40000سهم دانه غاز.كم تسوى؟؟؟؟!!!!

[أرزاق]

السلام عليكم الاخوه الاكارم
عرض علي 40000 سهم دانه غاز
بس ابي اعرف جم تسوى هالايام في السوق
بالدرهم الامارتي
لانه يمكن اخذهم او اشوف لهم احد يشتريهم
وسلامتكم

 

[بسكوته]

السلام عليكم اخوي ارزاق
سعر السهم قبل شهر 3.5 درهم
وحاليا ينباع 3.90 درهم
وهذي اسعار اسهم التأسيس
اما بالنسبه لاسهم التخصيص تنباع بسعر 4.90 درهم
بس الاسعار هذي بدون عموله البروكريه ولو تبي تشتري عندي كميات بالملايين مع شهاداتهم
وعسى الله يوفقكم اللهم امين

 

[أرزاق]

جزاك الله خير اخت بسكوته
بس شلون طريقه البروكريه و جم عمولتهم
يعني نسبه او على كل شهاده
واللي عندك بشهادة تخصيص وحده والا عدة شهادات والشاري يجمعهم؟
واذا في تفاصيل اكون جدا شاكر لي وللاخوه

 

[الغافقى]

انا بايع 1704 سهم ب 7 دراهم

 

[بسكوته]

الاخ ارزاق اسهم التخصيص هي تجميع بعد ما خلص الاكتتاب واللي يملك هذي الاسهم له الحق في التصرف فيهم عند ادراج السهم في البورصه اقصد يقدر يبيعهم باي وقت يبي
ويتم تجميعهم في شهاده وحده او مجزأه لكل مليون سهم في شهاده وحده بالنسبه للبائع اللي اعرفه
وعموله البروكريه تختلف حسب الكميه وحسب كم بروكر داخل معاك بالصفقه
بمثال لو قلنا الشاري يبي 20 مليون سهم سعر العموله ما راح تكون مثل اللي يبي يشتري مليون واحد بس واذكرك حسب عدد البروكريه بالصفقه الوحده
والكميات اللي عندي عشرين مليون تخصيص وستين مليون تأسيس شرايك تشتريهم مني
وعسى الله يرزقنا ويرزق امه محمد

 

[أرزاق]

عظمنا طري

لا ياختي بسكوته شوي شوي علينا يواش يواش عظمنا طري انا بالاف وقاعد احسبها.. يايتني بالملايين
بس فعلا شكرا على المعلمومات اللي قدمتيها
بس اللي عنده ملايين بالتخصيص شلون جمعهم مع انه التخصيص مثل ماشفنا كان حده حده
وسلمتم

 

[ابو الاثنين]

دانه غاز

انا لحد الان ماستلمت اي شيء لااسهم ولا فلوس ولا تخصيص واسمع واشوف ان بعض الناس استلمت من زمان اسهمهم وباقي المبالغ يعني علمونا شسالفه ياجماعه

 

[بسكوته]

ارزاق يا دنيا

اخوي ارزاق يعتمد على حسب علاقاتك واتصالاتك واحلى شغل تسويه لما يكون البايع والشاري بين ايدك وكل ما قلت عدد البروكريه كل ما كان الشغل اسهل
اما بالنسبه لطريقه تجميع اسهم التخصيص هذول ناس من كبار المستثمرين واصحاب الشركات اللي لهم علاقات مع اعضاء مجلس اداره دانا غاز وجرت في اي مكان بالعالم ملاك الشركات يبرون ربعهم وحبايبهم ويقطون الباجي على الناس وخصوصا ان الشركه هذي قويه وقت نزولها بالسوق ومثال حي غاز قطر جم وصل سعره بالوقت الراهن مقارنه في سعر اكتتابه واسعاره في سوق الجت
بالنهايه هذي اسعار صيده وخياليه وان وصل عشر دراهم هم تبقى الفرصه بايده لان الغاز الطبيعي مرغوب ومطلوب على مستويات العالم كله وسوقه ما يوقف
وبالنهايه المثل يقوووول اللي ما عندوووش ما يلزموووش
والرزق على الله يا ارزاق ​

 

[أرزاق]

اخوي ابوالاثنين يعتمد على العنوان اللي حاطه بالطلب اذا صندوق بريد المفرووض وصل.. واصبر لك جم يوم ودق عليهم واسال اذا باقي طلبات ما ارسلوها بالبريد
بس اذا حاط عنوان بيت يمكن تعثر او غلطو بجاده او شارع او بيت...عاد انت هم راجع مكتب بريدك وشوف اذا في شي راجع


وبالنهايه المثل يقوووول اللي ما عندوووش ما يلزموووش
يابسكوته الوسطيه خير وبركه.. بعد مو لازم يا خال يا بوثنتين

 

[khalid592]

