36% في 6 أشهر ؟؟؟

[OKAY]

OOOOO

أدنى مستوى للمؤشر السعري كان في 4 نوفمبر 2012.
.
أي قبل 6 أشهر ... بالتمام و الكمال!
.
من ذاك التاريخ إرتفع المؤشر 2065 نقطه .. ما يعادل 36 % من أدنى مستوى له !
.
كم واحد تعرفونه ...استفاد من هذا الإرتفاع ؟
.
شنو مبررات هالارتفاعات اليوميه ... اللامتناهيه !
.
المشكل إنه إلي قاعد يقود السوق حاليا هم الزوري ... و ليس العكس ..و هو الصحيح !!
.
شنو السر في الشركات الصغيرة ..إللي خلاها فجأه تحوي كنوز سليمان و يوجب شرائها !!
.
إترك عنك كلام "سيوله داخله من العقار" بسبب التشبع هناك ، أو من "ودائع بنكيه" تم تسييلها بحثا عن عائد أفضل.
.
و من هم اللي يملكون العقار و الودائع غير كبار التجار! و لا تاجر كبير أعرفه قالي رجعت للبورصة.
.
في منهم من إشترى أو استثمر في أسهم البنوك أو كبرى الشركات, لاقتناص توزيعة 2012 !
.
غير كده ماكو!
............
هل للارتفاع الصاروخي هذا مبررات ...على أرض الواقع ؟
.
أم نفخ متواصل من قبل نفس الأطراف إلي كانت وراء إنهيار السوق في السابق !!!
.
أم إنه المحرك الفعلي ...أطراف حكوميه و شبه حكوميه تسعى من خلال هذي القفزات العموديه للمؤشر
.
صرف الانتباه عن ما يجري على الساحه السياسيه و الاقتصاديه من تفكك و تفتيت للقوى الوطنيه
.
و التخطيط (لا حسيب و لا رقيب) لسرقات العصر!
.
الله يستر !

OOOOO

 

[Fierce]

انا ما استفدت​

 

[سالم علي علي]

الله الله الله ونعم بالله

 

[مضارب قديم7]

اخوي السوق اتشبع انخفاض من اسنين فطبيعي يرتفع ---اما الي يملك عقار او وديعه موشرط ايكون من كبار التجار -- انت عارف انه نص المستثمرين العادين الي اتركو السوق بالفترات السابقه ارجعو للسوق بالوقت الحالي ---- وان قلنه في دعم حكومي للسوق فهشي موسلبي بالعكس ايجابي والكل كان ايطالب الحكومه بدعم السوق -- اما شغلة مايجري علا الساحه السياسيه -الحمدلله الكويت بخير ومافيها اي معضله سياسيه -- تقدر اتسميها مطبات سياسيه -- الحمدلله الكل راضي بحكام الكويت ولله ايديمهم --ووضعية الكويت السياسيه باسوء الاحوال افضل من بلدان اخرى --

 

[adelj2000]

بعد باقي 40% ورجع راس مالي ان شاء الله

 

[ستوب لوز]

موضوع جميل جدا جدا ، مشكور يا اخوي على ملاحظتك،انا اتفق معاك في انه فعلا الاسهم اللي تحت ال ١٠٠ فلس تحديدا اهي اللي تتحرك بالمقابل قطاع البنوك والاتصالات وباقي الشركات الكبرى تداولهم في نطاق محدود يمكن استثني اجيليتي،الغريب اكثر ان السيوله فوق ٩٠ مليون على الاسهم الصغيره

 

[OKAY]

اخوي السوق اتشبع انخفاض من اسنين فطبيعي يرتفع ---اما الي يملك عقار او وديعه موشرط ايكون من كبار التجار -- انت عارف انه نص المستثمرين العادين الي اتركو السوق بالفترات السابقه ارجعو للسوق بالوقت الحالي ---- وان قلنه في دعم حكومي للسوق فهشي موسلبي بالعكس ايجابي والكل كان ايطالب الحكومه بدعم السوق -- اما شغلة مايجري علا الساحه السياسيه -الحمدلله الكويت بخير ومافيها اي معضله سياسيه -- تقدر اتسميها مطبات سياسيه -- الحمدلله الكل راضي بحكام الكويت ولله ايديمهم --ووضعية الكويت السياسيه باسوء الاحوال افضل من بلدان اخرى --

