العملات الرئيسية ماهي ؟

[no pain]

السلام عليكم ورحمة الله وبركاته ،،،
سؤالي ماهي العملات الرئيسية والغير رئيسية وكيف تحسب النقاط ؟

 

[ralraja11]

حياك الله اخوي no pain
بصراحة أزواج العملات الرئيسية التي تتحرك دوما وبسرعة واصلا العملات التي يتم التداول فيها كلها ما تتعدى 30 باي حال.
اما كيف تحسب النقاط فهي على حسب حسابك يعني اذا كانت نسبة الرفع leaverage=1%
(100 الى 1)
مثلا عشان تفتح عقد ( او تشتري عملة ) لازم تدفع 1000 $ ويشتريلك الوسيط بـ100000$ (100 ضعف) في هالحالة تصير النقطة الواحدة لصالحك تكسبك 10$ و اذا نزلت نقطة تخسر 10$ .
و الحالة الثانية اذا كانت نسبة الرفع 200 الى 1 (0.5%) تصير تدفع 50 $ لفتح العقد ويشتريلك الوسيط بـ 10000$ كذا يصير النقطة الوحدة تجيبلك 1$ والنقطة عليك تخسرك1$ .
هذي هي الحالات الشائعة .
اتمنى يكون الشرح واضح و اي شي ثاني انا مستعد .
هذا على حد علمي و البركة في الاخوان يصححون لي لو عندي غلط.

 

[no pain]

الله يسلمك
طيب ابستغل الفرصة وأسئلك سؤال ثاني واتمنى اني ما أثقل عليك.
بنسبه للتحليل الفني للعملات في الشارت هل يمكن استخدام المتوسطات وماهي المتوسطات المناسبة للتداول اليومي هل متوسط 9 و 14 او 200 و 50 ام اكثر او اقل ؟
وهل يمكن استخدمها على شارت الساعة والساعتان؟

 

[ralraja11]

هلا وغلا ما سوينا شي.
هل استطيع استعمال المتوسطات؟
طبعا تستطيع على جميع الفريمات وبكل انواع المتوسطات بل وجميع المؤشرات الفنية مثل الماكد.
اما بالنسبة لما هو الاكثر فعالية فهذا راجع لك وراجع لنظريتك اللي تستعملها عموما تذبذب العملات الشهري محدود مستحيل يتعدى 40% عاد انت وشطارتك .
شخصيا انا استعمل متوسط ال50 وادرس حركة السعر حوله على الديلي . لكن بصراحة العملات ميزتها ربحها سريع وخسارتها كذلك . يعني زي الاسهم عشان تربح 30% تنتظر شهر وكذلك للخسارة . اما العملات ممكن في يوم واحد بل في ساعتين . المسألة حسب ما اشوفها تسريع وقت عن الاسهم لا اكثر ولا اقل وهذي مجرد وجهة نظر اتمنى اكون افدتك

 

[no pain]

ياشيخ روح الله يسعدك
بس .......
- انت تقول انت وشطارتك ( انا... ماعندك احد فالعملات يعني توني جديد)
-انت تقول انك تستخدم المتوسطات مع مؤشر الماكد كيف يكون هذا ؟
انا استخدم FX Power chart وأحاول جاهداً ان تعلم التحليل الفني عليه
انا استخدم المتوسط 9 و 14 يوم في شارت الاربع ساعات ولكنك تستخدمه مع الماكد!!!
الماكد ماهو وكيف تتم قراأته؟ ( اذا كان مشروح في أحد الروابط ممكن تعطيني الرابط .... مابثقل عليك)
ولكن لماذا لا تعلمني على استراتجيتك وتحليلك الخاص ؟ ممكن استفيد من استراتجيتك !!!!!
تدري بحاول اخلي غيري يستفيد من اسئلتي واجاباتك.
كوني جديد من تحت الصفر وكونك متمرس على العملات وهذا ليس مقتصراً علينا الذي لديه دلو يدلي بدلوه ....

وشكراً

 

[ralraja11]

