(الذهب) نيرات ولا سبائك ؟

[سهمك جرحني]

السلام عليكم

من فترة و أنا لله الحمد قمت أجمع سبائك ذهب بفلوس زايدة ماني محتاجها بعيدا عن إستثماري الأساسي لاكن في سؤال حيرني و التجار كل واحد يقولي شي

عالمياً هل النيرات مصنعيتها أكثر ولا السبائك ؟؟ يعني العشر جرامات سبيكه مصنعيتها أعلى من النيرات أو الليرات مثل ما البعض يسمونها الي اهي 7 جرامات و ربع ؟؟

يمكن الموضوع مو مكانه الصحيح و أعتذر عن هالشي

 

[قلم حر]

المعلومه اللي اعرفها انه السبيكه كيلو وسعرها ماعليه مصنعيه
واول مره اسمع انه فيه سبائك وزنها جرامات

اما تكون غلطان او انك اضفت لي معلومه جديده تشكر عليها
​

 

[قلم حر]

بحثت ووجدت سبائك اقل من كيلوغرام

ومنها مايسمى بالاونصه والتولا والمثقال كل حجم له اسم


شكرا ع المعلومه
​

 

[abdullah6868]

انا اذكر فيه 100 قرام سبيكه مكتوب عليها 999 او 99.99 ناسى الارقام ومن تحت كرتون ومن فوق نايلون شفاف
كان يتاجر فيهم واحد من الربع بعد التحرير

 

[al7bebe]

حطهم بالمزاد على الموقع شبكه مزاد الكويت اذا عندك كميه

 

[سهمك جرحني]

مشكورين يا جماعه بس لحد الآن ما وصلت للجواب الي أبيه

تحياتي

 

[kuwaitnas]

ماعلى الليرات او التوله او السبيكه مصنعيه
ولكن
من المعروف ان كل ماصغر حجم القطعه تكون اغلى بشي بسيط
يعني تاخذ سبيكه كيلو سعرها اقل بحوالى مئة دينار من عشر سبائك ذهب حجم ١٠٠ جرام وهكذا

 

[kuwaitnas]

والسبب يرجع الى سهولة التصرف فى القطعه الصغيره عند البيع عن القطعه الكبيره الى مرات ماتلقالها شراي لان سعرها بطبيعة الحال عالى

 

[سهمك جرحني]

والسبب يرجع الى سهولة التصرف فى القطعه الصغيره عند البيع عن القطعه الكبيره الى مرات ماتلقالها شراي لان سعرها بطبيعة الحال عالى

تسلم أخوي بس المحلات اهم يحطون المصنعية و المقصود منها ربحه

 

[kuwaitnas]

ياخوي مفهوم المصنعيه بالذهب المشغول المجوهرات المختلفه اما قطع الذهب ما يكون فيها مصنعيه من الاساس بمعني مافي حرفي تدخل وصنعلك قطعة مجوهرات من الذهب وبالتالي ياخذ اجره هذا هو المقصود بالمصنعيه
اما ربح المحلات من بيع الليرات والسبائك فشي اكيد انهم بيتربحون بس ما تتسمى مصنعيه
والله اعلم انا ماني متخصص
ومشكور وموفق