ليش كل هذا الخوف من 16 -6

[9اوربيه]

السلام عليكم
أنا مستغرب كل هذا الخوف من تاريخ 16-6 وهو حكم المحكمه الدستوريه
ليش كل هذا البيع والنزول للأسهم والله في ناس قاعده تخوفكم علشان تاخذ اسهمكم بسعر التراب والله راح تندمون على تفريطكم لها
أنا اعتقد بأن الحكم راح يكون تحصين الصوت الواحد مع بطلان هذا المجلس والرجوع الى صناديق الانتخابات
ما اعتقد راح تكون في مشاكل بعد هذا الحكم وحتى إن وجدت راح تكون بسيطه وعاديه وإن شاء الله راح نتجاوز هذه المشاكل

وراح يرجع السوق افضل من السابق

 

[S.E INVESTOR]

أخوي مشكور على طرح الموضوع ،،،
بخصوص النزول فهو بسبب أكثر من موضوع :
1 - صعود السوق بشكل سريع وقياسي على أسهم شركات أغلبها عفنه وبعضها (القليل) جيدة
2 - عدم تصحيح السوق بتاتا ً
3 - تويتر وعمايله !
4 - المحكمة الدستورية

 

[9اوربيه]

أخوي مشكور على طرح الموضوع ،،،
بخصوص النزول فهو بسبب أكثر من موضوع :
1 - صعود السوق بشكل سريع وقياسي على أسهم شركات أغلبها عفنه وبعضها (القليل) جيدة
2 - عدم تصحيح السوق بتاتا ً
3 - تويتر وعمايله !
4 - المحكمة الدستورية

أولا مشكور إخوي على ابداء وجهة نظرك هاهاهاها حلوه ابداء هذه صرت مؤدب بعد خسايري المفجعه وهم حلوه المفجعه هاهاها
بشتهد برد على النقاط التي ذكرتها:-
1-التصحيح طال جميع الاسهم سواء التى صعدت أو التي لم تصعد وهذا في ظلم
2-جميع الاسهم طالها النزول سواء الممتازه أو العفنه
3-التويتر موجود بعز الارتفاع ولكن لماذا الان النزول
ولكن السالفه والله متعمده لتخويف الفقاره المساكين

 

[الراقي]

السوق نازل في المحكمة اوغيرها وهذا شيئ طبيعي بعد صعود طيب ولكن حنا متعودين على نظرية المؤامرة وتعمد بأنزال السوق هذا كلام غير صحيح
تخيل انت مشتري بسهم كان بعشرين فلس وصل مية فلس واكثر يعني ربحك ٥٠٠٪ يعني علشان تحقق هذا الربح من وديعة بيت التمويل لا زم مية سنة الله يرزقك طولت العمر والعمل الصالح
وموضوع توتر والمحللين ارجو من الجميع التعامل معه نفس الروايات الأسرائيلية لا تصدقها ولا تكذبها فقط لأستأناس بها

 

[9اوربيه]

يا خوي إذا انت استفدت الله يزيدك إن شاء الله
ولكن في اسهم ما صعدت وأيضا نزلت نزول مروع
في شيء والله مو طبيعي قاعد يحصل في ناس تتعمد ترعب الناس بهذا الشكل

 

[سرور]

مافيه خوف ..
الخوف انه يطيرون بالاسهم ويخلون الناس تطالع

 

[المقاتل]

7,777 الوعد عند هالرقم وهى نسبة 23 فيبوناتشي

وان كسره

7,371 وتكون هذي نسبة فيبوناتشي 38

 

[المقاتل]

كثر ما ينزل السوق كثر ما راح ينطلق بقوه للاعلى

 

[Aljoman]

الكثيرون يترقبون حكم المحكمة الدستورية في 16/6/2013 لاتخاذ قرارات بشأن البورصة ​

ونحن نرى أن الحكم أياً كان لا يغير أي شيئ بالبورصة جوهرياً ​

 

[نواخذة الكويت]

السوق نازل في المحكمة اوغيرها وهذا شيئ طبيعي بعد صعود طيب ولكن حنا متعودين على نظرية المؤامرة وتعمد بأنزال السوق هذا كلام غير صحيح
تخيل انت مشتري بسهم كان بعشرين فلس وصل مية فلس واكثر يعني ربحك ٥٠٠٪ يعني علشان تحقق هذا الربح من وديعة بيت التمويل لا زم مية سنة الله يرزقك طولت العمر والعمل الصالح
وموضوع توتر والمحللين ارجو من الجميع التعامل معه نفس الروايات الأسرائيلية لا تصدقها ولا تكذبها فقط لأستأناس بها

