المحقق مو موجود

[الوليد q8]

السلام عليكم ، انا يمكن في حياتي دخلت المخافر تقريبا ، ١٠ مرات ، اغلبها حوادث سيارات ، اجاركم الله من الحوادث ومن دخول المخافر. الحقيقه اكره شي مو دخول المخفر، لا، اسوأ شي ، نطره حضره المحقق المحترم يوصل الدوام و يخلص امور عباد الله. من العشر مرات تصدقون يمكن مرتين كان حضره المحقق موجود. اموت و اعرف وين يروحون المحققين ؟ ودي اعرف هالحاله تصير معاي آنا بس او ، في ضحايا غيري !!!

 

[نوكيا]

انت مو اول شخص يقول هالكلام
وترا عند ما يصير حادث انصحك خلص من الطرف الثانى احسن لك حتى لو كلفك مبلغ اشوى زايد
احسن مايقولك المحقق ترا دوامى الساعة 10 المساء

 

[الوليد q8]

اشدعوه ما سويتها، سامحت وايد وايد، لكن اذا الحادث شوي چايد ، شنسوي امرنا لله

 

[نوكيا]

اولا حمدلله على سلامتك
ثانيا وينك عن التامين الشامل

 

[بوالعيس بيك]

واحد من الربع صار له حادث قبل شهر

المحقق سوه التقرير بدون مايشوف الحادث وبدون مايحقق كل شي عن غيب
بدون مبالغه صاحبي لليوم يطارد المحقق وماشافه
آخر شي استسلم وتحمل التصليح

وعلي فكره هالأيام حتي الشرطه قمنا مانشوفهم
وهذي فرصه أضيف سؤال علي سؤالك
الشرطه إللي كل سنه يتخرجون وين يروحون ؟

 

[الوليد q8]

اولا حمدلله على سلامتك
ثانيا وينك عن التامين الشامل

الله يسلمك نوكيا، والله عندي تامين شامل، بس آخر حادث لانه بسيط ، سامحته. وتري حتي للشامل يتطلب الروحه للمحقق

 

[abdullah6868]

بما اني خبرة فى المخافر 25 سنة وحاليا متقاعد
حاليا المحققيق متواجدين 24 ساعه فى المخافر وفى حالة عدم وجودهم فى المخفر - موجوده ادارة التحقيقات ورئيس التحقيق

 

[Navigator]

الوليد اذا بغيت شيء بالتحقيقات او عندك معامله عندهم بلغني بالخاص وما يصير خاطرك الا طيب

 

[al7bebe]

الوليد اذا بغيت شيء بالتحقيقات او عندك معامله عندهم بلغني بالخاص وما يصير خاطرك الا طيب

زين غير الوليد وشخص عمره مايعرف المنتدى ولا مسجل فيه هل سوف يكون حاله حال الوليد !!!
الوليد طرح موضوع شامل يخص كل شرائح المجتمع وليس هدفه طلب واسطه لان هذا حق قانوني لمعاملته والتسيب في الوظفية خلل واهمال في اي موقع يعطل مصالح الناس وهذا قصد الوليد

 

[الوليد q8]

الوليد اذا بغيت شيء بالتحقيقات او عندك معامله عندهم بلغني بالخاص وما يصير خاطرك الا طيب

السلام عليكم بو سلمان ، اول شي انا مستانس انك رديت لاني مفتقدك من زمان و لك وحشه والله واعتقد ، بل متاكد انك محبوب من الجميع لدماثه خلقك يا ابو النصح ( هذا النك القديم لمن لا يعرف بوسلمان) ، يا اخي ليش القطاعه !! المهم مثل ما ذكر اخونا الغالي الحبيب ، انا حبيت افضض فقط لا غير. ومشكور علي مد يد المساعده. ابي اقول شي بس لا تزعل : اذا تعرف احد من الكبار ، اذكر له هذه الملاحظه ولا عليك امر

 

[الوليد q8]

