بنكي التمويل وابي اشترك في شركة وساطة اسلامية ومجانا ؟

[nocry]

السلام عليكم
بنكي التمويل وابي اشترك في شركة وساطة اسلامية ومجانا ؟
برنامج بيتك للتداول سيئ جدا
جربت بوبيان برو ممتاز بس 150 دينار بالسنة
ف ابي شي مجانا و يكون اسلامي
برنامج بيتك ما يبين عمليات الشراء و البيع فقط الصفقة غير البرامج الثانيه تبين البيع و الشراء
وابي برنامج نفس بوبيان برو بس مجانا
وشكرا

 

[مستثمر شامل]

لو وصلت هذي الملاحظه لبيتك للتداول,,,, يمكن يتداركونها,,,
بس لو توضح شنو المشكلهّ,,,,,انا اشوف بالبرنامج ممكن يبين اذا بيع تصير لون الصفقه الاولي احمر واذا شراء الصفقه الاولي اخضر

 

[الصيااااااد]

عليكم السلام ورحمة الله

مجاني اشترك فقط بمكتب الوساطة مباشرة من غير وسائط وشوف المكتب اللي يعجبك

فقط يأخذون عمولة الصفقات

 

[سرور]

شركة هيرمس للوساطة
وشركة الرباعية للوساطة
جربتهم مافيه أي مشكلة معاهم
وبالتوفيق

 

[متدااوله]

البنك الاهلي المتحد بنك اسلامي(بنك الكويت والشرق الاوسط سابقا) خدمتهم ممتازه افضل من بيت التمويل وبوبيان وعندهم برنامج البرو والأشتراك السنوي20دينار فقط
للاستفسار اتصل 1802000
ومايأخذون غير عمولة السوق علي الصفقات وعندهم خدمة التداول بالسوق الامريكي اذا تحب تتداول بالامريكي

 

[الراقي]

انا نفسك عندي حساب في بيتك و الاوسط فاشلين
لان اتابع التدول عن طريق شركة الاتحاد مجاني الله يجزاهم خير

 

[بو بندر]

كنت اتداول بالسوق عن طريق البروكر التعيس من ٢٠٠٥ اتداول بالاوسط لكنه للاسف مافي تطور الي الان مع انه كان السباق في التداول الالكتروني لكن الباقين تفوقو عليه
حاليا اتداول بالاتحاد جدا جدا ممتاز مجاني او سريع فوري الصفقه تنفذها بثواني

 

[nocry]

اليوم رحت الشركة الرباعية و شركة هيرميس
قالو انه اذا بحول من حسابي الى حساب البورصة لازم عن طريق المقاصة يعني اروح البورصة و اعطيهم المبلغ
أما اذا كان الوضع نفس بنك التمويل / بوبيان / الخليج / الوطني يكون التحويل الكتروني يعني عن طريق الانترنت تحول و تنطر نص ساعه تقريبا و يتحول الى حسابك للتداول
لأنه هالبنوك فيها اسهم ( هذا اللي فهمته منه )

متردد من سالفه انه لازم اروح البورصة واحول المبلغ. قالي مافي ولا طريقه انك تحول مباشر من بنك الى هيرميس او الشركة الرباعيه على سبيل المثال

 

[foxmind]

اربط حسابك بالمقاصه وتقدر تشتري عن طريق البروكر او الكتروني اذا في رصيد بحسابك يعني البروكر يشتريلك وثاني يوم يقصون من حسابك واذا لك فلوس تقدر تقوله ارسلها لحسابي

انا اتداول مباشره بس معتفس الحين ابي فلوس لازم اطلب شيك وانتظر واسحب. لاني ماربطت الحساب

المثنى تبع بيتك ممتازه بس برنامج تداولهم تعيس وياما خسرني تعليقات وعدم بيان الاوامر او الصفقات بالشكل السليم

 

[بو بندر]

خلي حسابك مربوط بحسابك البنكي ما يحتاج تحول او تسحب يتحول بحسابك دايركت وإذا شريت يسحبون من حسابك دايركت

 

[nocry]

اليوم رحت ل الشركة الرباعية و هيرميس ايفا
قالولي

البنك الاهلي المتحد بنك اسلامي(بنك الكويت والشرق الاوسط سابقا) خدمتهم ممتازه افضل من بيت التمويل وبوبيان وعندهم برنامج البرو والأشتراك السنوي20دينار فقط
للاستفسار اتصل 1802000
ومايأخذون غير عمولة السوق علي الصفقات وعندهم خدمة التداول بالسوق الامريكي اذا تحب تتداول بالامريكي

