- ما هو أكبر مسبب لخسارة المضاربة ؟

[المهذب جداً]

.

أنا أشوف كثرة التنقل بين الأسهم!

.

 

[الراقي]

الأشاعات وعدم تركيز وتحديد الهدف لبيع او الخروج بأقل خسارة

 

[Bo_Rashed1]

أظيف على رأيك .. رأي آخر

أنا أوافقك الرأي أخي العزيز ولكن من تجربتي
هو ان المضارب حين يخرج من سهم معين وهو ربحان ,,, ينتقل إلى سهم آخر مباشرة حين يرى ان التداول على السهم قد اشتد من غير تفكير او تحليل مسبق ,, وفجأه يرى انه قد دخل على السهم في مقاومته. (

وبعدها يقعد يكلم نفسه ويبيع بخساره

 

[العلمي]

خبره بسيطه...اقول القناعه بلي لله كاتبه لك والرضى بالربح البسيط فقليل متصل خير من كثير منقطع لذا اقول ارضى يا اخي بربح بسيط خير من ان تجمد اموالك فتره طويله بسبب الطمع (طبعا هذا الراي في حال كان هدفك المضاربه)

 

[Abo_Yousef]

أي والله صدقت التنقل بين الأسهم والمضاربة اليومية !

وخاصة اللحاق بشراء السهم صارلها 4 أو 5 أيام متعلقة !

الشراء على المقاومة قبل كسرها : بسبب ان المتداول شايف ان السهم صاعد صارله أيام ، فيكون <<<<<طعم>>>> حقه !!

البيع على الدعم : من الخوف
( الجرأة ما اتينا في البيع إلا لمن انشوف الوضع صاير عرض من غير طلب !!!
أما لمن يكون على المقاومة وربحانين ، انتزوج السهم وما انهده ! )


أو انك تطلع من اسهم راكده صارلها فترة ، وفيها مقومات صعود كبيرة ، وتلحق السهم الي صاير عليه نشاط وايد

اتلاقي في النهاية خسرت في السهم الجديد الي توك داش عليه
والسهم الأصلي الي كان عندك ، صعد ولا استفدت منه !!


ارهانكم ان أكثر من 50 % منا هل أيام صاير فينا جذي !!!؟

السبب : التــــوصـــــــيـات !!!


أبويوسف

 

[بورصاوي]

في التأني السلامه وفي العجله الندامه
سرعة اتخاذ القرار سواء شراء او بيع .. اكبر خطأ
والصبر حلو

 

[sprite]

طبعا كثر التنقلات بين الأسهم .. خاصة المضاربه الشبه يوميه .

برأيي أفضل طريقة للمضاربه تكون على سهم واحد أو سهمين فقط .

 

[الموهوب]

عدم القناعة

 

[bu3teeg72]

أنا أوافقك الرأي أخي العزيز ولكن من تجربتي
هو ان المضارب حين يخرج من سهم معين وهو ربحان ,,, ينتقل إلى سهم آخر مباشرة حين يرى ان التداول على السهم قد اشتد من غير تفكير او تحليل مسبق ,, وفجأه يرى انه قد دخل على السهم في مقاومته. (

وبعدها يقعد يكلم نفسه ويبيع بخساره

صح 100%

 

[أحمد بورصة]

القرار السريع

له ايجابيات و له سلبيات

ممكن يكون التصرف السريع نجاة من الخساره و تحقيق أرباح

و يمكن يكون ندم في نفس الوقت

اهم شي الواحد اذا بدش على شركه يكون واثق منها

المظارب لازم يكون متخصص بمجموعه معينه من الاسهم

مو كل يوم داشله سهم

و يفظل انه قبل لا ينام بليل يدش مندى المؤشر و يشوف آراء الناس و يقعد يحلل الاسهم اللي راح يظارب فيها و لا يندفع نحو التيار .. بل يساير التيار

هذا اللي عندي و مشكورين على الموضوع الناجح

 

[fmhalhd]

والاهم لايسمع لكلام اللي يطبلون لسهم معين ولمصلحه شخصية او غير شخصية ومن يبط السهم ماتسمعله حس​

ولا كانه يوم رفع السهم للسما من كثر ما يمدحه​

والله يجازي كل واحد على نيته انشاء الله​

 

[عذبي1]

والله انا رئيي إن الشغل كله
مضاربه , استثمار , عقار , زراعه .......الخ يحتاج الآتي:-



1- توفيق من الله سبحانه.

2- العِلم

3- تركيز

4-مشوره من سبقك من اهل الخير ( شرواكم )

5-الرضى بما قدرالله لك

# لونطبق هل خمس ونتعب عليها ما أضن انه في واحد بي خسر وإن خسر

اخوكم :ابومحمد

 

[صقرالبحر]

اصانصير

الصراحه لما ادش البورصه اتخيل ان الاسهم مجموعه اصانصيرات ... والسهم الصاعد ياخذك معاه بسرعه وانت وشطارتك تبي تطق الدور الاول ولا الثاني وعندك لما الخامس .... اما النازل ينزلك معاه وانت وقرادتك تبي السرداب الاول ولا الثاني وعندك ليما الخامس .. واذا تبي تصعد عاد انطر .. مو يشلع قلبك .. مو يلعب بحسبتك ... مو يمرمر دمك .. وبعد 20 يوم توه يوصل الارضي وتقول بل مابغيت اوصل وتطلع ... عاد شحادك عالنازل اخذ الصاعد .. واذا لقيته عند المقاومه وانت ماتدري خو مو كل حمله بولد ... ودمتم

 

[bo_kawthaar]

.

أنا أشوف كثرة التنقل بين الأسهم!

.[/quo

نعم أعتقد هاذا السبب الرئيسي
ولي آنه شخصيا وقعت فيه .. أول بداياتي بدخول السوق
والحمدلله تلافيت هاذا الخطأ ... وطبعا أسباب ثانيه بعد

 

[بو بندر]

انا اقول ياجماعه كثر التوصيات الي 90% منها للتصريف علينا الله ينتقم منهم في الدنيا والاخره للاسلوب الي قاعد يتبعونه الوصخ

الي من كثرها المستثمر صار مشوش الي درجة انه عامل دراسه علي سهم معين او ناوي ايدش عليه لكن لما يشوف كم هلتوصيات لاكثر من شركه والكلام القوي الي ينقال عنها ايتشوش او يتخبط باتخاذ القرار وايدش علي وحده من هالشركات او تنزل او شركته الي خلاها ارتفعت

او انه يبي مربح بسرعه تلقاه ايتنقل من شركه الي شركه يبي يلحق كل الشركات لاترتفع عنه تلقاه نص مربحه رايح عمولات بيع اوشرا

يا اخوان لو تقري قري الوحوش غير رزقك ما تحوش

 

[abu-saleh]

الصبر

الصبر زين وما في احسن من الصبر على السهم واكبر دليل ارجعوا لإقفالات الاسهم قبل شهرين واقصد اسهم الشركات السنعة وشوفوا

 

[مبروك]

الطمع

الله يكافينا وياكم شره