شركة الإستثمارات الصناعية والمالية ش.م.ك.مقفلة (أ صناعيه)

[عليمنكي]

توقعاتكم ياخواني المحللين بعد اقفاله على 305 ؟؟

الجهود موحهه لي تيك اوفر
لاتفرط بالسهم باقل من 350:d

 

[nasy]

بداية الصحوه الى متى ستستمر بعد السبات العميق

 

[thunder]

take over

لوسمحتوا:اللي يقول تيك اوفر..شنهو دليله ومرجعه ؟؟تراني متوهق بالسهم وانطر ابيع براسمالي...

 

[thunder]

وهاذي 300 فلس والحسابه بتحسب ؟!

عزيزي مصادر...السؤال : انبيع ولا ننطر ؟؟؟مع الشكر

 

[almared]

لوسمحتوا:اللي يقول تيك اوفر..شنهو دليله ومرجعه ؟؟تراني متوهق بالسهم وانطر ابيع براسمالي...

إذا متوهق وتبي تبيع ... أنت حر وهذا حلالك .

أنا قلت .... السهم والله أعلم عليه تيك أووفر كما ذكرت إحدي الصحف.


وأشكر الاخ white soul علي نقل الخبر

الصفوة تقودover Take واستحواذ على الاستثمارات الصناعية والمالية
* تملك 10% خطوة أولى ودعوة لعمومية تغيير الأغراض
* تحويل «الاستثمارات» إلى إسلامية مع تركيز على القطاع الصناعي
كتب محمد الإتربي:
قال مصدر استثماري لـ«القبس» ان شركة مجموعة الصفوة القابضة تملكت 10% من رأس مال شركة الاستثمارات الصناعية والمالية، وذكرت المصادر ان الشركة ماضية في تعزيز ملكيتها اكثر خلال المرحلة المقبلة.

وتحدثت المصادر لـ«القبس» عن ان ادارة الصفوة لديها قناعة بتلك الخطوة الاستثمارية طويلة الأجل.

وتقول المصادر ان «الصفوة» تتجه لتقديم طلب الى الجمعية العامة المقبلة لشركة الاستثمارات الصناعية لتحويل الاغراض والانشطة حسب احكام الشريعة الاسلامية، وعمليا سيحظى طلب «الصفوة» بتأييد ودعم من الملاك الرئيسيين الحاليين في الاستثمارات الصناعية، سواء «التجارية العقارية» او مجمعات الاسواق، حيث ان انشطة كل من الشركتين هي حسب احكام الشريعة.

في الاطار نفسه، قال المصدر ان «الصفوة» ستعمل وبالتعاون مع الملاك على اعادة هيكلة الشركة وتفعيل جميع الانشطة لديها، واستغلال فرص جديدة واستهداف قطاعات غير مستغلة. وتعتبر المصادر ان «الصناعية» ستكون بمنزلة ذراع ومدخل الى القطاع والانشطة والاغراض الصناعية بشكل عام.

وتعتبر تلك الخطوة اول غيث نشاط مجموعة الصفوة، ضمن استعداداتها للمرحلة المقبلة التي ستركز فيها على عدد من القطاعات الواعدة ابرزها الصناعة والنفط والعقار.

جدير ذكره ان رأس مال الاستثمارات الصناعية يبلغ 33 مليون دينار، وهو يعتبر كبيرا ويتماشى مع طموحات المستثمرين الجدد في الشركة.

تجدر الاشارة الى ان رأس مال الصفوة يبلغ 100 مليون دينار، بعد عملية زيادة رأس المال من 5 الى 100 مليون دينار كويتي.

 

[thunder]

اقلاع

يبدو ان توقعات الاخوان عن الاخبار والاقلاع صارت كما قالوا::والاقلاع قدبدأ.انشوف باتشر ،بعدين نحكم افضل

 

[thunder]

رجاء حار

رجاءحاروخاص وملح للاخوة المحللين والفنيين واصحاب الخبرة والتجربة وكل من لديه معلومةعن هذه الشركة، ان يتكرم علينا ويتعطف ويشرح لنا بأيجازشديد عن اتجاه السهم،هل سيواصل الصعود ؟ ام يتراجع ؟ ام ماذا ؟قولوا أي شيئ تكفوووووووون،ونكون لكم من الشاكرين الممتنين

 

[nasy]

رجعت ريما لعادتها القديمة وبدون سبب 305 بعد ما وصل 320

 

[thunder]

غريبة

شفت اشلون ....شركة اتبط التشبد .بس الصبر وياها راح اتغلبها

 

[بوحسن]

######### فاليوم = volume = ########### اعتقد تنكتب فوليوم وانا اسف ثندر على الخطأ