السلام عليكم ... تسلم أخوي الراقي على طرحك الجميل وبصراحه نفس اعتقادي وتفكيري شبااااااااااااااااااااااااااااااب السوق صاعد تقريباا 2600 نقطه من الطبيعي يصحح
ومو اتقولي 400 صحح حتى لو يصحح 1000 نقطه مو انت بالجيب عندك ارتفاع 1600 نقطه فماني شايف أي فاجعه بالأمر وأخوي 9 أوربيه الأسهم اللي ما تحركة من ردى صانع
السوق مالهاا وتفكيره المحدود ولا مشاريع ماكوو مناقصات ماكوو شغل ماكوو يا أخي ضارب ابسهمك وخل الناس تربح وتستفيد معاك
وبالنسبه حق اللي شرى يوم السوق صعد 8400 وينك يوم كان السوق 8000 ووينك يوم كان السوق 7500 و و و الخ يوم اشربت امروقهاا دخلت ترى محد يصعد السلم من النص
حلاته من أول ادريه ولا راح يطيح ... والطمع أهوو اللي خله أكثر المتداولين يخسرون وهذا سوق أواق ماليه ( ما في يمه أرحميني )
آسف وسامحوني على طرحي للموضوع لاني كنت في قاسي بس والله علشان العموم ينتبه وكون حذر
والله يرزكم يا رب ويبارك لكم بعيالكم ... أخوكم بويوسف

 

[9اوربيه]

كثر ما ينزل السوق كثر ما راح ينطلق بقوه للاعلى

عين العقل يا الجمان
ولكن في ناس تحاول توهم البشر بأن الحكم ممكن يخسف بالبورصه ولكن هذا الكلام غير صحيح

 

[faisel 2]

يبون ينزلونه مو لاقين سبب...

 

[اللمبى]

الناس تعودو علي الغدر في سوق الاسهم
في سوق بالعالم من حد ادني الي اعلي خلال ساعه بدون اي سبب سوي اللعب بفلوس الناس
وهيئه سوق المال استبشرنت خير بوقف التلاعب ولكنها بدت كلاعب معهم
اسهم تتوقف بدون محاسبه مجلس ادارتها ويعاقب المساهمين بايقاف اموالهم
بالتاكيد الناس بتخاف ليس من المحكمه فقط ولكن من الناس اللي ماتخاف الله

 

[9اوربيه]

يبون ينزلونه مو لاقين سبب...

والله يبتها ييب

 

[رابح رابح]

شكرا للاخ الراقي علي الموضوع
التصحيح تحول الى انهيار مصطنع بسبب :
- التصريحات الاعلاميه ومشاركات التويتر المبالغ فيها التي اثارت الذعر بين المساهمين واوحت لهم بقدوم انهيار
- الاشاعات والمحكمه الدستوريه ورمضان وعطلة الصيف وانخفاض السوق الياباني
- خروج المضاربين من الشركات التي تضخمت اسعارها وخاصة الخاسره والضغط على السوق للتجميع مره اخرى باسعار رخيصه وتكرار المأساة السنويه بالسوق

 

[فوريو]

نعم موعد عادى وليس له اثر حكم قضائى دستورى اما صوت والا صوتين والا 4 وين المشكله
راح يصدر حكم والناس تتوجه للانتخابات ولا فيه شئ غير طبيعى ... بس يبون حجه للتصحيح

 

[عبدالعزيز34]

ملاحظه مهمه جدا للجميع - انا لما ادش بمحفظه راسمالها 10 مليوون دينار وتحقق لي ارباح جدا ممتازه تقريبن 40 بالميه في فتره وجيزه ماتتعدى شهرين هل تعتقدون مابيع ؟ بل بالعكس ابيع وغني وشنو اغني - يبا هاذا ســــــــــــــــــــوق مو لعب هاذا سووق فيه ربح وخساره - الفرق بين اللى يدش السووق ب 10 الاالف واللى يدش السووق بعشره مليوون اكثير جدا الفرق ان ابو 10 مليوون يبيع اذا حقق 40 بالميه وتبين معاه مبلغ وقدره اما بو عشرة الاالف يطمع يبي ربح 1000 ب 1000 وأخر شي يدششونه القفص وياخذوون منه العشره بالاخـــــــــــــــــــــــــــــــــــير القنـــــــــــــــــــــــاعه كنــــــــــــــــــــــــــــــــــــــــــز قليل من يتخذها قاعده في حياته -

 

[سرور]

الشيء اللي معجبني وين المستثمر الأجنبي ؟!
طلع كله كلام فاضي

 

[الراقي]

الشيء اللي معجبني وين المستثمر الأجنبي ؟!
طلع كله كلام فاضي

ههههههههههههههه مالك شغل بكلام تويتر
يقول لك اموال من النيروج وقبرص ههههههههههههههه

 

[abu_fahad]

اللعب علي وتيرة حكم المحكمه الدستورية بتاريخ 16/6 أهي لعبة المضاربين واعبه سخيفه لتصريف الأسهم والمضاربه واللعب نفسيا بالماداولين بهذا العذر ؟؟ حكم المحكمه ليس له تأثير علي حالة البورصه والشركات ؟؟ معظم الشركات طلعت من مستنقع الخساير وبدأت بتحقيق الارباح الفعليه وتأسيس مبدأأ الشفافيه وهذا شي طيب لسمعة الشركات الكويتيه ووضع السوق الكويتي ، حكم المحكمه الدستوريه مهم جداا للشعب الكويتي كافه سياسيا وأجتماعيا ومستقبل دولة الكويت الديمقراطي والسياسي مرتبط بنتيجة هذا الحكم ؟؟؟ أرجوا واتمني أنه المحكمه الدستوريه تقف موقف المحايد لمصحلة الكويت وأن لا تميل لأي كفه ، مستقبل الكويت والاستقرار السياسي والأجتماعي والأقليمي بحكم المحكمه ، والله يحفظ الكويت وشعبها من كل مكروه