شركة مجموعة برقان القابضة ش.م.ك مقفلة ( برقان جروب ) .

[zone]

احنا لو عندنا صج ادارة بورصة علي مستوي المفروض اتحاسب الشركة علي تداولات اليوم يعني معقولة سهم راسماله 6 ملايين وتداوله 32 مليون وهم قاعدين يضغطون عليه علي الاقل خلونا نعرف منو اللي بايع ومنو اللي شاري

أخوي عادل شتقول وشنو تخلي .. يمكن ادارة البورصة لهم حصة من الكيكة مثل ما صار سابقاً مع منا القابضة وطلعتها من 200 ولغاية 1980 ومن الرقم الاخير لغاية 980 وبعدها ارتفع لغاية 1800 تقريباً ...

 

[سالم 999]

السلام عليكم

اخوي سالم ...

كل ماكتبته واضح ولم اقول شئ اكيد لان كل اللي نسمعه اشاعات .
انت تملك السهم بسعر غالي جدا فلا تتأثر بكلام الناس اللي داشين بالصفحة يدورون على سوق الاوراق .
هناك تحاليل من ناس لهم باع طويل وخبرة فنية وتقنية ويجب الاعتماد عليهم .
تابع معاي هؤلاء الناس وشوف وقولي شنو رأيك .

لاتتأثر واصبر شوية وماعليك منهم لانهم مايملكون السهم وماعندهم غير قلة الادب والكلام الرخيص والتطنز والضحك وتحطيم من يملك السهم ....
تابع وشوف ولا تنفعل وشوفني مو قاعد ارد عليهم .
اللي خلاني ارد عليك لان حسيت انهم استطاعو زحزحة ملاك السهم ...
الاخ عادل اكن له كل احترام شوفه شنو كاتب .. وبوهباش طول الليل يراسلني على الخاص شوفه شنو كاتب .. والحين انت يسئوالك حسيت ان هناك نوع من التغيير .
لذلك اقولك اطمئن ولا تخاف .
تقبل تحياتي ​

ثق بالله اني لا أشكك في نواياك ولا أملك الحق أني اشكك في نواياك او نوايا اي شخص لانك قلت لك أنا متابع لك في الصفحه واضح من كتاباتك أنك تعرف أشياء أحنا ما نعرفها المبهمه مثل الحوله للحين ما باعت هذا رمز مبهم وثق بالله لا أشكك ولا أدخل في النوايا لا يعلمها الا ألله ومثل ما ينقال صدور الرجال صناديق ما أحد يعرف اللي بداخلها وحترامي لك
وانا الحمدالله قلت لك صابر على السهم ولا عندي نوع من الزعزعه لاكن أرد واقول المال عديل الروح وكل واحد حلاله غالي عليه
والله يوفقك ويعطيك على قد نيتك
واحنا الله يوفقنا ويعطينا على قد نيتنا
وتقبل مروري وارجو أن لا يفهم كلامي غلط
انا مالك في السهم ومن مجموعة الصابرين
ومشكور على الرد

 

[adelsaqer]

اشوه الشربيني استحي ماسكرها حد ادني مثل العاده الظاهر شاف مشاركاتنا مايبي يحرج ادارة البورصة :d

 

[سوق الاوراق]

ثق بالله اني لا أشكك في نواياك ولا أملك الحق أني اشكك في نواياك او نوايا اي شخص لانك قلت لك أنا متابع لك في الصفحه واضح من كتاباتك أنك تعرف أشياء أحنا ما نعرفها المبهمه مثل الحوله للحين ما باعت هذا رمز مبهم وثق بالله لا أشكك ولا أدخل في النوايا لا يعلمها الا ألله ومثل ما ينقال صدور الرجال صناديق ما أحد يعرف اللي بداخلها وحترامي لك
وانا الحمدالله قلت لك صابر على السهم ولا عندي نوع من الزعزعه لاكن أرد واقول المال عديل الروح وكل واحد حلاله غالي عليه
والله يوفقك ويعطيك على قد نيتك
واحنا الله يوفقنا ويعطينا على قد نيتنا
وتقبل مروري وارجو أن لا يفهم كلامي غلط
انا مالك في السهم ومن مجموعة الصابرين
ومشكور على الرد

السلام عليكم

اخوي العزيز سالم 999 بعد التحية والاحترام .

