صفقة عقارية بقيمة 190 مليون دينار

[عندك سلف]

تمت اليوم صفقة عقارية ضخمة
من خلال مزاد علني
على ارض الدعية المجاورة لمجمع الكاظمي المواجه للبحر

مساحة الارض 267 الف متر مربع

بدأ المزاد بسعر 149 مليون دينار
وامتهى لصالح شركة المشاريع بسعر 190 مليون دينار


اعتقد انها اكبر صفقة عقارية تمت في تاريخ الكويت

 

[الهدف البعيد]

من هو مالك الارض..

هل هم ورثة ..؟

ام شركة.؟؟

 

[jarrah_aam]

تمت اليوم صفقة عقارية ضخمة
من خلال مزاد علني
على ارض الدعية المجاورة لمجمع الكاظمي المواجه للبحر

مساحة الارض 267 الف متر مربع

بدأ المزاد بسعر 149 مليون دينار
وامتهى لصالح شركة المشاريع بسعر 190 مليون دينار


اعتقد انها اكبر صفقة عقارية تمت في تاريخ الكويت

مبلغ لا يذكر مقارنة في صفقات العقار ايام المناخ

 

[نوخذه]

من هو مالك الارض..

هل هم ورثة ..؟

ام شركة.؟؟

ورثه

 

[bo-rashed 2]

هذي الارض قديمه ومعروضه من كذا سنه وكان عليها كلام من ٢٠٠٧

بالنسبه لموقعها القيمه لا تساوي شيء والمساحه كبيره جدا والمتر غالي في ذاك الموقع

 

[عندك سلف]

من هو مالك الارض..

هل هم ورثة ..؟

ام شركة.؟؟

ورثة المرحومة حصة مبارك الصباح

وهم كثر

من ضمنهم المرحومة فتوح السلمان الصباح
زوجة صاحب السمو
ووالدة الشيخ حمد (مالك شركة المشاريع التي فازت بالمزاد)

 

[الهدف البعيد]

سعر الارض جدا جدا زهيد..

سعر المتر يطلع علي المالك ب 700 دينار فقط.!!

طبعا هناك مناطق سكنية يفوق هذا السعر ...

ضيف عليها الموقع الممتاز للارض..

تاجير المتر تقريبا ب 35 دينار
وعليكم الحسبة..

 

[سوق الاوراق]

من هو مالك الارض..

هل هم ورثة ..؟

ام شركة.؟؟

من ٥٠ سنة ما شفنا احد يملك الارض او سوى شي بهذه المنطقة الفاضية ... لو في احد يملكها جان استغلها طوال هذه الاعوام ...... هل في احد يعرف او شاف شي بهذه الاراضى الفضاء ؟؟؟؟؟؟

 

[سوق الاوراق]

ورثه

السلام عليكم
ورثة منو ؟؟؟؟؟
هل انت طول عمرك شفت احد بهذا المكان ؟؟؟

 

[UNDER_0]

من عمر وهالأرض فاضيه توني أدري إنها طلعت مالت ورثة ! ايي ما عليييه

 

[Albaghdadi]

اي خذ من جيسه وعايده عليهم بالعافيه .. يستاهلون الورثه

 

[سلفارادو]

الصفقات الكبيرة هذى مطلوبة لانعاش السوق ودوران العجلة الاقتصادية ​

​

اهلا بالمشاريع​

​

كما ان بيت التمويل الكويتى له تحركات و صفقات كبيرة بالملايين هذه الايام من شانها تحريك السوق​

​

فيا مرحبا​

 

[عندك سلف]

سعر الارض جدا جدا زهيد..

سعر المتر يطلع علي المالك ب 700 دينار فقط.!!

طبعا هناك مناطق سكنية يفوق هذا السعر ...

ضيف عليها الموقع الممتاز للارض..

تاجير المتر تقريبا ب 35 دينار
وعليكم الحسبة..

ما تنحسب بالطريقة هذي....

الارض هذي تحتاج الى شوارع داخلية لتجزئتها
وارتدادات وبالتالي نصف هذه المساحة راح تضيع لو تم تجزئتها.....

 

[faisel 2]

من ٥٠ سنة ما شفنا احد يملك الارض او سوى شي بهذه المنطقة الفاضية ... لو في احد يملكها جان استغلها طوال هذه الاعوام ...... هل في احد يعرف او شاف شي بهذه الاراضى الفضاء ؟؟؟؟؟؟

بوق بطريقه قانونيه...يعتبروون الكويت دوله مؤقته لهذا يحاولون الحصول على اكبر حجم من الكيكه وسباق مع الزمن...صدقت سفيره امريكا:اعيان ووجهاء الكويت مشغولين بنهب ثروات الكويت كأنها لن تبقى ل٢٠٢٠...

 

[بن جمعان]

لا بوق ولا خرابيط
احنا ندري عن هالأرض من سنين
والي ما يدري عن تاريخ العقار بالديرة لا يتفلسف ويقط التهم يمين ويسار

 

[333gust !!!]

