alajmiktv قال:
س// منوو جرب التداول بسوق الكويت للأوراق المالية عن طريق بنك الكويت والشرق الأوسط وشرايكم بمستوى الخدمة عندهم ؟؟؟
س// لفت إنتباهي تشابه موقع بنك الكويت والشرق الاوسط مع الاوسط للإستثمار!! ... شنو السبب ؟؟
https://www.bkmeonline.com
https://www.alawsat.com/servlet/ControllerServlet
السلام عليكم
الأثنين يقدمون نفس الخدمة بالضبط ، ونفس العمولة
( الي اهية عمولة بورصة الكويت فقط لاغير )
نفس الويب سايت ، نفس الأوسط برو ( 20 دينار في الشهر حق سوق الكويت ) ، ما في اختلاف ابدا
إذا كان حسابك في بنك الكويت والشرق الأوسط ، الأشتراك في البنك احسن
أما إذا كان احسابك في بنوك أخرى ، الشركة أحسن
والسبب في سرعة تحويل الأموال
مثال : حسابك في بنك التمويل أو الوطني أو أي بنك غير الأوسط
إذا كنت مشترك في البنك وتبي اتمول محفظتك ، راح اتصير حوالة بين بنكين
يعني راح توصل الفلوس بعد يوم أو يومين ، ويشترط مافي عطل رسمية
يعني إذا حولت من بنك إلى بنك يوم الخميس في الليل ، راح توصل يوم الأحد أو الأثنين
أما إذا كنت مشترك في الشركة ، فعملية الحوالة تأخذ تقريبا 5 دقائق ، بس يلزم ارسال فاكس حق الشركة بايصال الحوالة مع رقم التداول
( الشركة عندها حسابات داخلية في كل البنوك ، فا أي تحويل يعتبر تحويل داخلي ، فا من جذي التحويل ما يطول )
مثال : حسابك في بنك الكويت والشرق الأوسط
تمويل المحفظة سهل ، لآنه يعتبر تحويل داخلي بس العملية تأخذ ساعة واحدة فقط ،
وتقدر اتحول الفلوس أون لاين ( On line ) وبدون ارسال فاكس أو الذهاب إلى البنك
وطبعا راح يكون عندك سحب كرت آلي لحساب البنك
التحويل إلى الشركة في هذه الحالة نفس المثال السابق ، ويمكن اسرع للعلاقة القوية بين بنك الأوسط والشركة
* لا تعتمد على التلفون في التداول خصوصا البنك هل الأيام غالبا مايردون .
* طبعا إذا عندك اسهم وكيشتها ، النقد يطلع فوري وتقدر تشتري على طول.
* في البورصة إذا كيشت ايام السبت والأحد والأثنين تستلم الشيك يوم الثلاثاء
وإذا كيشت الثلاثاء والأربعاء الشيك راح يطلع السبت
في بنك الأوسط إذا كيشت السبت والأحد الكاش تقدر تستلمه الأربعاء
وإذا كيشت الأثنين الثلاثاء والأربعاء ، الكاش يظهر يوم الأحد
أبويوسف
