بشتري أسهم الوطني او التمويل نصايحكم

[ali5225]

السلام عليكم ورحمة الله وبركاته تقبل الله طاعتكم وكل عام وانتم بخير عندي مبلغ 4 الأف دينار وابي اشتري فيهم اسهم واحطهم مثل مايقولون تحت المخده بشو تنصحوني واسهم البنوك كم مره بالسنه توزع الأرباح والله يجزاكم الف خير ...

 

[خوش ولد]

انا من رايي تسافر فيهم تستانس

 

[حمـش]

لا تشتري ولا شي
شرايك تحطهم عندي
​

 

[زارع الامل]

اشترك ارض بعمان او الامارات ابرك

 

[KSE-Kuwait]

عليكم السلام .. منا و منك يالغالي و كل عام و انت بخير

تبي تستثمر بالاسهم حاول تشوف التوزيعات التاريخية الأعلى نسبة مردود لراس المال ( دراسة بسيطة )
الشركات و البنوك اللي سخية بتوزيعاتهم (حسب ظروفها طبعا) و مو دائما تصير
نفس شلون لا قلت تبي مدخول عمارة ٧ ولا ٨٪ ... عندك اسهم بتوزيعات سابقة تفوق ١٢٪ لراس المال

مثال : توزيعة لبيتك ١٣٪ ن ١٣٪ م
توزيعة للمباني ١٠٪ ن ١٠٪ م
و بهالمقياس شوف تاريخ توزيعات الشركات اللي تبرد الجبد .. و يفضل مع منحة


و اسهم البنوك توزع مرة اخر السنة فقط

موفق خير اخوي

 

[سرور]

4000 دينار بسوقنا مايبلون الريق
خلك بعد (جمع عليهم ) .. اذا صاروا 000 20 ألف
وقتها يمكن السوق تعدل وراحوا النصابين
ادخل على سهم فيه أرباح موشرط بنوك

 

[ضحية جراند]

لاتفكر في شراء اي سهم الكاش عزيز هلايام

 

[سالم علي علي]

الشراء بسوق بالوقت الحالي منتاز بس موقيادي اخذ الاسهم الي ماعليهاا ديون مثل سنام انجازات عقارت ك ايفااا مغاربيه ساحل صدقني شراء هلايام شراء تجارر

 

[متدااوله]

انصحك بالاستثمار في بنك وربه او الدولي

 

[جمبازى]

اشتر

صلبوخ او رمل ..كيفك

 

[الاسمنت الابيض]

بنك وربه وبنك الخليج اسعارهم حلوة

 

[امبركو]

إشتر بنك وربه مادام اتفكر بالبنوك ..

 

[امبركو]

لا تشتري ولا شي
شرايك تحطهم عندي
​

هههههههههههههههههههههه
حلوه حلوه ياحمش

 

[امبركو]

4000 دينار بسوقنا مايبلون الريق
خلك بعد (جمع عليهم ) .. اذا صاروا 000 20 ألف
وقتها يمكن السوق تعدل وراحوا النصابين
ادخل على سهم فيه أرباح موشرط بنوك

هههههههههههههههههههههههه
حلوه ياسرور راحوا النصابين .. بس هذولى يرجعون لو السوق تعدل او يرجع غيرهم

 

[sportsaaad]

انا رايي نفس رأي الاخوان تسافر فيهم وتستانس وعلى طريجك تشتري لك ارض في عمان او الامارات ، والله يوفقك دنيا واخره

 

[نجوم777]

لاتشتري من بنوك ربويه نصيحه لله .. وفليساتك استثمرهم بره البورصه ....وبعدين ٤ الاف قليل وانت تبي بنوك .. عموما وربه زويين