أفضل إستثمار هو الإستثمار في البورصة ؛)

[ولد السرة]

السلام عليكم يا أحلى زملاء بأحلى منتدى تحية لكم من القلب

ليش الإستثمار بالبورصة أفضل من البنك والعقار ؟

أولا البنوك تعطيك ١ بالمئة بالسنة وهذا النسبة ممكن تحققها في ساعات بشرط تاخذ شركة نظيفة

العقار بالكويت شاب نار ولازم راس مال عود وممكن تطول معاملاتك هههه لا أكيد راح تطول ابتسم فأنت في الكويت

المهم لا ندش بشركة سيئة مالياً لكي لاتندم وياريت اللي عنده تعقيب يتفضل وسامحوني طولت عليكم

 

[الراقي]

اغلب من استثمر في البورصة الكويتية خلال عشر سنوات خسران او نفس راس ماله ثابت هذا على الشركات المحترمة
بالمقابل جميع من استثمر في العقار خلال عشر سنوات ربحان اقل شي ١٠٠٪

 

[بوورصجي]

اغلب من استثمر في البورصة الكويتية خلال عشر سنوات خسران او نفس راس ماله ثابت هذا على الشركات المحترمة
بالمقابل جميع من استثمر في العقار خلال عشر سنوات ربحان اقل شي ١٠٠٪

كلامك عدل بس مااعتقد في احد استثمر بالسوق من قبل عشر سنوات وطلع بنفس رأس ماله
شوف اسعار الاسهم قبل عشر سنوات وشوف اسعارها الحين هذا من غير الشركات اللي وقفت عن التداول وخفضت رأس المال
البورصه بالنسبه لنا شر لابد منه ادمننا عليها رغم خسايرنا ومأسينا والله المستعان

 

[ولد السرة]

اغلب من استثمر في البورصة الكويتية خلال عشر سنوات خسران او نفس راس ماله ثابت هذا على الشركات المحترمة
بالمقابل جميع من استثمر في العقار خلال عشر سنوات ربحان اقل شي ١٠٠٪

اوكي واللي عنده ٣٠ و٤٠ الف شلون يستثمر بالعقار ؟

اذا اقل أرض ب ١٠٠ الف وآخر الدنيا لو تشتري بأمريكا ولا أوروبا ب١٠٠ الف بيت ٥ غرف وحديقة وحمام سباحة

 

[ست الاف]

ليش عشر سنوات خذ عندك شارت سنه واحده
الي استثمر بزين خسر
الى استثمر بالوطني خسر
الى استثمر ببيتك خسر
الي استثمر باي بنك كويتي خسر
الي استثمر بالصناعات خسر
الى استثمر بكابلات خسر
الي استثمر بالمشتركه خسر
الي استثمر بمياني ماربح شي
الي استثمر يشركات الوقود خسر
الي استثمر بالافكو خسر
الي استثمر بمشاعر خسر
الشركات الكويتيه الي ربحانه على مدى سنه شركات الدياي والبركه بالتموين
شركات الهمبرجر
وشركات تشتغل بالخليج

يعني تبي تربح بالكويت افتح مطعم ووخر عن البورصه
او دورلك شهاده من مصر واو الاردن تصير خريج جامعي وتعيين على كادر حكومي من هالكوادر الي طلعوا
مهندس ولا مادري شنو

 

[حربي وربي الله]

اوكي واللي عنده ٣٠ و٤٠ الف شلون يستثمر بالعقار ؟

اذا اقل أرض ب ١٠٠ الف وآخر الدنيا لو تشتري بأمريكا ولا أوروبا ب١٠٠ الف بيت ٥ غرف وحديقة وحمام سباحة

السلام عليكم ورحمة الله وبركاته
وصبحكم الله بالخير جميعاً
اخوي ولد السره ال 10 الف او ال 20 الف وانت صاعد تسوي شغل إذا دخلت بمحفظه عقاريه
وكثير من الناس دخلوها وجنو منها الخير الكثير والله يباركلهم برزقهم

ولاتنسا مقولة
العقار الابن البار يمرض ولا يموت

 

[بوورصجي]

‏
قبل الأزمة بالبورصة كنت أملك أسهم بسعر 580 فلس وبعت بخسارة بعد خمس سنوات وصل سعرة 20 فلس يعني لو مو بايع أحتمال يعطوني كرتون كتكات بدالهم