لاحظ امس نجمة الدوجي في احتمال يرتد السهم الى الاسفل غدا ولكن ان سهل عليه وصار تداول قوي راح نلقاه يكسر الترند الازرق العلوي ليحقق ارقام فوق 335 وليكون قريب من 380 فلس واكثر

.. ولكن في ظل عدم وجود فاليوم قوي باجر لكي يخترق الترند الازرق العلوي راح نلقى السهم ينزل او يثبت على سعره مره ثانيه لوجود كما قلت نجمة الدوجي

ولكن يستمر السهم في ظل مسار تصاعدي مع الترندين الازرق المتصاعد وان اخذ منحنى هبوط مؤقت وقد يصل الى 305 ومن ثم ارتفاع اخر

كسر الترند الازرق السفلي 295 فلس

كسر الترند الاحمر ووقف الخساير 250 فلس

 

[thunder]

فاليوم

الاخ الصبر-الصبرمفتاح الفرج،احنا صبرنا علي هاالسهم الدايخ مدة طويلة،والحين حضرتك تقول لنا يبي فاليوم -اول مرة اسمع ان السهم يأخذ فاليوم،انت تبي اتدوخ السهم زيادة الله يسامحك يا صبر،فاليوم ماكو الا في الطب النفسي،اعرف دكتور يشتغل اهناك اروح له اليوم ااخذمنه كم حبة،بس اذاطلع كلامك موصحيح ياصبر احملك المسؤلية كاملة ،لان انا ناوي ابيع اليوم وعلي شانك اصبر وراح اييب فاليوم،خنشوف آخرتها،اذاماقلت لنا بعدكم يوم السهم يبي واين ولايبي كونياك لان بردان........

 

[أحمداني]

الصبر مفتاح:: تسلم على هالشرح الطيب والله يجعله في ميزان حسناتك وعظم الله أجركم بالوالد جابر

 

[bolbanat]

الاخ صبر مفتاح ما اعليك امر لو تحلل لنا السهم

 

[ChuCky]

شهالشركه !!! ماكو ثقة كلش !
امس حد اعلى ويوم توصل 365 واقفالها بكل سهوله على 335 !!!

 

[nasy]

غريبه​

 

[بوحسن]

الاخ صبر مفتاح ما اعليك امر لو تحلل لنا السهم

والله ما ادري شلون احلل السهم

كان المفروض السهم 380 اول وصول

ومابي اضيق خلقلك بالي متوقعه يمكن 305 ..يمكن على المستوى الابتدائي لاتجاه السهم ان استمر بالنزول
على ان يعاود الصعود مره اخرى الى اسعار جديده


ننطر لي باجر وعطونا فرصه

واذا تبي شارت اليوم الي انا متوقعه حاضر بس ما انصح فيه حاليا ...وباجر نشوف يمكن استراحه بسيطه للسهم ..يمكن يمكن

ابو البنات شنو اول اسم لك ؟ يعني اسمك الاول شنو طال عمرك

 

[bolbanat]

والله ما ادري شلون احلل السهم

كان المفروض السهم 380 اول وصول

ومابي اضيق خلقلك بالي متوقعه يمكن 305 ..يمكن على المستوى الابتدائي لاتجاه السهم ان استمر بالنزول
على ان يعاود الصعود مره اخرى الى اسعار جديده


ننطر لي باجر وعطونا فرصه

واذا تبي شارت اليوم الي انا متوقعه حاضر بس ما انصح فيه حاليا ...وباجر نشوف يمكن استراحه بسيطه للسهم ..يمكن يمكن

ابو البنات شنو اول اسم لك ؟ يعني اسمك الاول شنو طال عمرك

مشكور وماقصرت اليوم كنت عارض كميتي على 365 من اول السوق بعدين سحبتهم

اسمي حيدر

 

[بوحسن]

مشكور وماقصرت اليوم كنت عارض كميتي على 365 من اول السوق بعدين سحبتهم

اسمي حيدر

عاشت الاسامي

لو بايع على 365 ....... بس الكل توقع حد اعلى اليوم بعد


عموما ما تدري الله سبحانه وين قاسملك الرزق

 

[ChuCky]

هل هذا اسلوب للتصريف !؟
امس نازل 15 فلس بعد وصوله الى 365
واليوم من بداية السوق بالحد الاعلى مع قلة المعروض والمطلوب !
فرق بين امس واليوم !

 

[بوحسن]

اذا شايف انه تصريف خلك بالسيف سايد

بيع وانطرخل توضح الصوره ما اعتقد في احد شرى السهم باكثر من 340 فلس

يعني اكيد ربحان الا ان كنت شاريه امس او اليوم

وايد ناس اشترت السهم على 320 او 310 في منتصف شهر 11 اعتقد كان السهم فرصه هالشهر عشان تبيعه وتحقق ربح