اخوي ارزاق كميه اربعين الف كميه كبيره واذا قدرت تحصلها على 3.80 او 4 درهم زين

بس اهم شي تاخذ من واحد ثقه او تسوي عليه توكيل تداول اسهم خارج الكويت وتاخذ كمبياله عشان تضمن روحك

اخت بسكوته يعطيج العافيه

بالنسبه للثمانين مليون اللي انتي تقولين انج تملكينهم
شي غريب فعلا لانه الحصه اللي انتي ذكرتيها تمثل 10 بالميه من اسهم شركه دانه غاز وهذي الحصه ما يملكها غير المؤسسين

الشعله الثانيه انتي تقولين انه عندج 20 مليون تخصيص وهالرقم ما قدرت اني استوعبه لانه غير صحيح انا اقولج شلون لو انج اكتتبتي على الشريحيه الاولى اللي كان تخصيصها اقل من نص بالميه معناها انج تحتاجيل ثروه بيل قيتس عشان تكتتبين فيه ماعتقد احد يقدر عليه

النقطه الثانيه لو انج مكتتبه بجوازات الخليجيين كلهم وماخذه عليهم توكيلات هم ما راح يكون تخصيصج عشرين مليون لانه رقم بعيد جدا جدا عن الواقع

اما سالفه اسهم المنح اللي توزع هدايا على المؤسسين فهي لا تتعدي النص مليون بافضل الحالات تعتبر معجزه

والسلام ختام

 

[أرزاق]

اخوي ارزاق كميه اربعين الف كميه كبيره واذا قدرت تحصلها على 3.80 او 4 درهم زين

بس اهم شي تاخذ من واحد ثقه او تسوي عليه توكيل تداول اسهم خارج الكويت وتاخذ كمبياله عشان تضمن روحك

والله اخوي خالد الشخص اماراتي صديق عمر وهم الاحتياط واجب.. بس مثل ماقلت 3.8 ,4 درهم
انا بغيت اعرف السعر اللي يسوى اشتري فييه
وتسلم على المشاركه
اما كلامك للاخت بسكوته فانا بصراحه معاك منطقيا بس ماقدرت ارد لاني فعلا غير خبير بالموضوع
فرفع الله امرئ عرف قدر نفسه

 

[bigener]

أحوي الله يهنيك اليوم كنت مع شخص من السعودية و قال عندهم واصل 8 ريال أتوقع يكون نفس العر هون.

 

[المسبار]

اخوي السائل:
في الامارات وقبل يومين بالتحديد:

سعر التخصيص: 4.25 درهم
سعر التأسيس: 3.95 درهم
--------------------------------------------------------------

طريقة البيع والشراء ما ادري شلون، لاني ما اهتميت اسال عنها، لكن الاسعار اللي فوق، قالي عنها مستثمر اماراتي كبير (الله يرزقه ويوفقه).

الله يوفق الجميع

 

[khalid592]

طبعا يسوى تشتري اذا عطاك على اربعه اخذه وانت مغمض

السهم من وجهت نظري قوي جدا وانت شفت بعينك شلون صار طق مطاقق طبعا الناس ما تشتري عبث
لو تشوف المؤسسين الشركه راح تعرف شنو اقصد الصبيح والراجحي وضيف الشيوخ الاماراتيين ورجالات الاقتصاد اسماء رنانه

ثاني شي الشركه غاز من مشتقات النفط وقطاع النفط بجميع انحاء العالم طاير بالسما طبعا لانه سعر النفط اساسا ارتفع وراح يرتفع زياده مع السنوات القادمه

ثالث شي الشركه طبعا شركت تنقيب يعني في كل دول الخليج وهم اكيد حطوها مو عبث اكيد في ابار غاز بمنطقه الخليج وانت احسبها جم راح يكون سعره اذا لقو بئر واحد ؟؟

عموما انا باعتقادي السهم مبدئيا راح ينزل البورصه اربعه او خمسه

وبعد اول ميزانيه سنويه اعتقد يوصل 9-12 درهم

اما مستثمر طويل الاجل انا اعطيه 35-50

طبعا هذي الارقام وجهت نظر ممكن تكون خطأ وممكن صح

عموما كل اللي بقوله لك السهم فيه خير كثير اشتره وحط راسك ونام

 

[بسكوته]

الاخ الفاضل khalid592
انا لو املك هالكميه جان ما دشيت سوق ولا منتدى تلاقيني قاعده في cote d'azur واتفرج على مجلات VOUGE بس هذول تجار سعوديين وهم عندهم الكميات هذي وعندي نسخ من صور هالشهادات بدون اسم المالك علشان لاحد يروح له من وراي وبعدين هذا سوق والارقام بقيمه السعر والشراء عرض وطلب وهم ارجع واقووول اللي ما عندووش ما يلزمووش
وعسى الله يوفق الكل والجميع