاكدو متى ماجمعوا كميتهم اللى صرفوا عليكم السوق راح تشوفونه فوق القادم افضل وتذكرو كلامى من صبر ظفر وين بيروحون غصب عليهم السوق راح يصعد بس اختار الشركة اللى وضعها زين وهذى نصيحه منى لكم والايام راح تثبت لكم ملاحظه ممكن احد يفسرلى سبب الصعود الصاروخى لسهم السلام من 27 الى 285والمعدات من 50 الى 400اتحدى اى واحد كان يتوقع الصعود هذا اللى راح يصير الحين بالسوق ومن خلال الايام القادمه ضغط ونزول حتى تصل لمرحلة انك تقول ابى راس المال بس هذا اذا صبرت ومابعت ومن ثم راح يتلاعبون بالاسعار ولسان حالك يقول انا بايع السهم ارد اشتريه بالعالى ومع هذا راح تشتريه علشان جذيه اختار سهم جيد ولا تتابع السوق وراح تعوض خساير الازمه كلها
والله هو الموفق اولا واخيرا 
