بسم الله وعلى بركة الله عدنا بعد انقطاع دام عشر سنوات

[خوش ولد]

السلام عليكم ورحمه الله وبركاته

بعد انقطاع دام 10 سنوات للسوق الكويتي ومنتدى المؤشر الموقر ها نحن عدنا لكم بفضل الله نسال الله ان يرزقنا ويرزق كل مسلم الرزق الحلال.... سندخل السوق ان شاء الله يوم الاحد فالمؤشرات ايجابيه رغم نزول السوق ولا استغني عن نصائحكم وتوجيهاتكم ...

اخوكم خوش ولد

 

[AlBustan]

حياك الله منور

 

[حربي وربي الله]

السلام عليكم ورحمه الله وبركاته

بعد انقطاع دام 10 سنوات للسوق الكويتي ومنتدى المؤشر الموقر ها نحن عدنا لكم بفضل الله نسال الله ان يرزقنا ويرزق كل مسلم الرزق الحلال.... سندخل السوق ان شاء الله يوم الاحد فالمؤشرات ايجابيه رغم نزول السوق ولا استغني عن نصائحكم وتوجيهاتكم ...

اخوكم خوش ولد

وعليكم السلام ورحمة الله وبركاته
ويشرفني اني اكون اول واحد اعطيك اعجاب
حياك الله ونور المنتدى بعودتك
ماشاء الله تبارك الله
خوش ولد --- ومتميز
الله يوفقك وننتظر مجهودك المتميز

 

[jaber1441]

حياك الله اخوي واهلا بالعودة بس سؤال يطرح نفسه تقول غياب عشر سنوات وتعود الان بالرغم من كل هالنزول ممكن معرف هالاسباب والمحفزات طال عمرك اللتي دعت لعودتك المتفائلة جدا واسمحلي اخوي تراناغاسلين ايدنا بجف محطم الدهون والاوساخ من هالبورصة المومياء

 

[رابح رابح]

السلام عليكم ورحمه الله وبركاته

بعد انقطاع دام 10 سنوات للسوق الكويتي ومنتدى المؤشر الموقر ها نحن عدنا لكم بفضل الله نسال الله ان يرزقنا ويرزق كل مسلم الرزق الحلال.... سندخل السوق ان شاء الله يوم الاحد فالمؤشرات ايجابيه رغم نزول السوق ولا استغني عن نصائحكم وتوجيهاتكم ...

اخوكم خوش ولد

حياك الله اخوي ( خوش ولد ) صار لك عشر سنين طالع من السوق المفروض اسمك ( خوش شايب )
معزم بتزيد عدد ضحايا السوق ... الله يوفقك ويرزقك ويكتب لك الخير

 

[الراقي]

هلا بدفعة ٢٠٠٤ بس ماصار لحد الحين عشر وبعدين انت معانا في نكسة ٢٠٠٨ ومابعدها وانت عضو مشهور ولك بصمة في المنتدى

 

[نص عليمي]

ياخوفي بعد كم يوم يتغير النك نيم ويصير " كان خوش ولد "


السوق جنن العاقل

 

[السعد محمد]

متى تطلع من السوق

 

[سناعيس]

حياك الله....​

 

[333gust !!!]

حياك الله طال عمرك ,,,,
والي عرفناه من الاخوان القدامى انك عضو متميز ولك بصماتك في هذا المجال ,,,,,,,,
اهلا بعودتك ,,,,
وعلى الراحه السوق ما هو طاير ,,,, وفعلا كما تفضلت والاخوان هنالك مؤشرات بدات باعطاء اشارات ايجابيه عقب هالانهيار وان كانت الى الان ضعيفه ,,,,,
>>> اخوك بو محمد متلجع بهالسوق من زمان ,,,,,, وحديث في مجال التحليل الفني ,, بفضل الله وجهود الافاضل الموجودين بالمنتدى

 

[barbarian]

حياك الله مع ان المؤشرات متحسنه من قبل 6 اشهر لكن موفق ان شاء الله

 

[hamedco66]

يا ماشي بدرب الزلق لا تآمن الطيحه

 

[buazizan]

اهلا وسهلا

 

[BOAHMAD]

يامرحبا فيك وابرك الساعات
وان شاءالله تكون عودتك فال خير علينا
اللي مثلك يوصّي مايتوصّى

رجلٍ تكزّه لازم انّك توصيه ،،،،،، ورجلٍ بليّا ماتوصّيه كزّه

 

[سرور]

يامطول الغيبه علي ما انت مسموح ..


وسلامتك

 

[خوش ولد]

والله انا كم مشتاق لهذا المنتدى الموقر الذي استفدت منه كثيرا وله ذكريات قديمة واعضاء كم عملوا على فائدة الاخرين فقط لوجه الله تعالى وادعوا الله ان يستفيد الجميع وان يرزقكم الرزق الحلال

اما عن سبب عودتي للسوق
لعدة اسباب الصراحة
اولا : عندي سيوله جيده لكنها لا تنفع الا لسوق الاسهم
ثانيا : ارباح الشركات تطورت وارباحها زادت
ثالثا : مكرر الربحية P/E منخفص لكثيرمن الشركات مما يعطي فرصة مغرية للشراء
رابعا : الاحداث السياسية الداخلية والخارجية مستقرة تقريبا خاصة مع الملف الايراني
خامسا : المؤشرات الفنية لكثير من الاسهم ايجابيه على المدى المتوسط

يا اخوه من يعرفني يعرف انني اتبع اسلوب الاستثمار المتوسط الى الطويل ولا اتبع اسلوب المضاربه لان المضاربة فيه خطورة أعلى وايضا عندما ادخل على اي سهم غالبا استخدم 60% من المحفظة و 40% كاش للتبريد في حال نزوله
والحمدالله حققت الربح بهذه الطريقة صحيح احيانا قليل لكن بفضل الله تجنبت الخسارة في كثير من الاحيان

باذن الله سأحدد الاسهم التي تصلح للاستثمار المتوسط الى الطويل خلال هذا الاسبوع ان شاء الله
اسال الله ان يرزق الجميع كل خير

 

[llhamadll]

حياك الله يخوي "خوش ولد"
بس تدري... ردتك للسوق بعد طول هالغياب... حبطني ... لا تفهمني غلط...
تدري ليش؟!!!
لأن ردتك بعد غياب 10 سنوات أثبت فيها كلام صاحبي (اللي كنت أخالفه دوم) اللي كله يقول لي ويصر ان ما في فكه من هالبورصة
وإنها إدمان مثل الزقاير وان مالي أمل أترك... وآنه اللي (حالي حال الكثيرين في الخساير) كل يوم والثاني أقووول "اعتبارا من اليوم والتاريخ الفلاني راح أترك البورصة وعايش على هالأمل...
الله يرزقك من رزقه الواسع
وتقبل تحياتي

 

[الوحيد 1974]

خوش ولد
صباح الخير يالغالي
منور يالحبيب
نتمني ان لاتكون اسهم كثيره يعني 2 او 3
والله يجزاك خير .

 

[خوش ولد]

حياك الله اخوي حمد

هي مو قضية ادمان

كل فرصة استثمارية جيدة نقدم عليها في اي مكان وفي اي وقت دامنها حلال يعني الان لو قالوا لك عن سيارة فيها ربح ان اشتريتها تشتريها ولا لا ؟ طبعا نعم
انا اشوف ان السوق باذن الله في طلوع وذكرت الاسباب

 

[(طموح وقنوع)]

ولكم باك
وباذن الله تكون هذه العودة بداية لعودة العصر الذهبي لمنتدى المؤشرنت