وين الحل

[badalz]

يا جماعه دبرونا انهد حيلنا من هالسوق

 

[المستحيل]

يا جماعه دبرونا انهد حيلنا من هالسوق

اتكل على الله وحده وراقب سهمك مع مراعاة وقف الخسارة

 

[وايلي]

مالك الا الصبر وش وداك له

 

[BOAHMAD]

شلون انهد حيلك من السّوق ؟؟
انت قاعد تتداول بالسّوق ولاّ شنو بالضبط ؟؟
السوق والخساره تهد الميزانيه ،، تمحي الرصيد لاكن ماخبرت السوق يهد الحيل
دير بالك ترى قاعدين نكش ذبّان ماكو شغل !! ندوّر الشاره والزّله بالتفق

 

[فارس777]

ان الله مع الصابرين

 

[لاعب بورصة]

ونعم بالله سبحانه وتعالى

* الصبر مفتاح الفرج

*الأموال تنمو مع شجرة الصبر ( ابو احمد مو تشتري شجرة صبار اعرف قطاتك ^_* )

المحافظ والاموال الساخنة لاتدخل الا بوقت معين لذلك وتخرج لوقت معين مصحوب بتداولات عالية او مقننة بمدى محسوب وكميات محترفة او متبادلة ( مابين تجميع الى تصريف )

فالمساومة تكون على صبر المتداول ووقته وحاجته للأموال بأي لحظه هذا هو الوتر الحساس الذي يلعب في نفسية المتداول !!؟؟

 

[بدون مجامله]

الحل طال عمرك تترك البورصه ترى ماسمعنا احد مليّن من البورصه مضاربات ماتذكر وحتى اذا استثمر كم بيطلع له ربح ..! حالياً الي داخلين بالبورصه مدمنييييين مدمنييين ٢٤ يحسب بالحسابه ١٠٠ الف سهم يصعد ٣٠ فلس الله ربح ٣٠٠٠ الاف وهكذا

 

[Maestero]

الحل يا طويل العمر انك تطلع من السوق الحين وتقلل خسايرك ولا تدخل الا اذا تعدلت الاوضاع سياسيا على المستويين الداخلي والمحيط بنا .. الاوضاع سيئه ورأس المال جبان
راديو سوا يقول خلافات الاسره الحاكمه في الكويت قد تؤدي الى كارثه !
الله يستر على هالديره

 

[nabhaan79]

أنا أذكر قبل كان عندي سهم قبل الأزمه وكان ينزل وينزل وينزل حسيت إني مغفل شلون هم اللي ينزلون أسهمي المهم

بعت بخساره وطلعت فلوسي وسافرت فيهم وأنا اللي نزلت السهم مو السوق

وبالنهايه عاشوا عيشه سعيده

 

[ورد و هيل]

الحل

1 ..ذكر الرحمن ع الدوام

دعاء عند الكرب يقول: لا إله إلا الله العظيم الحليم، لا إله إلا الله رب السموات والأرض ورب العرش العظيم.

2 .. لاتفكر بالاسهم والسوق .. اشغل نفسك بدوامك بعيالك بسفره

اعتبر ان فلوسك اللي حطيتها بالسوق موجوده كما هي ولكن تحتاج الى كم شهر للحصول عليها

لسبب واحد

لان السوق فيه حيتان و اسماك قرش غرقااانه نفسنا ولازم يسعون بكل ما اوتوا من قوة وسطوة لتعديل الوضع ولو بعد حين

3 .. قل حسبنا الله ونعم الوكيل فيهم في كل وقت..................................................قلبي مترووسة منهم

 

[الصيااااااد]

ماتفكرون بالطلعة إلا الحين عاد

مو كان المؤشر ٨٤٥٠ والان ٦٩٦٥

انا الغريق وماخوفي من البلل

شربت مروقها خلاص ماني طالع

 

[Maestero]

ماتفكرون بالطلعة إلا الحين عاد

مو كان المؤشر ٨٤٥٠ والان ٦٩٦٥

انا الغريق وماخوفي من البلل

شربت مروقها خلاص ماني طالع

الطلعه كانت من يوم ما حدد لك المحللين الثقات من زمان
وعموما ان تاتي متاخرا خير من ان لا تاتي ومازال وقف الخساره والخروج مطلوب عدى الاسهم اللي ممكن فيها شويه صعود مضاربي هاليومين

 

[الصيااااااد]

الطلعه كانت من يوم ما حدد لك المحللين الثقات من زمان
وعموما ان تاتي متاخرا خير من ان لا تاتي ومازال وقف الخساره والخروج مطلوب عدى الاسهم اللي ممكن فيها شويه صعود مضاربي هاليومين

لاتوصي حريص يالغالي

مستعد اتفادى اي انخفاض بسرعة البرق ، وقد تفاديت انخفاضات حادة مسبقاً (( هو مجرد زر اضغطة )) يصير مثل كرسي الطائرة الحربية عند احتراقها تقذف بة بالمظلة

مشكور يالغالي على النصيحة

 

[Now]

الحل في تخصيص نصف ساعة يوميا في تعلم التحليل المالي والفني .. ولو الاساسيات البسيطة

تعرف فيها متى تدخل وتطلع من السوق ..

غير جذي انت معرض للخسارة 1000%