لو كنت افكر بشئ باتجاهك او ان كلامك غلط تاكد تماما لن ارد عليك . انما ردي لك رد اخوي وتوضيح لامر يدور بالخفاء وحبيت ان اوضح الامر فقط .
انت عزيز وغالي واخاف عليكم جميعا .
ولا تدقق على كلامي لانه فعلا غير مفهوم للبعض اللي ما يعرفوني وما يعرفون طريقتي .. اما الاخوان اللي متابعيني بالاسهم الاخرى .

نعم لدي معلومات ولا استطيع ذكرها لان الوضع غير صحيح واخاف يصير العكس واتوهق .

اما الشموحطة والحول كناية ... عن اهل جلوبل والامتيازات .. ..!!

وات شاء الله ما تجد مني الا كل تعاون واحترام وتقدير لاي شخص كان .
وراح تعرف من خلال متابعتك منهم المقصودين بكلامي .... !!!
ادري والله انكم تعانون من زمان وانكم ممسوكين والناس قاعد تضحك وتطنز
ويدورون سوق الاوراق .. وشوف المشاركات اللي كلها تحطيم وتشاؤم .... وهم ما يملكون السهم بس مجرد مشاركة فجائية لاني موجود وياكم الخ
وشوف الناس اللي تتعب وتحط التحليل الفني والكلام الحلو اللي ترفع المعنويات ويملكون السهم بالفعل ... وبعضهم ما يملكون السهم شوف كلامهم العسل وذوقهم الرفيع واحترامهم .

تابع وشوف راح تعرف كل واحد وشنو هدفه .. صحيح انكم راح تتعبون لاني موجود معاكم بس ماعلينا منهم وماراح ارد عليهم ابد لاني لا اريد ان احول الصفحة لصفحة الامتيازات .

تاكد تماما اذا لنا رزق راح ناخذه من السهم قصب طيب والمعلومات اللي عندي تمام وانا شاري كمية امس وعندي كمية ايضا بالنازل وماني خايف
بس ما اقدر اقول شئ لاني مربوط لان اي خطأ راح اصير مطبل
خلنا نشوف على الواقع وخلني مبهم واكتب مثل ما ابي لان هذه طريقتي وما اقدر اغيرها .

سأبتعد كليا عن المشاحنات والكلام الفاضي اللي ما يوكل عيش . ولنتعاون كلنا في سبيل مصلحتنا ومصلحة ملاك السهم . ونكون قد المسئولية .

تقبل تحياتي واحترامي .​

 

[نجم الراية]

شباب لا تخافون من السهم

اليوم دششت واحد من الربع عليه

حضه يكسر الصخر

يربح يربح ماشاء الله عليه

تفائلوا

الاخ سوق الاوراق ------------- الشجره المثمره هي التي تحذف

لا يهزك ريح يابطل

تحياتي ---------- نجم الرايه

 

[UNIX]

يابه هاي مو قلنالكم سكتوا عن السهم و ربع المدينه ما راح يقصرووو وياكووووم

النعنة على هجي خلق


الله يوفقكم يا رب

 

[كوادر]

يا ترى هل كان السهم اليوم فرصة للخروج أم لبناء المراكز خلونا انشوف الإقفال ونحكم ؟؟

اذا ارتد وارتفع قول الحمدلله و بيع لان مافى دعم على 194 و اعتقد يعتبر وهمى او للتصريف ,, لكن اذا صار تذبذب افضل ان تحتفظ بالسهم عشان يكمل شكل كوب و العروة و اذا نزل اشوى عنده دعم على 184 و نقطه ثانيه اقل.

على العموم فى وايد اسهم افضل اداء و انا الحمدلله طلعت من السهم على سعر 194 و بالتوفيق للجميع.

 

[نجم الراية]

يابه هاي مو قلنالكم سكتوا عن السهم و ربع المدينه ما راح يقصرووو وياكووووم

النعنة على هجي خلق


الله يوفقكم يا رب

ربع المدينه نعرف لهم يا يونكس

ونربح منهم غصب عنهم

ونعرف متي نهدهم يا بطل

تحياتي لك

 

[سوق الاوراق]

شباب لا تخافون من السهم

اليوم دششت واحد من الربع عليه

حضه يكسر الصخر

تفائلوا

الاخ سوق الاوراق ------------- الشجره المثمره هي التي تحذف

لا يهزك ريح يابطل

تحياتي ---------- نجم الرايه

السلام عليكم

نجم يا نجم ورايتك مرفوعة .

