اكتشاف بترول في شمال الكويت

[المدمر1]

عاجل


اكتشاف حقول جديدة للنفط والغاز بمستويات عاليه وبكميات هائلة
في شمال الكويت ،،

#الله يزيد ويبارك

هل يتأثر السوق ايجابيا من هذا الخبر في تداولات الايام القادمه

 

[سفير الود]

ان شاء الله يتأثر السوق بالخبر ويرتفع اتوقع الشركات اللي تخصصهم بالنفط يتحركون

 

[الموسوعه]

الله كريم والله يحفظ الوطن لكن المصدر بارك الله فيك ؟

 

[HAMAD ALSALEH]

مع كل خبر ايجابي نزول

والخبر هذا نبي مصدره لو سمحت
لان اماكن النفط في شمال الكويت معروفه لدى الجهات المختصه
والفتره الماضيه حصل تنقيب في بعض المزارع بالعبدلي وما اعلنوا عن شي يسوى ، اما الكميات اللي تتكلم عنها فهي كميات من النفط الثقيل استخراجه مكلف نوعاً ما ، الكويت فيها كميات لايستهان بها من النفط الثقيل ومعروفه من سنين ولكن ماجاء دور استخراجه لانه رخيص بالبيع ومكلف باستخراجه
لكن الحين متجهين صوبه
وعسى مايجي اليوم اللي نتجه للصخري

 

[barbarian]

الخبر لو كان صحيح ماله علاقة بارتفاع او نزول السوق نهائيا
حتى لو كانت شركات نفطية
لكن لو شركة نفط الكويت مدرجة في البورصة ممكن اقولك نعم راح تتأثر بالايجاب

 

[AHMAD ALI]

مبروك للدول الشقيقة والصديقة

 

[الصريح والصحيح]

النفط مايزيد ينقص ولا تصدق مايقال كل مايقال غير صحيح
ولو تستطيع تنتج 3 مليون السؤال كم تستطيع تصدر
والسؤال الأهم أن تمكنت من تصدير 3 مليون لمدة كم تستطيع ان تستمر
وكيف تنقل 3 مليون برميل يوميا لا المشتري وانت با الخليج اللذي لا تستطيع الناقلات العملاقه اللتي تحمل اكثر من 300 الف برميل دخوله
لو تحسب من يشتري النفط منا وتجمع براميلهم يطلع عندك التوتل

 

[المدمر1]

مع كل خبر ايجابي نزول

والخبر هذا نبي مصدره لو سمحت
لان اماكن النفط في شمال الكويت معروفه لدى الجهات المختصه
والفتره الماضيه حصل تنقيب في بعض المزارع بالعبدلي وما اعلنوا عن شي يسوى ، اما الكميات اللي تتكلم عنها فهي كميات من النفط الثقيل استخراجه مكلف نوعاً ما ، الكويت فيها كميات لايستهان بها من النفط الثقيل ومعروفه من سنين ولكن ماجاء دور استخراجه لانه رخيص بالبيع ومكلف باستخراجه
لكن الحين متجهين صوبه
وعسى مايجي اليوم اللي نتجه للصخري

الخبر منقول من تويتر ولا اعرف مدى مصداقيته
وهذا تعليق بصيغه اخرى ل جريدة الانباء عن الخبر

جريدة الأنباء الكويتية | اكتشافات جديدة مرتقبة للغاز والنفط في الشمال - http://www.alanba.com.kw/ar/economy-news/490521/13-08-2014

 

[رابح رابح]

حقول الشمال قديمه وفيها كميات نفط ممتازه منذ القدم والتوجهات الحالية لتطوير انتاج الحقول
وبالشمال حقلين نفطيين معروفين منذ القدم وهم

- حقل الروضتين
- حقل الرتقه ​

الله يزيد الخير ويبارك في هذا البلد المعطاء الكريم
ويحفظه ويحفظ حكامه واهله والمقيمين فيه من كل شر وكروه ومن شر كل حاسد يارب

 

[الطوق]

ويصلحهم اااااااامين

 

[قاروه]

اعتقد تم ذكر هالاكتشاف بعهد الشيخ احمد الفهد عندما كان وزيرا للنفط

 

[بدون مجامله]

الخير كثير بالكويت ولله الحمد ، لكن مايعطونا الا الحد الادنى منه

 

[رابح رابح]

اعتقد تم ذكر هالاكتشاف بعهد الشيخ احمد الفهد عندما كان وزيرا للنفط

بوعبد العزيز هذي الحقول قديمة انا اشتغلت بالحقول هذي قبل 35 سنه
ميزة هالحقول البرشر (ضغط الغاز الطبيعي) مرتفع والاعلى بالكويت ونفط خفيف نسبة المشتقات فيه عاليه (ممتاز) وغني بالغاز

الكويت من عمرها ام الخير ومازالت ام الخير والاعلى بالتبرعات والوقف على مستوى المواطنين بالعالم

 

[سفير الود]

@AlraiMediaGroup: «نفط الكويت»: مناقصة
بـ200 مليون دينار خلال أسبوعين | اقتصاد http://****/IOWEDvlppz

 

[سفير الود]

يعني راح يطرحون مناقصات على الشركات اللي تشتغل بنفس المجال

ياليت احد الأخوان يفيدنه بالشركات النفطيه

 

[BOAHMAD]

يعني راح يطرحون مناقصات على الشركات اللي تشتغل بنفس المجال

ياليت احد الأخوان يفيدنه بالشركات النفطيه

مافي مناقصات تعطى للشركات اللي في بالك
حالياً تم التوقيع على انشاء ٣ مراكز تجميع بشمال الكويت بمبالغ متفاوته تتجاوز ٦٠٠ مليون دينار مع ٣ شركات اجنبيه بوكلاء محليين لشركات عائليه غير مدرجه
والشركات المدرجه اللّي شغاله بالنفط تبلع بالمناقصات والفلوس وتعلن خساير مثل ابار و السفن او ربح متواضع مثل ص متحده ونابيسكو