سؤال ؟؟!!

[star]

السلام عليكم ..

اخوكم جديد بالمنتدى ... وغشيم بالسوق .. لكن حاب اشكركم لأني استفدت منكم كثير ..

عندي سؤال لو سمحتوا ...

املك عدد من الاسهم عن طريق الاكتتاب .. الوطنية للاتصالات .. وبوبيان للبتروكيماويات .. اسعارها الان أكثر من ممتازة .. وارغب في بيعها ..

ارجو ان تخبروني ماهي الاجراءات المتبعة ولكم جزيل الشكر ...

 

[boalons]

حياك الله يا اخوي

روح البورصة وطلع رقم تداول , وبعدين خذ شهادات اسهمك وروح لاي مكتب دلاله داخل قاعة التداول وبيع

والله يوفقك

 

[سفار]

حرام تبيع

السلام عليكم ..

اخوكم جديد بالمنتدى ... وغشيم بالسوق .. لكن حاب اشكركم لأني استفدت منكم كثير ..

عندي سؤال لو سمحتوا ...

املك عدد من الاسهم عن طريق الاكتتاب .. الوطنية للاتصالات .. وبوبيان للبتروكيماويات .. اسعارها الان أكثر من ممتازة .. وارغب في بيعها ..

ارجو ان تخبروني ماهي الاجراءات المتبعة ولكم جزيل الشكر ...

ليش تبيع أخوي؟؟؟
بوبيان آخر مرة موزع 45% وجدامها مستقبل ممتاز، على الأقل للخمس سنوات القادمة، إذا تكلفتك على الاكتتاب هذا أحسن استثمار وكل الناس اتدور مثله.

الوطنية للاتصالات موزعه 50%، وأستطيع أن أكرر عليك نفس الكلام اللي ذكرته عن بوبيان ولكن مستقبلها أكثر من 5 سنوات.

خلهم عندك واذا احتجت فلوس ارهنهم واخذ قرض، لا تبيعهم اذا ماخذهم برخص التراب

 

[star]

مشكور اخوي boalons ..

كفيت ووفيت ..

الله يوفق الجميع ...

وان شاء الله اسهمك اليوم كلها حد أعلى ...

 

[star]

مشكور اخوي سفار على النصيحة ... وبيض الله وجهك ..

لكن ...

الاسهم اللي عندي ماهي كثيرة .. على 3 الاف سهم و4 الاف سهم ...

ودي ابيعهم واجرب حظي بالسوق ..

وان خسرتهم .. ماعليهم حسوفه ...


وكل الشكر لك مرة ثانية ..

 

[سفار]

على الاقل خل بوبيان

انا ما عندي معلومات عن الوطنية، بس بوبيان وراها صعدة زينة قبل نهاية سنتهم المالية (آخر شهر 4)، وانت دامك نطرت كل هل مدة انطرلك كم شهر اخذ ارباحهم وبيعها، صعدتها انشاءالله مو أقل من 40%، وأرباحهم اللي راح يوزعونها (اتوقع) اكثر من السنة اللي طافت (45%)

اسمحلي طولت عليك ومصختها بالنصيحة، بس متحسف

 

[star]

مشكور اخوي سفار على النصيحة ..

ومثل ما يقولون شورك وهداية الله ... راح انطر عليها لبعد توزيع الارباح ..

ولك مني أكبر ورده ..