كذب وعدم مصداقية xcite.com/shop-online

[zinger]

كذب وعدم مصداقية xcite.com/shop-online​

مراوغة وعدم المصداقية​

هذه قصتي ويا الغانم أون لاين​

رحت معرض الغانم بحولي شارع تونس وبغيت أشتري تلفزيون led أي تلفزيون سعره رخيص مع ستاند للطوف ​

المهم البائع نصحني بتلفزيون سعره 136.5 د.ك تقريبا من غير الستاند ومع الستاند 165 د.ك​

وللأسف التلفزيون متوفر فقط عن طريق اكس سايت الغانم اون لاين وإضطريت أن أرجع البيت وادخل الموقع واخترت التلفزيون وشريته ودفعت عن طريق الكي نت وحسب ما قرأت وفهمت أن التوصيل خلال 48 ساعه من وقت الشراء وهذا حصل فجر يوم 01/07/2013 ​

المهم ثاني يوم دقيت على خدمة العملاء 1803535​

للتأكيد على عملية البيع ورد على الموظف وقال لي خلاص التلفزيون يوصل خلال 48 ساعه ​

وحاولت استفسر منه قال لي عفوا هذه سياسة الشركة وخصه الأون لاين​

المهم دقيت مرة ثانية عليهم وحبيت بس أتأكد من وقت التوصيل والتركيب لكن الموظف خدمة العملاء رد على وقال لي أن لمن بيطلعون لك بيتصلون عليك​

شكرا ومع السلامه​

الو لو سمحت أخوي بس انا حاب اعرف الوقت ويقاطعني بدفاشه أكثر ويقول لي ماعندي خبر ويا أفندم همه حيتصلوا فيك وأنهى المكالمة​

المهم مر 48 ساعه وما وصلني اتصال ​

ويوم 03/07/2013 تلقيت اتصال في تمام الساعة 4.00 عصرا من موبايل ورديت عليه وطلع فلبيني وكلمني باللغة الإنجليزية فلبينية وفهمت منه أنه يبي العنوان علشان التركيب المهم رحت البيت وتفاجأت أن عامل التركيب وصل معاي بنفس الوقت ومعاه فقك الستاند الطوف وسألني وين التلفزيون اللي بتركبه هههههه وانا ضحكت وسألته وين التلفزيون ​

قال ليليش التلفزيون مو عندك والمهم اتصل وأستفسر من الشركة وقالو له ان التلفزيون باجر يوصل يعني أفهم أنه الشركة أخلفت بالوعد وصار التسليم بعد 72 ساعه ​

أو ثلاث أيام وليس يومين​

وأتصلت وحاولت أكلم موظف خدمة العملاء وقال لي باجر يوصلك التلفزيون وعذرا على الخطأ اللي حصل وقلتله أسمحلي كنسل عملية الشراء وعلطول قال لي أوكي خلص الحين ارسل ايميل للأون لاين وألغي لك عملية الشراء وسألته وفلوسي متى ترجع لي قال لي من يوم الألغاء من أسبوعين الى 3 أسابيع وكل ماأتصل فيهم يقولون لي أخوي أطمن وفلوسك رح تنزل لك بالحساب حسب عملية الشراء​

المهم اتصلت مرة ونفس الأسلوب السئ​

ونفس الرد​

وعقب اسبوعين اتصلت ورد على الموظف نفس الأسلوب​

ونفس الرد أخوي الفلوس خلال اسبوعين او ثلاث تنزل بالحساب​

المهم ووصلت للأسبوع الثالث​

ووصلت قبل العيد بكم يوم وأتصلت فيهم وكان الرد نفس الكلام​

المهم أخوي أسبوعين من تاريخ الإلغاء إلى 3 أسابيع​

وليوم كتابة الموضوع التاريخ 09/08/2013 لم ينزل شئ في الحساب​

ودخلنا العيد ووعيدنا كل عام وانتم بألف خير​

وهذا وجه الضيف ​

يعني مافي مصداقية وكذب وأنا أشوف أن نصيحتي لكم أن لايتم الشراء معهم عن طريق الكي نت​

ومن الأفضل الشراء مباشرة من أي معرض​

وأنا أنصحكم بشركة يوريكا تعامل وكفالتهم أفضل بوايد .​

عموما أتمنى أن يتم نشر الموضوع للجميع للفائدة واللي يحب يستفسر أكثر ممكن عالخاص وعندي كشف الحساب والفاتورة ومايثبت بعدم مصداقية هذه الشركة .​

​