«بلومبرغ»: «صافولا» على خط المنافسين للاستحواذ على «أمريكانا» بـ 5 مليارات دولار

[Economycode]

@Economycode: «بلومبرغ»: «صافولا» على خط المنافسين للاستحواذ على «أمريكانا» بـ 5 مليارات دولار
http://****/9NtDwMGhTR

 

[بورصاوي ٣٠]

والله ما عرفنا هل في فعلا صفقة بيع امريكانا؟؟؟
ولا كلها كلام في كلام ؟؟؟

 

[سلفارادو]

يعنى فرق السوم ....... مليار !!!!!
من 4 الى 5
ما فيه تدرج منطقى على الاقل

 

[الطوق]

والله ما عرفنا هل في فعلا صفقة بيع امريكانا؟؟؟
ولا كلها كلام في كلام ؟؟؟

شغل تصررررررررررررررررريف الله يسلمك

 

[حمد44]

من قبل أربع سنوات هم كان في كلام عن بيع أمريكانا (تصريف علينا كالعاده)

 

[مليون دينار]

في صفقة او مافي السهم وصل 3 دنانير يعتبر اعلى سعر بالسوق من غير منافس

بس الاهم اذا في صفقة ما هي الشركات المستفيدة

 

[whaler]

كل شركات الخرافي مستفيده .... اتوقع هالمره صاجيين
و5 مليار مبلغ مو شويه ...سعر اغراء وجميل ...
ودليل علي ان ممكن الصفقه صحيحه ان بنك الوطني صاعد اليوم ...ممكن صحيح الكلام 90% يسكر ديون الوطني

 

[المختار بساط]

تتدوال بنك الوطني ..... شي طيب .... واتمنى ان تكًون هناك صقفة ..... بالمختصر المفيد..... صقفة زين وصقفة امريكانا ....، اصبحت حلم ..... الملاك

 

[HAMAD ALSALEH]

مافي شي
والاشاعه مصدرها صناديق تملك باسهم المجموعه تبي تصرف

 

[AL.MOUSAWI]

في صفقة او مافي السهم وصل 3 دنانير يعتبر اعلى سعر بالسوق من غير منافس

بس الاهم اذا في صفقة ما هي الشركات المستفيدة

عينك على المغاربية

وشوف التداول عليها اليومين اللي طافوا

 

[حمد44]

بس يا جماعه الصينيه مو بغروب الخرافي ليش عاد ما تتفاعل مع المجموعه

 

[whaler]

شركات الخرافي ...

1- الاستثمارات الوطنية
2-الساحل
3-الخليج لكابلات
4-اسمنت خليج
5-المال
6-

هذا اللي اعرفه اذا في بعد يمكن المغاربية

 

[رابح رابح]

من قبل أربع سنوات هم كان في كلام عن بيع أمريكانا (تصريف علينا كالعاده)

مرحبتين كبار أخوي حمد الطيب ان شاء الله هالمره السالفة حقيقية ويصير فيها تغريف مو تصريف
وتابع سهم استثمارات اذا تمت الصفقة وخذا عمولة الصفقة مابين 2 - 2.5 %
عمولته تحقق ربحة مابين 30 - 40 فلس للسهم بالاضافه الى ارباحة وارتباطه بسهم زين وتطورات احداثها
الا اذا خلو الساحل يصير مدير الصفقه علشان يطيرونه ويستفيدون من العمولة والمضاربة بالسهم وهذا الاحتمال ضعيف جدا

وللعلم المغاربيه والسكب من جروب الخرافي

 

[حمد44]

مرحبتين كبار أخوي حمد الطيب ان شاء الله هالمره السالفة حقيقية ويصير فيها تغريف مو تصريف
وتابع سهم استثمارات اذا تمت الصفقة وخذا عمولة الصفقة مابين 2 - 2.5 %
عمولته تحقق ربحة مابين 30 - 40 فلس للسهم بالاضافه الى ارباحة وارتباطه بسهم زين وتطورات احداثها
الا اذا خلو الساحل يصير مدير الصفقه علشان يطيرونه ويستفيدون من العمولة والمضاربة بالسهم وهذا الاحتمال ضعيف جدا

وللعلم المغاربيه ومنافع للاستثمار والسكب من جروب الخرافي

هلا بطيب والسنع كله هلا بو خالد أخاف أشتري يسون فيني مثل ما سوو من قبل شريت إستثمارات ب460 فلس سالفة بيعة زين وما تمت بعدها ما قدرت أبيع إلا على 270 فلس بعد صاير أنا خواف حدي وحسافه كان عندي وايد أسهم مغربيه بعت نصهم على 39ونص علما شاريهم هلى 50 فلس سوقنا يخوف حده هذولا مو العاده يعلنون إلا إذا تمت الصفقه أما يعلنون جدام الجميع هذا ألي مو داش بمخي صرت أشك بالكل حتى بأبوي أحسه يشتغل لمحافظ ويصرف علي