هلا باخوي نو بين . ترا ياريت تقرا توقيعي انابرضه توني بادي في العملات بس كنت اخذت دورة المؤشر نت مع الاستاذ المؤشر . عموما التحليل الفني على الشارت ( بدون نظريات ذات ارقام محددة جدا) او بمعنى اخر نقاط البيع و الشراء التي تستطيع تحديدها على الشارت بمجرد النظر . يمكن تطبيقها على جميع انظمة العرض و الطلب ( البترول - السلع - المعادن - الاسهم - العملات - الخ) بالنسبة للمؤشرات مع الماكد . شخصيا اعتبر ان المؤشرات هي افضل دليل لحركة السعر بناء على الحركة السابقة ( تكرار الحركة ) ( تحسه كلام كبير ... الله واكبر كني الوليد) والماكد هو عبارة عن استخدام المؤشرات بس مع فلسفة شوي . روابط الماكد كثيرة خاصة في هالمنتدى العملاق بس قاعد ادور على الاوضح . تقدر تستخدم البحث وتكتب ماكد او macd . اما بالنسبة لاستراتيجيتي ( الله يهديك تحسسني اني رامسفيلد ) شخصيا احاول ان ابحث عن النظريات الـ9 التي علمنا اياها المؤشر مع بعض الاجتهادات اللي حتى لحظة كتابة هذه السطور ( جايبة العيد ) . نصيحتي لك خذ الدورة لو كنت ما تعرف اي شي عن التحليل الفني . ولو كانت عندك خبرة في هالموضوع . طبق نفس النظريات على الاسهم في تداول العملات . الفرق انك يجب ان تفهم قوانين الفوركس جيدا فمثل ما قلت لك في الرد السابق العملات مجرد تسريع للاسهم في نظري . ربحها عالي وخطرها عالي كذلك . تحياتي لك و اي شي انا مستعد . على فكرة هنالك مواضيع الاستاذ تركي 2000 المفيدة واعتقد اني ما افضح سر اذا قلت ان الترند لاين هو اساس التحليل الفني وهدف كسر الترند النازل او الصاعد 50% من طوله وكذلك 38% تقريبا اذا ارتد عنه .
http://www.indexsignal.com/vb/showthread.php?t=34978

 

[no pain]

اسف على تأخري فالرد
ولكن شكرا شكرا شكرا بعدد الحروف الي كتبتها

 

[no pain]

سؤال على الطاير
انا اتداول في اليوم ساعتان .
ماهو الشارت المناسب للأستخدام شارت الساعتان او الاربع ساعات؟
هل المتوسطات تنفع لتحقيق الربح (بإذن الله) في خلال الساعتان هذه وماهي ؟متوسط 14 يوم و9 ايام ام 21و50 يوم ؟
وماهو الوقع المناسب لتداول الامريكي واليورو من الساعة كم الى كم ؟(وقت الذروه)؟؟؟؟؟؟؟؟
الله يعينكم على أسئلتي ............

 

[ralraja11]

هلا و غلا.
اذا انت تتداول ساعتين باليوم اذا تبي تخلي اوامر مفتوحة ( ترجع لها بكرا) خلك على الفريمات الكبيرة الديلي الى الساعة.
اما اذا بتصفي . خلك علىالساعة او اقل .
عموما الفريم الكبير يؤكد لحركة يعني لو فيه اشارة شراء على الفريم الصغير والكبير فيه اشارة شراء بس ما بعد قفلت (مثلا اشارة شراء على 15 دقيقة اكيدة واشارة شراء على الساعة لكن الساعة ما سكرت بعد). تشتري . هذا رأيي .
والعكس كذلك . مرة قريت رد مهم بس واله ناس هو للفرس والا تركي 2000 والا قاصد . ان ال4 ساعات يلخبط مع الديلي.
بالنسبة للمتوسطات اللي شكلك تحبها. ترا الارزاق ما يحددها مؤشر معين لأن المتوسطات تلحق السعر يعني ارتفع السعر = ارتفع المؤشر وليس العكس . شخصيا انا استعمل متوسط 50 في 15 دقيقة للمضاربة السريعة و على فريم 4 ساعات للمضاربة البعيدة . بالحديث عن الفريم الزمني . فريم 15 هو مجرد تكبير لفريم الساعة 4 مرات . وهكذا يعني كأنك تاخذذ اللفريم وتكبره فقط . طبعا تحديد هدف البيع راجع لك مثل الشراء تماما . لكن شخصيا اشوف المقاومات الجاية اذا والله الربح عندها معقول اقنع واذا لا احدد اهداف ابعد والا حتى اخلي فلوسي كاش بانتظار الفرصة .

 

[ralraja11]

افضل الاوقات اللي فيها تذبذب سريع حسب ما اشوف هو من 9-2 الصباح ومن 4-9 المساء

 

[ralraja11]

طبعا العملات المتداولة تختلف توقيتاتها ( الين والاوروبيات من فجر الله وهي تدهر والاخضر ما يقوم عمنا الا العصر) طبعا هذي النظرية ممكن تنكبك فالامر مجرد اجتهاد

 

[ralraja11]

دائما في حال كسر المتوسط 50 حاول تلقط السعر الاقرب للمتوسط لانه عادة يكون هناك تذبذب منها تزيد الربح وتقلل الخسارة هذا طبعا في ال30 دقيقة اللي تتبع الكسر بعدها الموضوع حركة جديدة او على الاقل تشتري باقل من سعر اغلاق الشمعة اللي حدث فيها الكسر

 

[no pain]

السلام عليكم انا اسف على الردي المتأخر لكن اعذرني (لاهم إلا هم العرس ولا وجع غلا وجع الضرس) ادعولي الله يهونها علي .

اخوي بصراحة انا حاس ان الكلام الي قلته كبير علي مرة حاولت استوعب لكن اغسل ايدك .
ولكن مشكور وماقصرت .
والله يعطيك الف عافية.....