رابط برقان قروب راح اسميه (( ما يهزك ريح ))

بس ونستني اليوم لانك دششت واحد حظه يكسر الصخر

صدقني تقاؤل كبير كبير بوجود نجم ولا بعد رافع الراية

ان شاء الله راح نشوف شئ يفرح الجميع .​

 

[بو ضاري 2005]

انا عن نفسى خروج من السهم لسبب انا ماقدر على العب معهم والحمد لله دشية على سهم وعوضنى ورد سعر الشرا فى برقان قروب للعلم للذى خايف ليش تخاف وسهم راس ماله خفيف سريع الصعود وسريع النزول انشالله يرتفع وهاذى ارزاك من رب العالمين

 

[سوق الاوراق]

يابه هاي مو قلنالكم سكتوا عن السهم و ربع المدينه ما راح يقصرووو وياكووووم

النعنة على هجي خلق


الله يوفقكم يا رب

السلام عليكم

نعم وهذا الكلام الصحيح والمضبوط .

والشربيني وربع المدينة راح يعطونكم الخير ان شاء الله بس يبيلكم شوية صبر .
لان السوق والوضع العالمي له تاثير .
وهذا انا اسمع كلامك واكده لك .

تقبل تحياتي ​

 

[ميكانيكي]

اشم ريحت حد اعلى يوم الاحد

شرايك بالتطبيل سوق الاوراق

ههههههههههههههههههههههههه

 

[Navigator]

ههههههههههههههههههههههههههههههه

الدخول الامن فوق 226

دعم حالي 190

وقف خساره

كسر 168

كثر الدق يفك اللحام

وكثر التطبيل يشق الطبله



ملاحظه :

سهم للمغامرين واللي ما يبون فلوسهم

 

[سوق الاوراق]

انا عن نفسى خروج من السهم لسبب انا ماقدر على العب معهم والحمد لله دشية على سهم وعوضنى ورد سعر الشرا فى برقان قروب للعلم للذى خايف ليش تخاف وسهم راس ماله خفيف سريع الصعود وسريع النزول انشالله يرتفع وهاذى ارزاك من رب العالمين

السلام عليكم

تستاهل اخوي كل خير تمنيت لو انك ماسك السهم حتى لو يبي ينزل ...
لان السهم مو خالي في جني اعوذ بالله من الشيطا ن الرجيم . يحركه . بس ما اقدر اقولك على الخاص وانت شايف وعارف المحطيم سبب اساسي بخراب البيوت العمرانة .
الدنيا ارزاق وما يندرى وين رزقك وانت اتخذت قرارك . الله يوفقك ​

 

[فوزى بو احمد]

الله يالتداول شباب متأكدين رأس مال الشركة 6 مليون :d

 

[سوق الاوراق]

اشم ريحت حد اعلى يوم الاحد

شرايك بالتطبيل سوق الاوراق

ههههههههههههههههههههههههه

السلام عليكم

جان زين كل مرة تدش تطبل لنا . احلى تطبيل من احلى واشيك محلل فني بالعالم .

اصيل ياميكا .


تقبل تحياتي ​

 

[المجموعي]

اشم ريحت حد اعلى يوم الاحد

شرايك بالتطبيل سوق الاوراق

ههههههههههههههههههههههههه

انا اقووووولك ان
برقااااان جرووووب
قاعد تسوي
بق بق بق بق بق
,,,,,,,,
يعطيك العافيه اخي العزيز
ميكانيكي
تقدر تشوف لنا شارت برقان جروب


واكون شاكر لك

 

[المجموعي]

السلام عليكم

جان زين كل مرة تدش تطبل لنا . احلى تطبيل من احلى واشيك محلل فني بالعالم .

اصيل ياميكا .


تقبل تحياتي ​

انتي لسه شفت حاااااااجه من برقان جروب

مع الشربيني
مش هتقدر تغمض عينيك

الحقونا يا رجاله

 

[zone]

هذا شارت السهم لليوم

 

[بو ضاري 2005]

السلام عليكم

تستاهل اخوي كل خير تمنيت لو انك ماسك السهم حتى لو يبي ينزل ...
لان السهم مو خالي في جني اعوذ بالله من الشيطا ن الرجيم . يحركه . بس ما اقدر اقولك على الخاص وانت شايف وعارف المحطيم سبب اساسي بخراب البيوت العمرانة .
الدنيا ارزاق وما يندرى وين رزقك وانت اتخذت قرارك . الله يوفقك ​

انا مايهمنى المال كثر مايهمنى الشخص بل عكس انا كسبة معرفتك وانته تحاول تهدى على نفسياتهم انته ومن يخاف من الله بس ممكن شنو هتداول كميات رهيبه على راس مال 6 مليون ممكن تفسر الى صار اليوم وكم واحد دش القرقور اما يحطمك او يفرحك