 

[رابح رابح]

هلا بطيب والسنع كله هلا بو خالد أخاف أشتري يسون فيني مثل ما سوو من قبل شريت إستثمارات ب460 فلس سالفة بيعة زين وما تمت بعدها ما قدرت أبيع إلا على 270 فلس بعد صاير أنا خواف حدي وحسافه كان عندي وايد أسهم مغربيه بعت نصهم على 39ونص علما شاريهم هلى 50 فلس سوقنا يخوف حده هذولا مو العاده يعلنون إلا إذا تمت الصفقه أما يعلنون جدام الجميع هذا ألي مو داش بمخي صرت أشك بالكل حتى بأبوي أحسه يشتغل لمحافظ ويصرف علي

هلا بالغالي ماعليك زود والله انت الطيب كله ياحمد ..الله يعوض عليك ويرزقك بنفس المره اللي ذكرتها قالو نفس الكلام تمثيلية وماكو صفقة وتصريف وتمت الصفقة
الشغل بالسوق مافيه مجال للخوف ولكن فيه شي مهم المنطق والعقل وحاليا السهم قرب مقاومة قويه 140 فلس وبياناته الماليه افضل من السنوات الماضيه بكثير ونسبة المخاطر منخفضه انا توني شاري ب 150 فلس لان نسبة المخاطر منخفضة وصفقة اغذية احتمال ماتتحقق ولكن احتمالات الانخفاض محدوده والسهم سهم قيادي مو سهم عادي وعنده ملكيات مهمة وسهم زين عنده اكتتاب البحرين بعد 3 اسابيع
وعموما الفرص كثيره بالسوق واحيانا الانسان يجتهد وماتضبط .. اهم شي الشراء يكون عقلاني وليس عاطفي

وغالبا الصفقات العالمية الضخمه تتسرب اخبارها .. وبصفقة الشوتايم اللي نفوها ما استبعد يتم الاعلان عن التوصل الى اتفاق مع الشاري واتمتام الصفقه

السوق اذا بيرتفع بقوه يحتاج صفقات ملياريه مثل هالصفقات وممكن تكون هالصفقات من ضمن سياسة وتكتيك كبار صناع السوق لدعم ارتفاع السوق بقوة

 

[نبيه خضر]

هلا بالغالي ماعليك زود والله انت الطيب كله ياحمد ..الله يعوض عليك ويرزقك بنفس المره اللي ذكرتها قالو نفس الكلام تمثيلية وماكو صفقة وتصريف وتمت الصفقة
الشغل بالسوق مافيه مجال للخوف ولكن فيه شي مهم المنطق والعقل وحاليا السهم قرب مقاومة قويه 140 فلس وبياناته الماليه افضل من السنوات الماضيه بكثير ونسبة المخاطر منخفضه انا توني شاري ب 150 فلس لان نسبة المخاطر منخفضة وصفقة اغذية احتمال ماتتحقق ولكن احتمالات الانخفاض محدوده والسهم سهم قيادي مو سهم عادي وعنده ملكيات مهمة وسهم زين عنده اكتتاب البحرين بعد 3 اسابيع
وعموما الفرص كثيره بالسوق واحيانا الانسان يجتهد وماتضبط .. اهم شي الشراء يكون عقلاني وليس عاطفي

كلام جميل و منطقي جدا

 

[الكوتي]

السعر المعروض من صافولا
هو 3.500دينار
والشركه تتفاوض أعتقد أنهى تستحق

 

[رابح رابح]

كلام جميل و منطقي جدا

شكرا اخوي الفاضل وانا عدلت وضفت معلومة للمشاركة

 

[رابح رابح]

من الصدف ان صفقة زين بهارتي تمت بعد ان انخفض السوق الى مستوى 6700 في 2010
حاليا سهم اغذية بارتفاع ومدعوم عند سعر 3.100

-هل ارتفاع الشراء في سهم الوطني مرتبط بهذه الصفقة وتحسن الوضع المالي لمجموعة الخرافي لارتباطة بقروض المجموعه ؟؟

- هل سيعيد التاريخ نفسه وتكون مجموعة الخرافي هي المنقذ للمؤشر ؟؟

 

[الفيلكاوي 75]

صباح الخير الشركه السوريه مجموعه الخرافي