السوق الأمريكي وتأثيراته

[بورصاوي ٣٠]

ياشباب ودنا الكل يشارك بأسباب نزول السوق الأمريكي وتأثيراته على السوق الكويتي
ولكم الشكر

 

[سالم علي علي]

ان شالله اخيرر نزول

 

[السور]

تأثير ايجابي
لان الناس تسحب فلوسها من السوق الامريكي واتحطها بالسوق الكويتي

 

[بوحسين11]

اسبابه حتى السيلاني يعرف انه صعد عشر الاف نقطة بدون اي توقف اسهمه دبلت عشره الى 400 بالميه شنو المشكله الي مستغرب منها اخوي خل نفهم ؟؟

 

[الموسوعه]

ايجابي لنا

عودة السيوله المهاجره تفوق الموجوده اضعاف !
بس العمام لازم يعملون فلم اكشن شوي

 

[نبيه خضر]

بعد صعود مستمر ضروري يصحح و حتا الاوربي نفس الشي
طبيعي و اذا نزلو سوقنا راح نفقد الثقه بالسوق مره وحده

 

[بورصاوي ٣٠]

المشكلة سوقنا يدور الشارة
وهذي تعتبر من أقوى الشارات مع إن أسعار أسهمنا بالحضيض بالاضافة إنه كل أسواق العالم استفادت وتشبعت ارتفاعات الا سوقنا مكانك راوح

أتمنى أن تكون المرحلة القادمة هي مرحلة سوقنا ويبدأ ارتفاعات ولكن هالشي ماعتقد يكون

سوق كامل متعلق على صفقة (أمريكانا)

 

[نصوح]

الداو 390 نقطة 2.5% أحمر
وتم كسر دعم ال 16000

 

[عندك سلف]

الارتباط بين سوقنا والبورصات الامريكية جزء كبير منه نفسي
كون الاقتصاد الامريكي هو اكبر اقتصاد في العالم
والنزول يعتبر حاد نسبيا في الايام الاخيرة
فلا بد من ان يتخوف المتداولين في بقية اقتصادات العالم ونحن من ضمن هذه الاقتصادات


وهناك جزء اخر من الارتباط وان كان قليل نسبيا الا انه موجود
وهو الارتباط الفعلي خاصة لشركات الاستثمار والبنوك المحلية التي لها استثمارات مباشرة في بعض الشركات الامريكية او غير مباشرة من خلال صناديق الاستثمار
لكن تقديري الشخصي ان عدد الشركات المدرجة التي لها استثمارات بالسوق الامريكي (اسهم ) قليل هذا بالاضافة الى ان حجم هذه الاستثمارت بالنسبة لبقية الاصول يعتبر قليل هو الاخر

كما يجب ان نأخذ بعين الاعتبار ان هذا النزول الحاد كان قد سبقه صعود تدريجي طويل ومتواصل فمؤشر داو جونز على سبيل المثال ارتفع من خانة ال6000 نفطة في 2009 الى 17000 نفطة في هذا العام فلو نزل 1000 او 2000 نقطة تعتبر مقبولة

كما ان هذه الفترة شهدت ارتفاع بسعر الدولار فالشركات المستثمرة بالسوق الامريكي قد تكون خسرت جزء من استثماراتها بسبب نزول البورصة الامريكية لكنها عوضت جزء من هذه الخسائر بسبب ارتفاع سعر الدولار

مع ذلك قد يشهد سوقنا ضغوط بيعية في الايام القادمة اذا لم يوجهها اخبار ايجابية محلية (صفقات ,تخارجات, نتائج الربع الثالث..الخ) او عالمية (انعكاس لاتجاه الاسواق العالمية او النفط..الخ)
تعادل هذه الضغوط

 

[الموسوعه]

اقل عجز منذ ٦ سنوات الامور تسير حسب الاصول برافو اوباما استمر

 

[السعد محمد]

لا علاقة مجرد تشابه اسماء

 

[رابح رابح]

السوق الكويتي والامريكي من 2001 - 2004
مختلفين عن بعض

​

 

[صقر2010]

الامريكي صارله سنه وهو يصعد
وماقلتوا ليش سوقنا ماصعد وياه
ومن نزل الامريكي اليوم ،، ع طول قلتوا سوقنا بينزل معاه

لاتعليييبق

 

[رابح رابح]

السوق الامريكي بوادي واحنا بوادي
منخفض عن قمة 2008
( -8.150 ) نقطة

السوق الكويتي

مؤشر الداوجونز
مرتفع عن قمة 2008
( +3,430 ) نقطة

​

 

[بورصاوي ٣٠]

التأثير كان قوي اليوم

 

[رابح رابح]

رئيسة الاحتياطي الفيدرالي الامريكي صرحت امس ان الاقتصاد ممتاز ولابد ان يحقق التضخم نمو +2% خلال هذا العام وهذ التصريح قلص انهيار السوق الامريكي امس من (-450) الى (-173) نقطة

 

[رابح رابح]

حاليا ارتد السوق الامريكي بارتفاع + 170 نقطة (16,880)
بسبب تصريحات رئيسة الاحتياطي الفدرالي الأمريكي اليوم قبل افتتاح الاسوق الأمريكية
صج ناس يحترمون اقصادهم
وكان ودي يصحح وينخفض 15,600 أو 13,500

​

 

[نبيه خضر]

حاليا ارتد السوق الامريكي بارتفاع + 170 نقطة (16,880)
بسبب تصريحات رئيسة الاحتياطي الفدرالي الأمريكي اليوم قبل افتتاح الاسوق الأمريكية
صج ناس يحترمون اقصادهم
وكان ودي يصحح وينخفض 15,600 أو 13,500

مشاهدة المرفق 230596​

و الله انا نفسك كان ودي يصحح عالاقل ٢٠٠٠ نقطه زياده

 

[رابح رابح]

و الله انا نفسك كان ودي يصحح عالاقل ٢٠٠٠ نقطه زياده

اتصدق انا السوق نازل وكنت مستانس مع اني مابعت ولا سهم وبالعكس شريت وكنت اتمنى السوق الامريكي يكمل نزول علشان يدعم ارتفاع سوقنا
واعتقد ان الانخفاض اللي صار بالسوق الكويتي مؤشر ممتاز على الرغبة بالتجميع لوجود صفقة امريكانا وقرب حدوث ارتفاع قوي للسوق قريبا ...لأن لو ماكان في صفقة جان طيرو الاسهم وصرفو بالغالي
​

سوق الحيالة وماأدراك ماسوق الحيالة
واحد يفرش لك ظله وواحد يبيعك خياله
اخوك بوخالد​

​

​

 

[speedorinoo2]

السلام عليكم ورحمة الله وبركاته
مساكم الله بالخير جميعا
أخوي رابح بوخالد
هل لاحظت الدايفرجينس اللي قاعد يحصل ما بين السوق الأمريكي وسوق الحيالة الكويتي ؟