شركة الدار الوطنية للعقارات ش.م.ك مقفلة ( أدنك ) .

[adany2005]

أدنك

نصيحه امسكو ادنك ترى رايحه

اخوي الظاهر توك يديد على ادنك
تراها عندنا من العام لوعت جبودنا
والله يسمع منك
بس نتمنى انها رايحه فوق حق السماء
مو رايحه تحت حق ابليس (
والمعذره ترا من حرة ما فيني
مو باقي الا شويه تبريد وتلقى اسمي من كبار الملاك

 

[ثقب الاوزون]

امبركو adany2005

نقيتو عليها وصارت حد اعلى اليوم
خليكم ناقين عليها نبي نشوفها 250

 

[بوعزيز]

انا اعتقد ان السهم راح يكسر إنشالله حاجز 250 بسهولة
وذلك لأن الجمعية العمومية راح تنعقد خلال أيام وخلالها...
راح يعتمد زيادة راس المال...
إنتخاب عضوين جديدين خلفا للذين إستقالوا..

والسبب الأهم للرفع السهم فوق 250 هو زيادة رأس المال...

وبالتوفيق للملاك الجدد....
والله يعين ملاك السهم القدماء أمثالي

 

[ثقب الاوزون]

الظاهر بوعزيز من ربع 400 فلس ؟؟

 

[بوعزيز]

الظاهر بوعزيز من ربع 400 فلس ؟؟

لا والله أنا من ربع 350 وإنت نازل لما وصلت 260 وأنا أبرد
بس ماكو فرق 400 ولا 350

الله يعوض علينا جميعا ومبروك التعليقة وإنشالله دوم جذي

 

[بورش]

بس يوصل 250 وطق طقه فوقه .. بشوت السهم واقووول رووووح الله حسيبك

 

[ثقب الاوزون]

لا والله أنا من ربع 350 وإنت نازل لما وصلت 260 وأنا أبرد
بس ماكو فرق 400 ولا 350

الله يعوض علينا جميعا ومبروك التعليقة وإنشالله دوم جذي

اييييييييييييييييييييييييييييييييييييييييييييييييييييييييييييييييييييييه
بعدني صغير واستعجل علي الشيب

البياض الي بالشعر مو شيب هذا حكم ادنك القاسي

 

[البنجره]

الأخ اداني ردي عليك انا مو يديد انا اشتغل بالسوق يوم كان بيت التميل بتسع دنانير من مدح نفسه يبيله رفسه وكثرت المشراكات الغير مفيده تراها عفسه وكرر لاتبيعون ادنك والراي الأول والاخير يرجع لكم.....؟ وأضاً اذا تبون الخير انشالله ألغووو النظره على لولوه عربي غابضه وما يستفيد ألى كل جرئ وهذي طبيعة أسواق المال.....!

 

[امبركو]

امبركو adany2005

نقيتو عليها وصارت حد اعلى اليوم
خليكم ناقين عليها نبي نشوفها 250

حاضرين اخوى (ثقب الاوزون)

افا عليك راح نشتغل عليها تنقنق علشان تعلق كل يوم وتكسر 250 فلس

ومبروكين على التعليقه ،،بس لاتكون تهويشه

والله كريم

 

[المعوشرجي79]

الأخ اداني ردي عليك انا مو يديد انا اشتغل بالسوق يوم كان بيت التميل بتسع دنانير من مدح نفسه يبيله رفسه وكثرت المشراكات الغير مفيده تراها عفسه وكرر لاتبيعون ادنك والراي الأول والاخير يرجع لكم.....؟ وأضاً ( حاط تنوين بعد والكلمة بدلية ) اذا تبون الخير انشالله ألغووو النظره على لولوه عربي غابضه ( تكفا ارحمنا ) وما يستفيد ألى كل جرئ وهذي طبيعة أسواق المال.....!

السؤال الاول صحح ما تحته خط

السؤال الثاني متى بيت التمويل وصل 9 دنانير لا يكون بورصه بلومبيرغ مدرجه واحنا ما ندري ؟

انت ما شفت الي يوصي بالاسهم مصيره مثل مصير باجي الي كانوا يوصون قبل ؟

 

[ثقب الاوزون]

لووووووووووووووووووووووووووووووووووووووووووووول
المعوشرجي الظاهر استاذ نحو .