اخوي اتصلت على الاهلي المتحد ، عندهم برنامج الاهلي برو سعرة بالشهر 20 يعني بالسنة 240

 

[nocry]

خلي حسابك مربوط بحسابك البنكي ما يحتاج تحول او تسحب يتحول بحسابك دايركت وإذا شريت يسحبون من حسابك دايركت

اخوي عفوا سألت مكتبين للوساطة و قال مافي شي اسمه تربط حسابك بالبنك احنا مالنا شغل و لازم عشان تتداول عن طريقنا لازم عن طريق المقاصة
و اذا بيت التمويل و بوبيان مثلا تحول الكتروني دايركت لأنهم اهم يتعاملون مع شركات وساطة عن طريقهم مو من برا

 

[nocry]

بنك برقان / وربة عندهم شركة يتعاملون معاها ؟

 

[الراقي]

اخوي عفوا سألت مكتبين للوساطة و قال مافي شي اسمه تربط حسابك بالبنك احنا مالنا شغل و لازم عشان تتداول عن طريقنا لازم عن طريق المقاصة
و اذا بيت التمويل و بوبيان مثلا تحول الكتروني دايركت لأنهم اهم يتعاملون مع شركات وساطة عن طريقهم مو من برا

ياخوي ليش معذب نفسك نزل الاتحاد بث مجاني وبيع وشتري في بنكك وانتهى الموضوع
انا صار لي سنة ماشي على هذي الطريقة
الاتحاد يشتغل على سامسونج و ابل

 

[بو بندر]

اخوي عفوا سألت مكتبين للوساطة و قال مافي شي اسمه تربط حسابك بالبنك احنا مالنا شغل و لازم عشان تتداول عن طريقنا لازم عن طريق المقاصة
و اذا بيت التمويل و بوبيان مثلا تحول الكتروني دايركت لأنهم اهم يتعاملون مع شركات وساطة عن طريقهم مو من برا

روح لشركة الاتحاد بالبورصه واسألهم عن التداول الالكتروني

او روح لمكتبهم الي يم بنك بوبيان ويضبطون لك الوضع

الي قالك مافي ربط ماعنده سالفه انا اجيك علي رصيدي بالبنك من البرنامج

او البرنامج لايف اول بأول

 

[بو بندر]

ياخوي ليش معذب نفسك نزل الاتحاد بث مجاني وبيع وشتري في بنكك وانتهى الموضوع
انا صار لي سنة ماشي على هذي الطريقة
الاتحاد يشتغل على سامسونج و ابل

انصحك تجرب البرنامج الاصلي مو التجريبي راح يعجبك جدا تنفذ الصفقه بثواني سواء شرا او بيع

 

[foxmind]

ياخوي ليش معذب نفسك نزل الاتحاد بث مجاني وبيع وشتري في بنكك وانتهى الموضوع
انا صار لي سنة ماشي على هذي الطريقة
الاتحاد يشتغل على سامسونج و ابل

اخي الكريم الربط مو مع المكتب انت تروح للبنك وتقولهم بربط حسابي بالمقاصه وتوديها للمقاصه ويسئلونك عن المكتب اللي تتعامل معاه من مكاتب الوساطه وخلاص بعدها تقدر تشتري ويقصون من حسابك حتى لو ماعندك رصيد بس هذي يتحملها البروكر لازم يكون في ثقه بينك وبينه او ان حسابك يكون فيه فلوس وانت حر بالشراء بنفسك والبيع بنفسك والفلوس راح تروح لحسابك بنفس الأيام للشيكات احد واربعاء واعتقد انك تقدر تحول للمقاصه بالكمبيوتر بعد الربط

 

[AL.MOUSAWI]

ياخوي ليش معذب نفسك نزل الاتحاد بث مجاني وبيع وشتري في بنكك وانتهى الموضوع
انا صار لي سنة ماشي على هذي الطريقة
الاتحاد يشتغل على سامسونج و ابل

وين الرابط اخوي الغالي

 

[الراقي]

وين الرابط اخوي الغالي

 

[بو بندر]

https://itunes.apple.com/kw/app/usbc-lite/id457517711?mt=8

هذا التجريبي العام

https://itunes.apple.com/kw/app/usbc-alathad/id436113054?mt=8

هذا الاويجنال لازم عندك حساب عندهم

https://itunes.apple.com/kw/app/wtnyt-lite/id494273339?mt=8
هذا الوطنيه هم مجاني