باترول ام لاندكروزر

[Kw_Trader]

السلام عليكم ورحمه الله وبركاته,,,

اخواني اعضاء المنتدى

انا محتار بين سيارتين وابي رايكم والسيارتين هم لاندكروزر GX.R V8 و باترول SE V8 والموترين 2014

السيارة ابي استخدمها مو اقل من 5 سنين و استخدامي غالبه داخل الديره ولي طلعات للبر و السفر مرات

ياريت كل مجرب يعطينا رأيه بالموترين خاصة من ناحية المكيف

 

[abdullah6868]

بنص سعرهم تشتري يوكن او تاهو
والتيوتا والنيسان كلهم متانه
بس التيوتا شيك بعد البيع واثقل بالخط
النيسان خفيف بالخط وينزل من سعره واجد بعد البيع
بالتوفيق

 

[البرنس محمد الحمزة]

السلام عليكم ورحمه الله وبركاته,,,

اخواني اعضاء المنتدى

انا محتار بين سيارتين وابي رايكم والسيارتين هم لاندكروزر GX.R V8 و باترول SE V8 والموترين 2014

السيارة ابي استخدمها مو اقل من 5 سنين و استخدامي غالبه داخل الديره ولي طلعات للبر و السفر مرات

ياريت كل مجرب يعطينا رأيه بالموترين خاصة من ناحية المكيف

 

[Kw_Trader]

بنص سعرهم تشتري يوكن او تاهو
والتيوتا والنيسان كلهم متانه
بس التيوتا شيك بعد البيع واثقل بالخط
النيسان خفيف بالخط وينزل من سعره واجد بعد البيع
بالتوفيق

والله عندي تاهو وعارضه للبيع خوش موتر بس مكيفه ماعجبني بالصيف يعني جيد بس ماهو قوي

 

[نجوم777]

اخوي مااعتقد فيه حيره بالموضوع ... اللاندكروزر افضل بكثير من ناحيه الجوده ومن ناحية البيع فيما بعد الإستخدام .. التيوتا افضل بكثير من النيسان .. حتى الشكل التيوتا احلى

 

[الصيااااااد]

السلام عليكم ورحمة الله

الصراحة الباترول النيسان الجديد سريع وقمبلة ووسيع من الداخل واكبر واخف وهادي ماتسمع صوت الهواء وانت ماشي

اضافة من الداخل لونة بيج كامل وخشب حلو ، وديكوراتة جميلة

التويوتا الاند كروز قولة يطلع على الخط يسابق النسيان شرط مايشوف اسطابات النيسان الباترول


الباترول النسيان يونسك بالخط والطراقات وتتمتع بقيادتة من قوتة الجبارة ويفز مثل فزات المعزب على الضيف وكل ماعطيتة بانزين عطاك موال عجيب


صحيح بالبيع غير عن الاند كروز

حتى القديم النيسان اسرع وقوة مع انة وقتها كان ٦ سلندر والتويوتا كان يجي ٨ سلندر ماقدر على النيسان الفتك


الفتك نيسان وبس ،،، والان صار ٨ سلندر من يلحقة

 

[الصيااااااد]

اخوي عندة لاند كروز ٢٠١١ من الوكالة على ايدة و ٨ سلندر ، يقول ركبت مع صديق عندة نيسان الجديد ٨ سلندر ، يقول واحنا نمشي بالخط هادي وسريع وسحرني بالديكوراتة ولونة البيج بالكامل مع الخشب وقوة سرعتة المهولة الغير طبيعية

انا محاجيك ، مرت علي فتاة سيارتها نيسان باترول الجديد ضايقوها شباب بالخط وعصبت ، اقسم بالله كنت وراهم وشوفها داست بانزين واقلع طيران مثل البرق وكانها ميغ ٢١

 

[الصيااااااد]

يسحب الطائرة من قوة العزم والدبل فور ويل

من الداخل ديكوراتة تحفة وعجيب ^^^


الاحلا الون الابيض الؤلؤي كيب ٢٠ ضروري لأنة لايق علية واذرب وصاجات فضية على الجوانب كامل المواصفات

العادي جنة اسلقة منتف مافية مواصفات من غير ميك اب ومكياج

 

[الصيااااااد]

