توقعات الاوسط برو باجر!!

[خذ العلم]

حاس باجر يبون يخورونها مثل يوم الاربعاء الاسود.
الاوسط صار شؤم ومحاته بدل السوق والمحافظ طلع كابوس ثاني !!!!!!!!

 

[MH For Ever]

الله يستر

 

[المجازف]

لا بالعكس الأوسط أحس انه بيشتغل حلاوه باجر ويحفظ ما تبقا من ماء الوجه لأنه بدا يحس بغظب جمهوره

 

[bujwsq8]

الله يعينكم على الاوسط
زين عيل انتو تدرون انه كل فيه مشاكل وناطرين المشاكل اللي قبل يوم بعد
زين حطو فلوسك بالبورصه وتداولو فيها دايركت احسن لكم من الاوسط
والله يكون بالعون​

 

[المضاربه فن]

أتوقع الأوسط برو باكر حد أدني

 

[البواردي]

لا ان شاء الله باجر معلق الاوسط ( يعني حد اعلى ) ويونسكم وتحطون اوامركم وتتنفذ بسرعه ان شاء الله والله يرزقكم ويوفقكم

بس بعرف ليش معورين راسكم بالبرووو ليش ما تروحون وتجابلون البروكر وتحنون على راسه مو احسن ؟؟


موفقين خير

 

[مستثمروون]

اتوقع باكر الأوسط برو أول ربع ساعة يتداول ... وبعدها راح يعلق ...
يعني انسى اتحط أوامر!

 

[شبح الآجل]

مبنجر وماكو أسبير

 

[سعود222]

الله يعينا على الاوسط صراحه انا ابي اجرب متداول يمكن انشاء الله احسن

 

[سعود222]

الله يعين يا خوان الاوسط معلق من الحين اشلون بكره الصبح شنو راح يصير
جربو ادخلوا عليه الحين يا شباب وشوفوا التعليق

 

[السهم الخارق]

الله يعين يا خوان الاوسط معلق من الحين اشلون بكره الصبح شنو راح يصير
جربو ادخلوا عليه الحين يا شباب وشوفوا التعليق

نعم صحيح لايقبل وضع الاوامر (

 

[سعود222]

الخبرالجديد
الحين دش وشوف راح يقولك تم اغلاق اتصال الشبكه
الله يحوسك يا الاوسط مثل ما حستنا

 

[Dr.T@X]

والله بعد التحليل الفني ودراسة الدعم والمقاومة وطبقا لما يؤكده مؤشر الماكد

الاوسط اليوم معلق .. مو حد أعلى .. ما راح يشتغل خير شر :d

 

[SpeciaL 1]

ماأجملك

نعم ما أجملك..
نعم ما أجملك من شعب..
نعم ما أجملك من شعب يسخر من كل شيء..
نعم ما أجملك من شعب يسخر من كل شيء حتى في مصابه..
في كل دول العالم تتميز بدعاباتك الجميلة في كل وقت..
كم أنت جميل يا شعبي "شعب الكويت"





مع كل التقدير لباقي الشعوب..

 

[خذ العلم]

نحمد الله الذي لانحمد الا سواه
الله يهديك ويشفيك
فاقد الشي لايعطيه
شعب والحمدلله مثل الشعوب الثانيه وافضل
بالعكس نعيد مريضنا ونجبر خاطر مصابنا ونعرف حقوقنا اللي لنا وعلينا ونمدح بلدنا وشعبنا.

شكرا للاوسط ونتمنى له افضل

كل الحب والتقدير للشعوب اللي تقدر شعبنا

 

[qatel4]

حاسس يا أوسط بمصيبة جيالي ...... يا لطيف يا لطيف



شيلوا الأوسط حطوا ..................
مع الاعتذار ..... الأوسط جنناّ

 

[bujwsq8]

والله اتضحكون
كل خايفين ومع هذا متمسكين بالاوسط
اذا مصممين انكم لازم اتحطون فلوسكم بالاوسط
عيل ليش اتحاولون تقسمون فلوسكم جزئين نصف بالسوق المباشر(البورصه) ونصف بالاوسط
علشان تجنب نصف الخساره اذا علق معاكم الاوسط وبعد اذا ما يشيلون التلفون (هذا اللي العاده يصير معاهم)
هذا رأيي الشخصي

 

[سعود222]

صراحه شي ماني متوقعه اليوم السبت كان الاوسط 100% عسل
انشاء الله يكون على طول نفس اليوم وتنتهي الايام العجاف
ونبقى مع الاوسط على طول اذا كان نفس اليوم
واذا رد على عجافه راح نطلقه بالثلاث

 

[SpeciaL 1]

نحمد الله الذي لانحمد الا سواه
الله يهديك ويشفيك
فاقد الشي لايعطيه
شعب والحمدلله مثل الشعوب الثانيه وافضل
بالعكس نعيد مريضنا ونجبر خاطر مصابنا ونعرف حقوقنا اللي لنا وعلينا ونمدح بلدنا وشعبنا.

شكرا للاوسط ونتمنى له افضل

كل الحب والتقدير للشعوب اللي تقدر شعبنا

آمين عسى الله يهديني
وعسى أن يشفيني إذا مرضت
وأعتقد ما فهمت كلامي عدل..
لكن للتوضيح
ألا تقرأ لفؤاد الهاشم وطريقة سخريته لأمور كثيره تكون سخريته دواء لذاك الداء..
هذا هو شعب الكويت.. اذا حدث له مكروهاً رأيته يسخر من واقعه بدعاباته كحال عنوان هذا الموضوع الذي لطف الجو كثيراً وجعلنا نضحك ولو لدقائق

 

[lovedoor]

ياجماعه جنهم مو مصفرين العدادات
للحين اسعار امس موجوده
شسالفه؟