 

[ralraja11]

الله يهونها عليك بس اقراها كم مرة عشان تفهمها ترا لو تطق لك حبتين بونستان وتقراه انا متأكد ان الموضوع سهل

 

[no pain]

طيب وشرايك ناخذ الموضوع حبه حبه
اولاً : حددلي الشارت المناسب للتداول اليومي ساعتان فاليوم (شارت دقيقة او 5 دقائق او 10 دقائق) ؟
التحليل ...
ماهو اول ما نبداء به تحديد خطوط الدعم والمقاومة او خطوط الرتند؟

 

[ralraja11]

اول شي شف الويكلي والديلي لتحديد الاتجاه العام . بعدين تبدا تفصفص اليومي (لتحديد الاتجاه زي الويكلي والديلي) تبدا ب4ساعات اللي تقريبا زي اليومي. بعدين تاخذ ابو ساعتين او ساعه (حسب الحركة اذا قوية خلك على الفريم الاكبر واذا مجرد تذبذبات بسيطة خلك على ابو ساعة) . نفس الكلام ينطبق على الفريمات الاقل من ساعة . شخصيا افضل فريم 15 للتداول اليومي (9 نقاط بعدد عقود معقول اضمن من تقلبات السوق) فريم 15 يسمح لك تطلع ربح + فرق السعر بن العملات . الفريمات الاصغر يالله بس ما تخسر. بعدين تتاكد من كسر الترند او اختراق المقاومات في الفريمات الاقل 10 + 5 +1 .
يعني بترتيب :
1- تاكد من الاتجاه العام بالفريمات الديلي والويكلي.
2-حدد اتجاه هذا اليوم من فريم الساعة الى 4 ساعات.
3- خطط للشراء او البيع بناء على فريم 15.
4- تاكد من الحركة بالفريمات الاصغر.
5- قد يكون هدف الديلي نزول لكن ممكن تلقط 10 نقاط طلوع من التذبذب اليومي لان السعر ما راح ينزل على طول بدون تصحيحات والعكس.

6- ابتعد عن الطمع .

بالنسبة للترند او المقاومات هذي يحددها الشارت يعني لو عندك ترند مكسور 100% بس فيه مقاومة عند هالسعر اصبر لين يكسرها وشف هدف الترند . اذا كسرة شف المقاومة اللي بعدها . يعني الموضوع مجرد وجهة نظر ممكن انت تشوفها اختراق وانا اشوفها ارتداد. اهم شي ابتعد عن الاستعجال . وترا ياما بيطلع لك اختراق 100% بس يعكس السعر بسبة خبر والا حركة غير متوقعة . والا يضرب الستوب لوس حقك ويرجع يكمل الاتجاه. يعني الستوب لوس مهم جدا مكانه. حاول دايما انك ما تشتري في التذبذب اشتر في حالة الكسر . الا اذا كان التذبذب مداه واسع وماخذ مدة يصير في هالحالة دعم ومقاومة . لكنك لازم تتاكد من تغير الاتجاه يعني لا تشتري بمجرد ضرب المقاومة لانه ممكن يكسرها . اشتر عند بداية التاكد من اتخاذ الاتجاه .
خلك ذيب واذا ابتعدت عن الطمع راح تربح زين باذن الله (1% لمدة شهر احسن من 10% بيوم واحد وتنكب بعدها بخسارة عظيمة) .
اتمنى يكون الكلام واضح واي استفسار حنا حاضرين بس ياليت احد غيرنا يدخل هالموضوع

 

[no pain]

بس ياليت احد يدخل هالموضوع شكلك طفشت مني هههههههههه
معليش استحملني
ماني سايبك إلا الين تعلمني على كل شي ((((والله يعينك عليّ))))
انا راح اجرب الطريقة الي قلتلي عليها ولكن....
الترند كيف ارسمة او وشهي النقاط الي اوصل بينها الترند لأنه على حسب ماقريت انه كل مازادت عدد النقاط الموصلة في الترند كل ماكان ادق في تحديد الاتجاه؟!!!!!!!!!!
يعني مثلا
في فريم الديلي ارسم الترند واحدد الاتجاه ثم انتقل لفريم 4 الساعات وارسم الترند ثم الساعة وارسم الترند ثم ....هكذا ؟؟؟

 

[ralraja11]

لا والله وش دعوه مهوب قصدي . اقصد ياليت الاخوة يتفاعلون لان المنتدى بصراحة شبه ميت . اخوي نو بين ممكن تشوف الترندات في اي شارت من شارتات التوصيات يعني الترند بالعربي الاتجاه . ارسم اتجاه السهم اهم شي 3 نقاط وما فوق ويكون بزاوية 45 وحولها . حقيقة الموضوع لازم له شرح تفاعلي لانك اذا ما تعرف الترند وشلون يرسم لازم لك دورة. عموما الله يوفق الجميع وانا مستعد لكل اسئلتك بس لا تزعل علي

 

[no pain]

لا زعل ولا شي اهم شي اني ماثقلت عليك .
براجع الموضوعات الي تتكلم على الترند .وبعدين ارجعلك

 

[no pain]

لا مؤاخذه
وشو الشارت الذي تنصحني به؟؟؟؟؟؟؟؟؟؟؟؟؟؟؟؟؟؟؟؟؟؟؟ظ