شكل بوعلي ، وابويوسف حقدوا علي يحبون التويوتا الاندكروز

سشوي غرامي الباترول النسيان الجديد وافكر فية من طلع الجديد

ويمكن البابطين يعطيني واحد هدية لأني احبة

 

[الصيااااااد]

جيب نسيان ارمادا هم قوي و ٨ سلندر اظن نفس ماكينة الباترول نيسان الجديد

شفتة وانا طالع الجبال بمرتفع عالي جداً والسيارات تزحر موقادرة تصعد وانا اطوف واسرع واتجاوز السيارات البطيئه ، فجأة لحقني نيسان ارمادا وهو الوحيد الذي لحقني وانتظرتة بشوف اشلون يصعد الجبال مع طريق الهدى بالطايف ، مرني محمل اغراض فوق وداخل السيارة عائلة يمكن ٢٠ نفر داخل ولاهمة ولايدري عن الحمل او صعود الجبال

صراحة انا من الناس احب واعشق القوة بسيارة ، وإذا السيارة غير سريعة او ضعيفة بالعزم مهما كانت >>> اجيب جبريت وبانزين واحرقها واقطها بالزبالة ولاابيعها


شوف طريق الهدى >>>

 

[الصيااااااد]

سيارتي ...



عمال يفرشون الدوانية الدافية

ولا الرخامية ماينقعد فيها .....​

هذه كانت سيارتي وهذا بيتنا ، كامل والمواصفات سوبر شارج تيربو و ٨ يسلندر حلو عزمة وقوي ماكينتة بي ام قوية بس ذبحني بالخرابات والسيرفس وعيبوا على لونة اهلي واصدقائي !!؟ جان اكرهة وبعتة

خسرني حيل وصغير حيل من الداخل وسمعت بالامارات الارمادا نيسان. تسابق معة وطاف الرنج السوبر شارج تيربو !!!؟؟ الظاهر ملغوم الارمادا !!؟؟

 

[الصيااااااد]

سباق جيب باترول نيسان الجديد ، وجيب لكسزس

لاتحاول معة <<

نيسان القديم ^^^ وهو ملغوم ، يقولون زهره كانت معهم تهد وتسابق لأن يدها سريعة بالغيار من نمرة لي نمرة ماشاء الله عليها زهره قيادة وفن وذوق

 

[الوحيد 1974]

شكل بوعلي ، وابويوسف حقدوا علي يحبون التويوتا الاندكروز

سشوي غرامي الباترول النسيان الجديد وافكر فية من طلع الجديد

ويمكن البابطين يعطيني واحد هدية لأني احبة

انا معاك لاتخاف يابوعبدالله
بوعلى وبويوسف الطيبين يفكرون فى البيع ومن حقكم
وانت وصاحب الموضوع تحبون تستعملون الموتر الراقى وانا معاكم
وان شاء الله راح اشترى الموتر نيسان باترول 2014 عن قريب بس قاعد افكر اى لون
الناس تبى الابيض وانا افكر بلون ثانى ذابحنى الرصاصى

 

[Kw_Trader]

يا جماعة انا ما تستهويني السرعة ابي موتر يكد ويعيش بدون خرابات و قطع غياره رخيصه

 

[الصيااااااد]

انا معاك لاتخاف يابوعبدالله
بوعلى وبويوسف الطيبين يفكرون فى البيع ومن حقكم
وانت وصاحب الموضوع تحبون تستعملون الموتر الراقى وانا معاكم
وان شاء الله راح اشترى الموتر نيسان باترول 2014 عن قريب بس قاعد افكر اى لون
الناس تبى الابيض وانا افكر بلون ثانى ذابحنى الرصاصى

اشوف عضلاتك اول ، لأن بوعلي ونجوم بويوسف مجسمين وانا عصقول

حلو ذوقك بوسعود الرصاصي الكامل المواصفات ممتاز ونظرة بس غالي حيل ب ١٩ الف ابني دور ثالث واتزوج فيهم >>> يبتسم

يا جماعة انا ما تستهويني السرعة ابي موتر يكد ويعيش بدون خرابات و قطع غياره رخيصه

مرحبا kw _ Trader الاندكروز هو الكد والمد والكراف لمدة ١٠ سنوات إذا على ايدك من الوكالة ماتصلح ولايتعبك ابد وعند البيع الشباب صدقوا معك يجيب سعر حلو لانة مرغوب جداً