OOOOO


ما كو شيء إسمه طبيعي إنه يرتفع.
.
كل ارتفاع له مسبباته المنطقيه.
.
خلك من السياسة و شاوئبها.
.
أيش تغير - على المستوى الاقتصادي و المالي - للبلاد و العباد حتى يناقز المؤشر في العلالي كل يوم !
.
بالعكس ...أشوف في بوادر اختناق و تضييق على خلق الله في المستقبل الغير بعيد.
.
مثل الحديث المزمن عن عجز إأكتواري في المستقبل ..غير التطرق لمسألة رفع / فرض رسوم على الخدمات.
.
غير الكلام المستحي ...عن الحاجة لفرض الضرائب .
.
اراهنك إنه راح يسوونها ..لكن مو ألحين ...لأنه حده مو وقته.
.
ثمنها السياسي يكون جدا باهظ على الحكم.
.
و هذا أخر ما نتمني جميعا حدوثه !
.
تقول مو شرط كبار تجار ..زين منو يحرك السوق إلا الكبار.
.
بعدين الصغار ...للآن منكوبين من كارثة الإفلاس الممتده من ٢٠٠٨ للآن!
.
من وين لهم قروش يحركون السوق !!

OOOOO

 

[AL-3raab_ku]

ارتفاع السوق الكويتي مو غريب اهو نزل نزول قوي

والارتفاع حالياً مو بس بالكويت العالم كله ارتفع الإمارات أسواقهم ارتفعت أكثر من الكويت والداو جونز حقق أعلى ارتفاع بتاريخه

نصيحه اذا سهمك ما ارتفع وبيانات سهمك المالية جيدة امسكه وراح يجيه الدور بالارتفاع

قريباً ١٠٠٠٠ نقطة قبل نهاية العام

 

[عندك سلف]

انا اتوقع ان الاموال اللي داخلة وراها غسيل اموال



واحتمال كبير انها تكون من مصر



باختصار اموال النظام السابق ومن هم حوله

 

[مضارب قديم7]

اخوي لو افترضنا ان الي قاعد يرفع السوق كلها سيوله حكوميه هل هشي غلط مع قناعتي انه اغلب السيوله بسوق حاليا لصغار المستثمرين وبعض المضاربين والمحافض = مع وجود دعم حكومي بسيط --هل هشي غلط -- اعتقد الكل ايطالب الحكومه بدعم السوق -- اما مسالة الضرايب والخدمات -- هشي للحين ماتاكدعلا ارض الواقع -- ومسالة رسوم الخدمات شي طبيعي انا شخصيا اقبل الرسوم علا بعض الخدمات مقابل تحسن الخدمات للافضل -- وشوف اغلب دول الجوار قيس علا دولة الامارات وشوف الفرق -- مع تحفضي علا الرسوم -- اما الثمن الباهض الي اتقول عنه للحكم --- فماعتقد هشي يختلف عليه اثنين بالكويت --- الحكم مساله متفق عليها الشعب كله

 

[عجبي]

اللي مايبي السوق يتركه

 

[الفارس الجسووور]

شكلك من اللي ما استفادو من الصعود عشان جذيه زعلان ,,,,,يبه نزول اسهم كثيره ماكان لها مبرر ومثل مافي نزول غير مبرر بيكون في صعود غير مبرر ومعظم الاسهم الرخيصه اللي صعدت و اللي تتكلم عنها برغم صعودها الا انها لمى تصل لقيمتها الاسميه الطبيعيه اللي اكتتب المساهم فيها اللي يسمعك الحين يقول السهم انطلق من 20 فلس و صار بدينار

 

[oryx]