قصة آليمة : شخص يملك سهم تمويل الخليجي بسعر (دينار) ويملك مليون سهم وشخص نصحه بالبيع لتقليل الخسارة ولكن لم يسمع النصيحة وسعره حاليا 63 فلس


قصة آليمة : شخص أشترى 100 ألف سهم بسعر (دينار) أي بمبلغ 100 ألف دينار وبعدها حصلت الأزمة الشهيرة بالبورصة والسهم هبط الى 56 فلس

منقول من الاخ محمد الغانم

 

[محمد محمد]

اخوي اذا الشركه سيئه ماليا ماادشها ، اغلب الشركات سيئه
يعني هذا تمويل خليجي جم خسران ، شوفه وشوف كم ارتفع ، ارتفع الضعف من 30 ل 65
ونفس الشي بقيه الشركات
بس شوف سوق دبي ، الربح ب 100 الف درهم في اليوم
واعتقد وقتنا الحين وكل عجله اتدور وراح تشوف باذا الله اشون هذي الاسعار اتصير اضعاف ،
بس نصيحه حافظ على سهمك واتركك من التحليل اللي بيخوفك وراح ينزل وراح يوصل ، ال 30 الف حلوين
وال 50 الف ، اشتري الاسهم المدرجه في سوق دبي ولاتقرب على الشاشه الا من تسمع صارت ضعف
مثل هيتس واكتتاب اللي ماصعدوا ، ويجوز رايي غلط ، بس:جربتها في سهم ونفعت والحين بدلت السهم واول واخر هو رزق الله
المكتوب لك تاخذه من البورصه ، من العقار ، المهم لاتسنعجل

 

[naserr]

موضوع جميل وشيق ،، بوجة نظري البورصة افضل صج تحرق الاعصاب ولكنها تناسب ميزانيتي ، واذا بشتري عقار اقل شي يكون عندك ٤٠٠ الف ، واذا بتحط فلوسك وديعة بالبنك هم ماتسوي حاجز فلوسك علي الفاضي ، واذا بتشتري محل يبيلك تلف وزارات الكويت كلها عشان اطلع الترخيص هذا غير مخالفات البلدية والصحة والشؤون وصاحب العمارة يبي الايجار غالي يعني ياخذ ارباح المحل اذا فية ارباح ، وتجارة السيارات السوق متشبع سيارات ومتي اتصرفهم ، براي البورصة مافية احد اخر الشهر يطلبك الايجار ولا فية مخالفات بلدية وغيرها

 

[12345Fawaz]

نصيحة لكل مبتدأ ان يتعلم التحليل الفني والمالي ويجلس مع ناس كبار واهل خبرة بالبورصة ويكون عنده جلسة اسبوعية معاهم حتى لايقع بالاخطاء الي وقعو فيها ولايدخل على سهم قبل معرفة نمط وطبيعة هذا السهم هل هو ستثماري مضاربي سهم معفن او سهم جيد لكن مايوزع او سهم جيد ويوزع . البورصة فيها خليط من الشركات فالنحذر من اطلاق العنان ولاتغتر بالربح في البداية إحذر إحذر إحذر

 

[سرور]

الحين بينت ملامح الصعود
لأن كم واحد أعرفه من صغار المستثمرين.. يقول كيشت وطلعت من السوق
لأن فيها عوار قلب.
فما دام سوقنا طارد فمعناه نجحت خطة الحرامية وأخذوا أسهمهم بسعر بخس ومع السلامة
وبعدين تبي ترجع سهمك لازم بالسعر هذا والا بكيفك ( طبعا السعر دبل)

 

[محمد طوني]

ليس المهم ان تستثمر بسوق الاسهم .... لكن المهم باي سهم تستثمر

 

[ابو حمود وعزوز]

افضل استثمار هو البورصه الي يقول يعرف واحد واحد شاري تمويل الخليج دينار انا اعرف واحد بايع تمويل الخليج دينار ونص

 

[ابو حمود وعزوز]

المشكلة في توقيت الشرا والبيع فيه ناس قبل شهر شرو تمويل الخليج ٣٠فلس وباعو ٦٤فلس السبوع الي طاف أعني ربح اميه بالاميه

 

[ابو حمود وعزوز]

وبعدين العله في مجالس الادارات في الشركات الكويتيه مافيه احد يحاسبهم

 

