مطلوب ارض

[Ameerbahrouh]

مطلوب ارض ٤٠٠ متر في ابوفطيره شارع واحد
والدفع كاش بسعر مناسب
بوحمد ٩٧٦٥٥٥٨٠

 

[مستقل]

بو حمد الله يهداك المكاتب دلل ودلل على اراضي بو فطيره وانت تقول مطلوب !
حسستني خلصو اراضي بو فطيرة البيع هناك بالجمله تقول بطاط مزارع وبالكوم و الناس تبيع بلوكات وزوايا و بطن وظهر وعلى شارع الغوص وسد واللي تبيه طب وتخير وانت تقول مطلوب مادري شقولك
عموما خش فليساتك بجيبك من باب النصيحة , ووفر لك مو اقل من 40 الف , وطول بالك بتشتريها قريب على 150 وبتشوف بعينك وبتسمع باذنك

 

[Ameerbahrouh]

اذا توعدني بان الاسعار راح تنزل لغايه مثل ما اتقول ١٥٠ ياريت
اتراهني على عشرين الف دينار وانا انطر لمن انت اتحصلي على ارض بنفس السعر اللي
ذكرته اما غير ذلك فمع الاسف احنا بياعين حچي

 

[Ameerbahrouh]

ومع نصايحك الحلوهبس انا بشتري ارض فب ابوفطيره
بس قاعد ادور واحد دايخ يبي يبيع بسعر معقول حسب مواصفاتي

 

[Ameerbahrouh]

عاى فكره اذا اتقول مثل بطاط مزارع ابي ارض ما اتكون يم محول وواجهتها واجهه جنوبيه شرقيه يالله شوف لي وحده وعلى شارع واحد

 

[مستقل]

يا بو حمد , بعد اذنك بعلمك شي صغير جدا اذا احد نصحك نصيحه قوله جزاك الله خير لا تقوله بياع حجي , حتى النصيحه تبون تقطعونها !
عموما الحديث هذا للجميع مو لك بروحك الاراضي متروسه والمكاتب مو مخليه اعلان مو حاطته واذا انت بتشتري شتنطر روح اشتر طب وتخير جهز فليساتك وروح منو ماسكك !
اما اللي قلته لك فهو كان من باب النصيحه ما هو امر ... والنصيحه لك ولغيرك وهي بالاول والاخير لوجه الله سبحانه

هذا اعلان على السريع ما اخذ مني 40 ثانية واول صفحه وما اعرف المكتب ولا تربطني فيه اي علاقه :

• للبيع ايو فطيرة ارض قطعة 6 مساحة 400 م2 شارع واحد مقابل سكة عريضة قريبة جدا من الخدمات السعر 215 الف سجل 3921 يمنع الوسطاء 97171751
مؤسسة عبدالرزاق العتال العقارية سوق المناخ الميزانين مكتب 477

 

[Ameerbahrouh]

مشكور انا اسف بس احنا سمعنا كلام الناس ونطرنا والاسعار ارتفعت راح ادق على المكتب
اللي ذكرته اذا هذا السعر راح ادعي لك بالخير ان شاء الله
وعلى فكره ما في مؤشرات للنزول واذا في شي خفي خلونا انعرف
لان ابصراحه تعبنا من التجار
تشتري امعسل اليوم اب دينار وربع باجر صاير دينار ونص
تشتري بيض اب دينار باجر دينار وربع
تشتري خيار اليوم اب نص باجر اب دينار يا اخوك مافي رقابه على الاسعار والتضخم مصيبه
بس التموين الاسعار ثابته
والله لو يعطون الاقتصاد في البلد الى وزارة التجاره يمكن الاسعار تنزل
بس الطمع في التجار اصبح لا يطاق
ومع الاسف انا اذا بهتم بالفلوس اصير مثل التجار واخاف افقد انسانيتي
وبعدين اتحسف

 

[Ameerbahrouh]

اعطيك مثال اشلون يفقد الشخص انسانيته
الاسد لمن يجوع اشلون ينظر الى الفريسه ويلحقها علشان يشبع غريزه الجوع
التاجر لمن ينظر الى السلع ينظر نظره الفلوس فيشبع غريزة الجشع
شنو الفرق بينه وبين الاسد
الاسد حيوان
التاجر انسان
عاد عليك الحسبه
المشكله ان شهوات الدنيا ليست للمحتاجين بل للمرتاحين الله يهديهم

 

[Ameerbahrouh]

تم اشراء ولله الحمد

 

[q8_king1]

مبروك ان شاء الله ومنزل مبارك وعقبال كل كويتي ياخذ قسيمه

 

[Ameerbahrouh]

مشكور اتمنى ان الاراضي اسعارها تنزل حتى كل واحد يشتري

 

[q8_king1]

اعتقد انه السعر العادل الأراضي بحدود ١٢٠ الف داخل المنطقه الحضريه لأكن معه الأسف الأسعار هذي نشوفها بالخيران عند المنافذ الحدوديه

 

[Ameerbahrouh]

اي ونس نفسك والفرص اتكمل بالصعود ياجماعه خلونا انعيش مع الواقع ولا اتزعلون مني تبي السعر الحقيقي لازم الاسعار ما اتكون اكثر
من ٥٠٠٠٠ الف دولار مو دينار بس الواقع غير تدرون ليش لان التجاره في الكويت مرتبطه به ثلاث اشياء فقط
امناقصات واللي مستلمها شخص واحد معروف
البورصه واللي مستحوذ عليها شخص
والاراضي باجي المجتمع والبنوك والوزارات والهيئات والهواميير
والتجاره الرابعه اللي هي البقالات وسوق الحمام والحراج والخ لصغار المستثمرين
واللي يبيع بنك وترمس في الجمعيات ويبي يشتري ارض او بييت لازم يبيع متين مليون طن بنك اب يوم واحد علشان يشتري ارض وسلامتكم
من ارتفاع الاسعار