 

[adany2005]

أدنك

الأخ اداني ردي عليك انا مو يديد انا اشتغل بالسوق يوم كان بيت التميل بتسع دنانير من مدح نفسه يبيله رفسه وكثرت المشراكات الغير مفيده تراها عفسه وكرر لاتبيعون ادنك والراي الأول والاخير يرجع لكم.....؟ وأضاً اذا تبون الخير انشالله ألغووو النظره على لولوه عربي غابضه وما يستفيد ألى كل جرئ وهذي طبيعة أسواق المال.....!

عفوا اخوي الفاضل انا ما قصدت يديد ولا قديم بس اللي قصدته بالنسبه لأدنك ما ودي تأذيك يمكن فيها خير و هذا اللي نتمناه بس السهم لوع جبود العالم
وتقدر تسأل الاخوه الافاضل من امنه و بو عزيز والمعوشرجي الى باجي الضحايا هاليومين
و فعلا ودنا يرتفع و يوصل نص دينار لكن ما كل ما يتمنى المرء يدركه
و موفق خير انشاءالله

 

[بوعزيز]

خبر موثوق 100%

أدنك راح توصل إنشالله من250 إلى 270 بتاريخ 22-6
يوم الأجتماع والله أعلم...
بس هم مايفيد...

الله كريم العوض ولا القطيعه

 

[امبركو]

خبر موثوق 100%

أدنك راح توصل إنشالله من250 إلى 270 بتاريخ 22-6
يوم الأجتماع والله أعلم...
بس هم مايفيد...

الله كريم العوض ولا القطيعه

الله يعطيك العافيه اخوى بوعزيز على الخبر الموثوق باذن الله

مايخالف المهم تكسر 250 فلس ،ونفتك...!!

والله يرزق الجميع

 

[بوعزيز]

أدري الطريج طويل بعد تو الناس.......

بس نحمد الله وإنشالله نهايه الأسبوع مو أقل من 220

هذي المشاركة كانت 3-6 بداية الأسبوع

إنشالله الأسبوع الجاي هم مو أقل من 240

وإنشالله يكسر 250 العدد الشؤم

 

[الجارح]

ممكن تحلييل لسهم

 

[abo faleh]

صبحكم الله بالخير جميعا واصلتني توصيه قويه على السهم ...

بس مو محدد المده لي . والبيع والشراء ترجعلك انت ؟

<<<<<<<<<<<<<<<<<<<<<<<<<<<<<<<<<<<<<<<

الحمدلله التوصيه اوصلت واعتقد من الممكن انه يكمل مو السبت اعتقد من يوم الاثنين .
والله يرزق الجميع كل خير .

 

[البنجره]

الاخ المعوشر لاصرت ما تدري انا بنفسي بايع بيت التمويل حوالي سنة 1977م في سوق الجت السهم الواحد 9ونص د.ك في سوق الجت اما البيع والشراء يرجع لصاحب السهم ولكننا نسلط الضوء عليه للأنتباه لكي يستفيد الأخوان وليس لي أي مصلحه ومن خاف الخبره لا يسبح في البحر ​

 

[المعوشرجي79]

الاخ المعوشر لاصرت ما تدري انا بنفسي بايع بيت التمويل حوالي سنة 1977م في سوق الجت السهم الواحد 9ونص د.ك في سوق الجت اما البيع والشراء يرجع لصاحب السهم ولكننا نسلط الضوء عليه للأنتباه لكي يستفيد الأخوان وليس لي أي مصلحه ومن خاف الخبره لا يسبح في البحر ​

مشالله عليك شايب اخوي سوق الجت هذا اسم على مسمى صج جت الاسعار عندها متفاوتة تقول قاعدين بسوق الجبرة تدري عقارات الكويت بسوق الجت كانت فوق 5 دنانير

 

[BOSS-74]

مشالله عليك شايب اخوي سوق الجت هذا اسم على مسمى صج جت الاسعار عندها متفاوتة تقول قاعدين بسوق الجبرة تدري عقارات الكويت بسوق الجت كانت فوق 5 دنانير

القيمه الاسميه للسهم كانت دينار لما الاخ باع بيتك ب 9 دنانير

واحد من الربع (شايب ) يقول :- انه باع اسهم السينما ب 120 دينار للسهم كانت قيمتها الاسميه 10 دنانير

الشركات الكويتيه بالستينات كانت قيمتها الاسميه 10 دنانير
وتجزء بعضها الى دينار بالسبعينات

لكن بعد ازمه المناخ تجزؤو الى 100 فلس للغالبيه

والله اعلم