مساعدة..كيفية تداول الاسهم في البورصة الكويتية

[crackjas]

السلام عليكم
انا ميح "ماعرف" في شي اسمه اسهم وبيع وشراء الاسهم

ابيكم تعلموني شلون ابيع اسهم علما بأن لدي اسهم في شركات مختلفة "ورث" ونويت ابيعهم لاني محتاج بيزات

علموني شلون من اول ما احط ريولي بمدخل البورصة وين اروح وشسوي وشنو الاجراءات الروتينية وجم يبيله...إلخ و لين استلام الكاش

وسلامتكم

 

[الصعب]

السلام عليكم
انا ميح "ماعرف" في شي اسمه اسهم وبيع وشراء الاسهم

ابيكم تعلموني شلون ابيع اسهم علما بأن لدي اسهم في شركات مختلفة "ورث" ونويت ابيعهم لاني محتاج بيزات

علموني شلون من اول ما احط ريولي بمدخل البورصة وين اروح وشسوي وشنو الاجراءات الروتينية وجم يبيله...إلخ و لين استلام الكاش

وسلامتكم

انا اقدر افيدك بالتالي :
اخذ الاوراق الثبوتيه الخاصه فيك عشان تفتح لك حساب للتداول بالشركه الكويتيه للمقاصه بالبورصه ، الاسهم اذا كانت باسمك تروح لاي مكتب وساطه عقب ما اطلع لك رقم تداول خاص فيك وتعرض الاسهم عنده ليما ينباعون . وسلامتك

 

[crackjas]

انا اقدر افيدك بالتالي :
اخذ الاوراق الثبوتيه الخاصه فيك عشان تفتح لك حساب للتداول بالشركه الكويتيه للمقاصه بالبورصه ، الاسهم اذا كانت باسمك تروح لاي مكتب وساطه عقب ما اطلع لك رقم تداول خاص فيك وتعرض الاسهم عنده ليما ينباعون . وسلامتك

نبي بالتفصيل ماعليكم امر

 

[bujwsq8]

نبي بالتفصيل ماعليكم امر

اقول انتى اتقول ميحه
لازم اتمر اهناك وتسؤل احسن اهناك
لان انتى اتقول المستحيل تراها يبيلها قعده مو قراءه
وبعدين اكيد في احد من ربعك يعرف لازم يعطيك الاساسيات بالاول
وبعدين كل شي سهل راح يصير
حاول تسؤل ربعك احسن​

 

[بوعلوه]

السلام عليكم ،،

الإجراءات كما يلي :

أولاً : تستلم شهادات الأسهم من الشركات الي مساهم فيها وتحولها بأسمك. يعني لازم يكون عندك شهادات الأسهم وبأسمك.

ثانياً: تذهب إلى شركة المقاصة في الدور السادس أظن في مبنى البورصة ومعاك البطاقة المدنية وتطلب إصدار رقم تداول يأخذون منك 3 دنانير ويعطونك طلب أتعبيه وتسجل أسمك والبنك المفضل (الي فيه حسابك) وتسجل أسم الوسيط (أي مكتب وساطة في السوق). عند تقديم الطلب يعطونك رقم تداول وكل هذا حالاً وأنت واقف.

ثالثاً: تروح حق الوسيط الي سجلت أسمه في الطلب وتعطيه الشهادات وتقوله بيع لي.

رابعاً: إذا بعت الأسهم يومالأربعاء أو السبت أو الأحد تستلم شيك مسحوب على البنك الي سجلت أسمه في الطلب يوم الثلاثاء وإذا بعت يوم الأثنين أو الثلاثاء تستلم الشيك يوم السبت. طبعاً الشيك تستلمه من نفس الوسيط.

هذا ما لزم والسلام عليكم ورحمة الله وبركاته

 

[بوزايد]

احب اضيف معلومه مهمه اللى هى
تذكر ان السهم مو محمل بالارباح
راجع الشركه لانه ممكن تكون عندك منحه اسهم
وممكن تكون الاسهم اللى عندك لشركه خفضت راس المال
بالتالى عدد الاسهم اللى بالبطاقه عندك غير حقيقى
على سبيل المثال التجاريه العقاريه ومجمعات الاسواق(صارت معاى)
طبعا اقول الشركات هذى لانك قلت الاسهم ورث يعنى اتوقع انها اسهم قديمه . اما اذا كانت الاسهم جديده ... فقط تأكد ان الاسهم غير محمله بارباح سنة 2004

 

[اخطبوط]

اذا الاسهم ورث خلص الموضوع اولا من شئون القصر بتقديمك شهاده حصر ورثة وبعد تقسيم الحلال يتم لك تفسيم نصيبك وانصحك بالبيع فى السنه الجديده 2006 بعد توزيع الارباح والمنحه

وبالتوفيق

 

[the general]

اقدر اشتري اسهم بفلوس كاش وشلون الطريقه ما عليكم امر
انا عندي رقم تداول وابي اشتري مباشرة اعطيهم فلوس بالبورصه للوسيط ويشتري مباشرة

 

[بدون مجامله]

اقدر اشتري اسهم بفلوس كاش وشلون الطريقه ما عليكم امر
انا عندي رقم تداول وابي اشتري مباشرة اعطيهم فلوس بالبورصه للوسيط ويشتري مباشرة

تروح سلمك الله لبنكك وتحول من عنده لحساب المقاصه الفلوس وبعدها تروح اي مكتب وساطه بالبورصه وتعطيه ورقة التحويل الي استلمتها من بنكك وتعطيه رقم التداول ويشترون لك

 

[رابح رابح]

اخي الكريم :
الاخوان ماقصرو بالشرح

اولا هذا رابط المقاصه حط رقمك المدني واذا طلع لك رقم تداول صوره واحتفظ فيه لانه مايتغير وما يحتاج تطلع رقم تداول جديد لانه مايتغير
الشركة الكويتية للمقاصة
http://www.maqasa.com/warba_a.aspx

- شهادات الاسهم تكون باسمك
- اذا مو باسمك تاخذ حصر ورثة وتروح برج احمد مقابل مستشفى الاميري - المقاصة

- اذا حصلت على شهادة اسهم تروح البورصة اي شركة وساطة يبيعونهم لك

- الشيك ما يطلع الا يوم الاحد والاربعاء

- لعلمك السوق حاليا لايصلح للبيع وهو في اسوأ احواله منذ تحرير الكويت ويفضل انك تقول لنا اسم اسهمك قبل البيع علشان نقولك الراي بالسعر وتعرف نسبة الانخفاض