المشورة لسهم المخازن

[الرزق علـى الله]

رسالة الى كل من يملك اي خبر او معلومة عن المخازن الرجاء موفاتنا عنها حيث انني اتخذت قرار اني احط الى عندي كلة فى المخازن وبريح خمس شهور ..ومن خلال متبعتي للمخازن لحظت ان السهم يكون فى عز الصعود خلال هذا الوقت يعني قبل اجتماع مجلس الادارة بالكثير 3 شهور وعلى حد علمي ان انعقاد مجلس الادارة راح يكون شهر4 ... يعني هل توافقونني بالراي؟؟؟؟

 

[الرزق علـى الله]

رسالة الى كل من لدية معلومة او خبر عن الشركة حيث انني قررت اني احط الي عندي كلة في الشركة وريح الى ان يعقداجتماع مجلس الادارة ومن خلال متابعتي لحركة السهم اخذت فكرة ان بداية مسيرة الصعود تكون قبل انعقاد مجلس الادارة ب3شهور الا اذا كان فية شي بالخفاء والخوف كل الخوف ان يعملون حركة وتطلع نسبة الاراح تفشل ؟؟؟ هل توافقوني الراى ام هي مجازفة انا اشوف ان السهم بالحظيظ او هل فية نزلة بعد

 

[راكان 77]

والله ياخوي زين ما اتسوي واتريح بالك
ونعم سعر المخازن بالحضيض وله مستقبل واعد جدا
ويعني سهم واضح وضوح الشمس ولاغبار عليه
وتوكل علي الله يا اخوي الرزق علي الله

 

[العوضى]

توكل على الله , بس الأفضل تنوع الشركات , ولا تحطهم بسله وحده , المخازن مستقبلها طيب , بس يبيلها شوية صبر , واحتمال كبير السهم ماراح يقل عن
3800 قبل الجمعيه العموميه للمخازن , بالضبط حسب الموعد اللى انت حددته , توكل على الله , ورمضان كريم

 

[راكان 77]

اخوي الرزق علي الله ارجومنك تعديل نكك لانه
فيه غلط في لفظ الجلاله الله باه وليس باة المربوطه
وجزاك الله خير

 

[شغل عدل]

سهم شركه مخازن ثقه ومامنه اي تخوف وباذن الله نلاقه باسعار اعلى من اسعاره الحاليه وعندي ملاحظتين
1ـ المخازن طبيعي يصيرعليها ضغط لان كميات بالسوق كبيره وخاصه بعد توزيع اسهم الزياده
2ـ عقود المخازن للحينها ماطلعت من وراها مخازن اي ارباح وبس تطلع هالارباح بتشوف الخيركله انشالله

 

[الاسطوره]

فالك طيب يا المخازن

اخوى العزيز زين ما سويت اشتر ذهب تربح ذهب السهم قوى ومن الاسهم المميزه والشركه قابله على مشاريع مليارديريه بجميع انحاء العالم من خلال فروع الشركه التى اشترتها المخازن لاحقا00
المهم السهم بين 4500 وال5 قبل الجمعيه العمويه عند التوزيع 00
والله يوفقك يا ( صاحب السهم الذهبى )

 

[الزايرالفيلكاوي]

والله ياخوك اللي بتسويه عين العقل لان السهم حده ممتاز وطايح بالقاع
وواضح الضغط على السهم يبون الناس تبيع اللي عندها عشان يصعدون
بالسهم فوق وا\ا على قولتك انت مو من اللي يعورون قلبهم صعد السهم
ولا نزل كل يوم لا والله توكل على الله ودربك خضر والله يرزقك الحلال .

 

[متابع قديم]

لاتحط فلوسك في سلة وحده

جرب سهم ثاني معاه

لان المخازن حاليا في
نمو نمو نمو نمو نمو

ثم الانفجار

ومتى يجي اخر النمو محد يدري

 

[الرزق علـى الله]

اشكر الجميع على النصح والافاددة والله يوفق الجميع للخير

 

[طالب العبدالله]

اخوي لا تحط البيض كله بسله واحده , وزع استثماراتك , على الرغم من ان سهم المخازن خوش سهم بس يبيله صبر ومن صبر نــــــــــــــــــال

 

[ابوسلمان]

سهم المخازن سهم فوق الممتاز وراح تجني ثماره وزياده بعد انشاالله لكن اذا تبي ربح مضبوط الله يعينك على اقل شي سنه قدام او اكثر بشوي معناتها راح تاخذ الارباح وتنطر جذيه اوكي ولازم نقول الله اعلم بالنهايه

 

[وطني حبيبي]

السلام عليكم
مشاركة بسيطة السهم ممتاز وعليه إذا الإغلاق - 2.780 - إشارة نزول وإذا الإغلاق - 3.220 - إشارة صعود والله الموفق