الزوج المثالي
الانديه وبعد مباراة تنس ذهب اللاعبان لتغير ملابسهم وفى غرفة تغيير الملابس رن الموبايل فأجاب احدهم وكان الحوار التالى
الرجل- الو؟
الطرف الاخر - الو يا حبيبى انا مراتك انت فى النادى لسه؟
الرجل -ايوه
الزوجه - كويس انا فى المول جنبك بكام شارع يعنى على فكره انا لقيت جاكيت جلد حريمى بس تحفه عايزه اشتريه
الرجل - وماله هوه بكام
الزوجه - مش هتصدق !! ب 3 الاف جنيه بس
الرجل - ماشى اشتريه عادى
الزوجه - طيب حبيبى قبل ما ادخل المول عديت على توكيل مرسيدس وشوفت الموديل الجديد بتاع 2005 بجد يهبل المندوب اقلى على سعر جميل جدا وانتعارف احنا عايزين نغير الbmw اللى اشتريناها السنه اللى فاتت
الرجل - وماله هوه السعر كام
الزوجه - 2 مليون بس
الرجل - خلاص اوكيه اشتريها
الزوجه -ماشى يا حبيبى بس فى حاجه قبل ما اقفل معاك
الرجل- خير
الزوجه- فاكر الفيلا اللى كنا عايزين نشتريه السنه اللى فاتت بس اتباع لناس تانيه؟؟ اللى فيه حمام سباحه كبير
النهارده لقيته معروض للبيع عديت على البنك ولقيت رصيدك يكفى تمن الفيلا
الرجل- هيه الفيلا بكام
الزوجه- تقريبا 5 مليون
الرجل - خلاص اشتريها
الزوجه- ميرسى يا حبيبى يلا مش عايز حاجه؟
الرجل - شكرا
الزوجه - مع السلامه
وبعد انتهاء المكالمه رفع الرجل يده وبها الموبايل قائلا
موبايل مين ده؟؟؟؟