>>> متابع بصمت ومالي شغل اب احد ( خواف )

 

[سوق الاوراق]

لا بوق ولا خرابيط
احنا ندري عن هالأرض من سنين
والي ما يدري عن تاريخ العقار بالديرة لا يتفلسف ويقط التهم يمين ويسار

السلام عليكم
شلون تدري عن الارض من سنين ؟؟؟ ليش كم عمرك الحين ٩٠ او ٨٠ او ٧٠ سنة ؟ ماعرفنا من يملك تلك الاراضي ؟ انا من ٥٠ سنة ماشفت احد يوطوط لو في احد يملك تلك الاراضي جان ماتركها كل تلك السنين فاضية !!!!! ....
منو يذكر الاراضي اللي جدام سينما الحمراء اللي فيها كراجات ومطاعم قديما ؟؟؟؟
شلون تم استغلالها ؟ وشلون تم بيعها ......؟
مع العلم درسونا بالجامعة عن الاراضي المشاعة هذه القطعة بالذات من الاراضي المشاعة اللي ما يملكها احد ...... الحين حق النفيسي الصالحية العقارية وحق بودي بيت الاوراق باعها حق الوطني ....... وتبي بعد ولا بس ...
لا بعد اعطيك ارض بطاريات وارة لولو ماركت ،،،
ولا بعد اللي اخطر من جذي .... الافنيوز ..... منو يذكر ارض الافنيوز ومن يملكها .... ومنو اللي قسم الصناعات الوطنية وباع تلك الاراضي بتراب الفلوس ...... ولا بعد سينما السيارات وحولي الصيفي والاتدلس والحمراء ..... اراضي كلها ملك الدولة قدمت لشركة السينما عبر نظام B.O,T ... بعد انتهاء مدة العقد تم بلع الاراضي اذا هم صاجين شارين تلك الاراضي فعلا !!!!!

والحين اعطيك ارض ثانية .... اللي بشرق جدام المطعم العراقي سابقا ..... هذه كانت ارتداد اشارة ... تدري شتو فيها الان ؟؟؟؟ ثاني اكبر برج بالكويت ؟؟؟؟ تدري حق اي شركة ؟؟؟؟؟ !!!! على ما اعتقد اذا عرفنا من شرى ارض الشعب البحرى راح نعرف منو اللي ااستغل ارتداد اشارة شارع خالد بن الوليد .....!!!
ياعمي احنا مو نتهم احد احنا نقول الحقيقة كاملة بدون نقصان .... ارض الشعب البحرى مو حق احد لو يبت لي وثيقة ماراح اصدق ..... انت الظاهر مو عايش بالكويت ..... ارض قيمتها ملايين تترك اكثر من ٦٠ سنة الا اذا انت عمرك الحين ٩٠ سنة راح تعلمنا سر تلك الارض ....
تبي بعد قصة سوق شرق ومارينا وعقارات الكويت ولا بس ؟؟؟؟

 

[بن جمعان]

كل الي قلته أعرفه
والحمدالله عايش بهالديرة مثل ما عاشوا أهلنا فيها سنييين من أيام جبلة فريج سعود - هذا لعلمك بس

واذا كان عندك ضغينة على الشيوخ مو ملزومين نتبعك !!
وأتمنى أنك تكون شجاع زيادة وتتكلم عن باق أراضي اليرموك وقرطبة والسرة
وباعها على أهل الديرة بأسعار خيالية !!

 

[بن جمعان]

أخوي 333gust
الأخ الفاضل يقصد شي الجميع يفهمه -- وهذا غلط
الأرض المقصودة عليها خلاف ما يقارب 20 سنة
وملاكها جميعهم شيوخ وفي بيت بوسط الأرض الى الآن موجود وساكنته مره
وهي من الورثة بعد - وحتى هالأرض كان فيها ملعب قدييييم كنا نلعب فيه مع ربعنا تقريبا 1982
وفي تفاصيل دقيقة مو لزوم صاحبنا يعرفها
لأن أتصور عمره عمر دقيانوس وما قام يسمع !!

 

[333gust !!!]

والله يا بن جمعان انت ابخص وادرى بهالامور ,,,, بس الواحد الي يحز بخاطره ويحزن ان اغلب هالاراضي هي اموال عامه وهي ملك للدوله ,,,,
هذا الي يعور القلب يا خوي ,,,,,,
عموما قواك الله واخونا بيت الاوراق ما كان يقصدك انت بالذات اهوى قلبه محروق مثل اي شخص يخاف على الاموال العامه فقط لا غير ,,,,
>> يا معود لايكون بعد الابراج يطلع لها ورييث ههههه >> يتغشمر
الا بسالك سؤال بصراحة محيرني :-
بما انك تعرف خفايا الامور ,,,, في ارض مقابل البطريق في ميدان حولي اسنين وابنيين وهالارض مالها راعي !واهيا تقريبا براحة ازغيره تصفط فيها سيارات العماير المجاوره ,,,,, اشلون ابقدرة قادر انبنا فيها عماره ؟