الرازق في السماء و الحاسد في الارض،اللي قلبه معوره على ما يسمى بالحراك السياسي و تفتتهم يروح يشد من ازرهم و يخلي اهل السوق يجابلون حلالهم اما اللي طافه الصعود ترى يمديه و البورصه دوره اقتصاديه وصلنا لذروة النزول و قاعه اليوم من الطبيعي يكون في زخم و شراء بل بالعكس الزخم تاخر و السبب السياسين و احداثهم و الحمدالله اللي افتكينا منهم

 

[faisel 2]

ومتى جني الارباح تتوقعون

 

[جوني مار]

​

علشان تتعدل ميزانيات البنوك وشركات التمويل لازم تتعدل اسعار الشركات​

​

الصغيره وحل مشاكل الشركات المتعثره ,,​

​

والحكومه اعطت الضوء الاخضر للبنوك عن طريق البنك المركزي لحل​

​

مشاكل هذه الشركات وابداء مرونه في تسهيل امورها الماليه ,,​

​

صعود السوق مستحق والدور جاي على جميع الشركات والبنوك ولا يمكن​

​

تجاهل الامور السياسيه الداخليه والخارجيه وتأثيرها ايجابا وسلبا ,,​

​

​

 

[egyptian869]

باحكيلك سالفه وانت قولى شنو رأيك .. من شهرين بالظبط شريت 100 الف صكوك ب 48 جان ابيعه ب 56 .. لو كنت صبرت ل 120 كان زمانى دبلت مرتين بس غيرى صبر .. شلون تقول السوق ماحد ربح منه ؟؟ و منشآت ؟؟ التخصيص المستثمرون منازل صفاه عقار ... اذا انت ما عرفت تخرج بارباح ولو بسيطه اذن المشكله فى وقت دخولك وخروجك من السهم.

 

[مضارب قديم7]

باحكيلك سالفه وانت قولى شنو رأيك .. من شهرين بالظبط شريت 100 الف صكوك ب 48 جان ابيعه ب 56 .. لو كنت صبرت ل 120 كان زمانى دبلت مرتين بس غيرى صبر .. شلون تقول السوق ماحد ربح منه ؟؟ و منشآت ؟؟ التخصيص المستثمرون منازل صفاه عقار ... اذا انت ما عرفت تخرج بارباح ولو بسيطه اذن المشكله فى وقت دخولك وخروجك من السهم.

ولله اخوي كلامك كله عدل -- في ناس اخسرو اكثر من 70 من راس مالهم وعوضوه -- يبقا الشغله شخصيه تخص التوقيت ----

 

[boss77]

الظاهر انك من ربع الحراك السياسي ومغسول مخك من افكارهم وكلامهم الفاضي اولاً لو انت موراضي عن الضرائب في ناس راضيه وتبي خدمات ممتازه مقابل فرض الضرائب بالمستقبل البعيد والضرائب ركن اساسي من عوامل مقومات الاقتصاد ثانيا اذا انت مو ربحان من السوق تري الاعضاء المبطلين الي كانوا سابقاً كلهم بالسوق وقاعدين يطلعون خير ونصهم عندهم عقارات وشركات بره الكويت وعندهم خير بالسوق ويشتغلون بالسوق شغل عشر سنين جدام بال٦ اشهر الي طافت ..انا اقول اشتغل بالسوق ولو تعرف واحد من اعضاء الاغلبيه المبطله خل يوصيك علي سهم تدوبل فلوسك بدل هالتذمر والتحلطم

 

[AL-3raab_ku]

يا جماعه اسواق العالم كلها صاعدة صعود قوي مو بس الكويت ليش الخوف

الحمدلله الحين استقرار سياسي ورغبة في انطلاق حقيقي للتنمية

رأيي الشخصي السوق عنده ارتفاعات قوية في القادم من الأيام والله يرزق الجميع

في أسهم جيدة ومتوقع لها صعود طيب
الرابطة
الانماء
ليست دعوة للشراء
بس توقع شخصي

 

[الوحيد 1974]

انا اتوقع ان الاموال اللي داخلة وراها غسيل اموال



واحتمال كبير انها تكون من مصر



باختصار اموال النظام السابق ومن هم حوله

!!!!!!!!!!
.