موقع البورصه الكويتيه لايعمل منذ 3 أيام والله عيب

[الفارس الجسووور]

معقوله مايمر شهر الا وموقع البورصه الرسمي لدولة الكويت مخترب والله عيب

 

[عجبي]

معقوله مايمر شهر الا وموقع البورصه الرسمي لدولة الكويت مخترب والله عيب

هم اعطوا خبر قبل ما يحجبون الموقع وكتبوه باللغة الانجليزية
ان الموقع عليه صيانه .. اتوقع راح يرجع بعد فترة قصيرة

 

[Now]

حطوا اعلان الاربعا والخميس على الصفحة الرئيسية للسايت ان راح يكون تحت الصيانة هالعطلة

 

[الفارس الجسووور]

يا جماعه فعلا انا ماعندي خبر انهم بلغو عن الحجب للموقع ولكن شنو هالموقع اللي كلف ملايين وكل اسبوع مخترب ويبيله صيانه هذا اللي يقهر

 

[Aljoman]

للأسف ، الاستهتار في بلدنا في كل شيء ، ولا حول ولا قوة إلا بالله العلي العظيم.​

 

[سهم الغرام]

الله يبارك لنا وياكم

 

[نواخذة الكويت]

السلام عليكم ... اشفيكم شباب مو شرط ان يخترب علشان يسوله صيانة
الوضع طبيعي وما في شي وان شاء الله ( ما ننقد على كل شي )
وزين سوو خلوا اعصاب المتداولين ترتاح جم يوم
بالتوفيق للجميع يا رب

 

[الفارس الجسووور]

السلام عليكم ... اشفيكم شباب مو شرط ان يخترب علشان يسوله صيانة
الوضع طبيعي وما في شي وان شاء الله ( ما ننقد على كل شي )
وزين سوو خلوا اعصاب المتداولين ترتاح جم يوم
بالتوفيق للجميع يا رب

اخوي تقول مو شرط يخترب عشان يسوله صيانه !!!!! ماني فاهم الحقيقه يعني الصيانه تصير متى ؟؟؟ بعدين في ناس ما تتابع البورصه اثناء التداول بحكم ظروفها المتنوعه ويكون يوم الاجازه او بعد الظهر فرصه لمراجعة تداولات اسهمها ودارستها كل واحد حسب وضعه وشنو هذا الموقع الحكومي اللي كل يوم والثاني مسكرينه بسبب او بأخر, انا بحياتي ماشفت موقع لاي كيان رايح فيها نفس موقع البورصه الكويتيه حتى جداول الاوامر مصخره بعد الاقفال تشوف اسهم معروضه بسعر واهي مطلوبه بسعر اعلى وبالعكس يعني ما تعرف كوعك من بوعك .... لا والمصيبه يقولك الموقع مكلف ملايين الدنانير .. طيب هل انت تشوف هذا الموقع بشكله الحالي يتناسب مع الملايين اللي انصرفت عليه ؟؟؟؟؟ يجماعه مافي رقيب ولا حسيب والملايين مطشره بدون اي سبب طيب وين الادراه عن الاخطاء والعيوب اللي بالموقع معقوله ماشافو جدول الاوامر بعد الاغلاق !!!!! طيب كل مواقع الشركات المختصه للاستثمار والتداول بسوق الكويت مواقعها مافيها مشاكل مع انها شركات اهليه ومافي شك ان امكانتيها الماديه اقل بكثير من امكانيه البورصه ومع ذلك ما عندهم مشاكل نفس موقع البورصه والله عيب

 

[نواخذة الكويت]

مو شرط انكون متفقين ... بس أهم حطوا اعلان الاربعاء والخميس يعني عطوكم ( تنبيه ) ومردهم يردونه قبل ما تنتهي العطلة شنو الضجر بالموضوع
على كل حال وجهة نظرك وعلييي اني احترمهاا تحياتي لك
والله يجعل أيام الكويت كلها أعياد وفرح على أهل لكويت قولوا آمين

 

[bo-rashed 2]

اي ماخذ اجازه الموقع ويبي يرتاح شوي

عاد من زين الموقع ولا من زين خدمتهم

 

[مجد 91]

اي ماخذ اجازه الموقع ويبي يرتاح شوي

عاد من زين الموقع ولا من زين خدمتهم

اي والله .. كان الموقع القديم اللي شاشته لونها اصفر واسعاره فوريه
افضل من هالحين ..
شوف اشلون الناس تتقدم واحنا نتاخر وقمنا ندور على القديم صج اللي ماسكينها ما يدرون وين الله حاطهم وموعارفين
احتياجات المتداولين.

 

[waham]

اسعد الله ايامكم ..
نعم قالو بالعطله بنسوي صيانه ..
ولكن للتذكير ايضا .. توه الناس هذي المرحله الثالثه .. وجدامكم سبع مراحل للصيانه ..
ها وللعلم .. يمكن يضبط وياهم خوش اكستريم هههههه .. لا طبنا ولا غدا الشر ..
بالتوفيق ..

 

[bo-rashed 2]

عشر شهور وماخلصو مراحلهم طاح حظهم

حتى شاشة السوق اللحظيه ماخلصت

 

[Aljoman]

للعلم ، بأن النظام الجديد مكلف مابين 18 و 20 مليون دك ... إنا لله وإنا إليه راجعون ​