[ابو حمود وعزوز]

انا طلعت من السوق الكويتي رحت اسواق الخليج علي الأقل إذا مارتفع السهم يوزع ارباح ويحاسب مجلس الاداره أما اهنيه ينزل السهم للادنا وينزل الاعلان الي متفق عليه لايوجد شي عند الشركه وبعد يومين مو قوفه عن السوق وملغين الشركه

 

[ابن صفير]

ليش عشر سنوات خذ عندك شارت سنه واحده
الي استثمر بزين خسر
الى استثمر بالوطني خسر
الى استثمر ببيتك خسر
الي استثمر باي بنك كويتي خسر
الي استثمر بالصناعات خسر
الى استثمر بكابلات خسر
الي استثمر بالمشتركه خسر
الي استثمر بمياني ماربح شي
الي استثمر يشركات الوقود خسر
الي استثمر بالافكو خسر
الي استثمر بمشاعر خسر
الشركات الكويتيه الي ربحانه على مدى سنه شركات الدياي والبركه بالتموين
شركات الهمبرجر
وشركات تشتغل بالخليج

يعني تبي تربح بالكويت افتح مطعم ووخر عن البورصه
او دورلك شهاده من مصر واو الاردن تصير خريج جامعي وتعيين على كادر حكومي من هالكوادر الي طلعوا
مهندس ولا مادري شنو

مساء الخير المستثمر له نقاط دخول وخروج
كمثال زين عام 2009 دانى سعر 590 فلس هذا نقطة دخول للمستثمر من عام 2009 الى 2012 وزع نقدي 485 فلس نقصهم من سعر الشراء يطلع سعر التكلفة 105 فلوس دلع
االي اقتنع وجنى الربح بسعر دينار ونص هم جنى ربح ممتاز
بيتك 670 نفس التاريخ هم بعد وزع نقد ومنح
بوتلاند وصل 260 فلس نفس التاريخ وهم كل سنه يوزع لايقل عن 50 فلس نقدي
لو ترجع لعام 2009 دخل على الأسهم التشغيلية مستثمرين بقوة تداولات عالية وبسعار رخيصة
اعرف شخص شراء بورتلاند بسعر 300 فلس وطلع منه عام 2010 بقل من سنه بدينار و300 فلس ربح دينار
ولازم نعرف شي قبل كل شي الرزق بيد رب العالمين

 

[ست الاف]

مساء الخير المستثمر له نقاط دخول وخروج
كمثال زين عام 2009 دانى سعر 590 فلس هذا نقطة دخول للمستثمر من عام 2009 الى 2012 وزع نقدي 485 فلس نقصهم من سعر الشراء يطلع سعر التكلفة 105 فلوس دلع
االي اقتنع وجنى الربح بسعر دينار ونص هم جنى ربح ممتاز
بيتك 670 نفس التاريخ هم بعد وزع نقد ومنح
بوتلاند وصل 260 فلس نفس التاريخ وهم كل سنه يوزع لايقل عن 50 فلس نقدي
لو ترجع لعام 2009 دخل على الأسهم التشغيلية مستثمرين بقوة تداولات عالية وبسعار رخيصة
اعرف شخص شراء بورتلاند بسعر 300 فلس وطلع منه عام 2010 بقل من سنه بدينار و300 فلس ربح دينار
ولازم نعرف شي قبل كل شي الرزق بيد رب العالمين

انا كلامي عن سنه وحده 2013 2014

 

[السعد محمد]

الاستثمار في العقار ....... كان اكثر من رائع

الان

البورصة افضل بشكل مؤقت

ثم

اذهب للعقار

 

[الحبترى]

​

السلام عليكم ... الحقيقه موضوع مهم ,,, وجهة نظرى العقار ثم العقار ثم العقار ثم بعدين البورصه وغير هذا لا يوجد بالديره شى يستحق المجازفه , رأس مال كبير ولا صغير نصيحه أخر شى فكر تستثمر فيه البورصه والأسهم وكن حذر لأبعد الحدود اذا أردت الأستثمار بالأسهم وطبق نظام 20 % من المحفظه ولا تغريك ارتفاعات البورصه والمؤشر الأخضر المخادع خليك قنوع بقليل من الربح وغير رزقك ما راح تاخذ . بوعبدالله ​