رجاء وطلب لكل المحللين /فني/ومالي

[ابو عبدالله@@]

صفاة طاقة
انا متعلق في هالسهم اكثر من سنة ونص
ارجو منكم ان تشورون علي وتحللونه وتفحصونه بعد ماليا وفنيا وتوجهوني شنو الحل بالتعويض عن الخسارة اللي انا فيها
واشكركم مقدما والله يعوض علينا وعليكم ويرزقنا ويرزقكم بالشهر الفضيل ودمتم

 

[basharele]

الله يعوض عليك
هالسهم مرض وثقيل
والله انا اشوف تبدله بصفاة عقار
نفس السعر تقريبا
لكن صفاة عقار اقل راس مال واخف منه
والسهمين على دعم حاليا
انت طلبت الشور وعطيتك والقرار لك
الله يوفقك ويرزقك من حيث لاتعلم ولا تحتسب

 

[ابو عبدالله@@]

مشكور والله يجزاك خير

 

[المستحيل]

انتظر راح يتحرك بإذن الله
اغلب الاسهم تحركت الاسبوع اللي طاف وحالياً جني ارباح

اغلاق اقل من ٣٢ ممنوع

ان اصبت فمن الله وان اخطأت فمن نفسي والشيطان
وابيك تسامحني ان اخطأت دون قصد
بالتوفيق

 

[ابو عبدالله@@]

مسموح يالمستحليل
وانا ما حطيت الموضوع الا ابي احد يشور علي والتصرف انا اتحمل عواقبة والله يرحم والديك ولاهنت

 

[السعد محمد]

صفاة طاقة حتى الان افضل من الناحي المالية من صفاة عقار

ولا اعرف ماهي اصول الشركتين يعني ماذا تملك كل منها وما هو مستقبلها في مجال عملها

اظن ان الوقت قريب جدا للتبريد بعد اخذ راي المحلل الفني

وسعرها حاليا يعتبر ممتاز مقارنة ببياناتها المالية الحالية

السعر 36 والقيم الدفترية 68 ولكن عندها انخفاض مستمر في القيمة الدفترية ( ييعني الشركة قاعدة تخسر فما هو سبب الخسارة ومتى تتوقف ؟)

 

[الراقي]

ترى اغلب الشباب يشترون الاسهم على انها نظيفة ومحترمة وماليآ وفنينآ خوش شركة وبعدها فترة بدون اي مقدمات تطلع الشركة عكس ذالك ويتم تنزيلها ودوس بطنها تدخل بعدها في ثلاث احتمالات
الاول تفلس وتطلع من البورصة
الثاني تخفيض راس المال وبعدها زيادة واخر شي هم سارقين الشركة
الثالث وهذا اللي اتمنى لك ان يكون الشركة عليها تجميع مع ضغط من فترة طويلة وبأي وقت تنفجر

 

[ابو عبدالله@@]

طيب يالراقي شلون اعرف ان الشركة عليها تجميع وضغط

 

[الراقي]

طيب يالراقي شلون اعرف ان الشركة عليها تجميع وضغط

صعبة انك تعرف بسهولة بسبب ان اللي يبي يجمع ويضغط السهم في الكويت ماخذ راحتة على اخر مافي احد يضايقة او ينافسة على سهم
تقدر تقول اتفاق بين الملاك الكبار كل واحد يشتغل بروحه ماله شغل بأحد
يعني عادي يقعد فترة سنوات وفي الاخر يعوضها برتفاع طيب

 

[mishmish]

أكثر من مرة يلامس ال 37 مع شمعة اليوم نشوف يكسرها أم لا !!

 

[رابح رابح]

صفاة طاقة
انا متعلق في هالسهم اكثر من سنة ونص
ارجو منكم ان تشورون علي وتحللونه وتفحصونه بعد ماليا وفنيا وتوجهوني شنو الحل بالتعويض عن الخسارة اللي انا فيها
واشكركم مقدما والله يعوض علينا وعليكم ويرزقنا ويرزقكم بالشهر الفضيل ودمتم

اخوي بوعبدالله السهم ماليا ماعنده مشكله لان ديونه منخفضه وقيمته السوقيه تعادل نص قيمته الدفتريه وقريب من قاعه ٣٣ فلس

الشركة عندها شغل في ليبيا وهذي مشكلة السهم

ولكن ارجوك انتبه المشكلة مشكلة السوق والتداول جميع المساهمين لان جميعزالاسهم منخفضة والكل يعتقد ان سهمه الوحيد اللي فيه مشكلة
اهم شي انك تقتنع بسهمك او تبدله بسهم جيد افضل منه
الله يوفقك