والنيسان لأهل المزاج والسرعة وجيد ايضاً للمكدة إذا كان على ايدك من الوكالة وصاحبة عاقل بس بالبيع يطيح سرعة شوي مو مثل الاند كروز

 

[abdullah6868]

شكل بوعلي ، وابويوسف حقدوا علي يحبون التويوتا الاندكروز

سشوي غرامي الباترول النسيان الجديد وافكر فية من طلع الجديد

ويمكن البابطين يعطيني واحد هدية لأني احبة

يقولون باب النجار مخلع
على كثر السيارات اللى استوردها للناس اعيالى سياراتهم اكشخ من سيارتى
انا سيارتى وانيت فورد سكراب بس متانه وعزم ذبحته بالمشاوير
انا احب النيسان اكثر من التيوتا
لكن التيوتا متانه اكثر من النيسان حسب كلام الخبراء العالميين طال عمرك
تمون يا الحبيب

 

[الصيااااااد]

يقولون باب النجار مخلع
على كثر السيارات اللى استوردها للناس اعيالى سياراتهم اكشخ من سيارتى
انا سيارتى وانيت فورد سكراب بس متانه وعزم ذبحته بالمشاوير
انا احب النيسان اكثر من التيوتا
لكن التيوتا متانه اكثر من النيسان حسب كلام الخبراء العالميين طال عمرك
تمون يا الحبيب

هلا بوعلي

مالومك تحب النيسان لانة ريشة وانت لايق عليك الباترول الجديد تحافظ علية خصوصاً اللي في بالك ماكينة ٤٠٠ وزوائد

بيعها يا بوعلي واستانس واخذ الباترول الجديد واخطب فتاة مزيونة على ام علي مع الجيب بالمره


والله إنني لك من الناصحين وصادق واحب لك الخير والسعادة

 

[abdullah6868]

هلا بوعلي

مالومك تحب النيسان لانة ريشة وانت لايق عليك الباترول الجديد تحافظ علية خصوصاً اللي في بالك ماكينة ٤٠٠ وزوائد

بيعها يا بوعلي واستانس واخذ الباترول الجديد واخطب فتاة مزيونة على ام علي مع الجيب بالمره


والله إنني لك من الناصحين وصادق واحب لك الخير والسعادة

طال عمرك ​

ابشرك بدل الفتاه الصغيره​

خذيت اختك ام على بعد التقاعد ولفيت فيها 15000 كيلو حول الولايات المتحده الامريكية لمدة 45 يوم​

وبعدها لفينا 7 دول اوربيه لمدة 20 يوم يعنى اكثر من شهرين خارج الكويت​

وشريت لها مرسيدس بانوراما 2010​

وهذا رد بسيط لجميلها على وصبرها على سفرياتى من 23 سنه زواج وانا كل يوم فى بلد وديرة​

​

 

[الصيااااااد]

طال عمرك ​

ابشرك بدل الفتاه الصغيره​

خذيت اختك ام على بعد التقاعد ولفيت فيها 15000 كيلو حول الولايات المتحده الامريكية لمدة 45 يوم​

وبعدها لفينا 7 دول اوربيه لمدة 20 يوم يعنى اكثر من شهرين خارج الكويت​

وشريت لها مرسيدس بانوراما 2010​

وهذا رد بسيط لجميلها على وصبرها على سفرياتى من 23 سنه زواج وانا كل يوم فى بلد وديرة​

​

ماشاء الله يابوعلي ادري بوعلي اعرفك من زمان هذا طبعك حبيب وكريم ، الله يرزقك ويستر على حلالك واولادك

ام علي محظوظة فيك ، يمكن امها داعية لها بليلة القدر واستجاب الله تعالى

بس ارجوك لاتنسى نصيحتي وان تتلطف بهدوء إذا قالت النساء يوماً إني لم ارى خيراً منك قط !!؟؟ طوف وعالجها بالتي هي كانت الداء فتلك هي القوارير تنكسر بسرعة إذا اخطئت بحقها يوماً ، وتلطف لاتستغرب فرجال رجال يترجل للحمكة وحسن التصرف عند الصدمات