بما اني خبرة فى المخافر 25 سنة وحاليا متقاعد
حاليا المحققيق متواجدين 24 ساعه فى المخافر وفى حالة عدم وجودهم فى المخفر - موجوده ادارة التحقيقات ورئيس التحقيق

هلا بو علي و الحمد لله على السلامه ، و الله لك وحشه ، مع كل احترامي لرأيك ، يمكن أنا بس حظي العاثر ما اطيح لي على محقق يبرد

الجبد و لا ينطرنا
بو علي : إنت طلعت محقق سابق ؟

 

[بن عيدان]

السلام عليكم ، انا يمكن في حياتي دخلت المخافر تقريبا ، ١٠ مرات ، اغلبها حوادث سيارات ، اجاركم الله من الحوادث ومن دخول المخافر. الحقيقه اكره شي مو دخول المخفر، لا، اسوأ شي ، نطره حضره المحقق المحترم يوصل الدوام و يخلص امور عباد الله. من العشر مرات تصدقون يمكن مرتين كان حضره المحقق موجود. اموت و اعرف وين يروحون المحققين ؟ ودي اعرف هالحاله تصير معاي آنا بس او ، في ضحايا غيري !!!

الحمد لله على سلامتك و خطاك السوء​

اتوقع الامور هذى تصير لقلة الخبرة و الدراية !​

( لا تنسون المحققات بعد )​

 

[abdullah6868]

هلا بو علي و الحمد لله على السلامه ، و الله لك وحشه ، مع كل احترامي لرأيك ، يمكن أنا بس حظي العاثر ما اطيح لي على محقق يبرد

الجبد و لا ينطرنا
بو علي : إنت طلعت محقق سابق ؟

هلا طال عمرك
الله يكون بعون اخوانا المحققيق لان شغلهم كتابة المحاضر ومشاكل الناس ما تخلص الله المستعان
قبل اسبوعين صار حادث لبنتي بسيارتها واللى دعمها مجنون رسمي تهدد على وعلى المحقق يبي يضربنا ولكن الله ستر وانتهت القضية على خير
هذى وحده بسيطة من المشاكل اللى يتعرضون لها اخوانا المحققين

 

[بن عيدان]

 

[الوليد q8]

الحمد لله على سلامتك و خطاك السوء​

اتوقع الامور هذى تصير لقلة الخبرة و الدراية !​

( لا تنسون المحققات بعد )​

الحمد لله على سلامتك و خطاك السوء​

اتوقع الامور هذى تصير لقلة الخبرة و الدراية !​

( لا تنسون المحققات بعد )​

جزاك الله خير بن عيدان

 

[الوليد q8]

هلا طال عمرك
الله يكون بعون اخوانا المحققيق لان شغلهم كتابة المحاضر ومشاكل الناس ما تخلص الله المستعان
قبل اسبوعين صار حادث لبنتي بسيارتها واللى دعمها مجنون رسمي تهدد على وعلى المحقق يبي يضربنا ولكن الله ستر وانتهت القضية على خير
هذى وحده بسيطة من المشاكل اللى يتعرضون لها اخوانا المحققين

الحمد لله علي سلامتكم بو علي

 

[ورد و هيل]

مرة كنت طالعة من اجتماع في وزارة الاشغال اللي بالزهرا ------

كانت الساعه 2 تقريبا --جان يدعمني ولد سيارته جيب امريكي كبير وعكسه تماما .... سيارتي صغيررررة ولاصقة بالارض

المهم حطم سيارررررررررتي كليا--تكسررر الجاااام بحضني

دقيت عا خوي ......-بعد 10 دقاايق عندي..........-الشرطه وصلت بعد ساعة وربع

المهم غصبوني اروح المخفر -لاني كنت السايقة



نطرنا بالمخفر من ال3ونص لل 6


طلعوووووووا عيوننا ذااااك اليوووووم ---بس اشواا كان الحق معاااااااي

 

[العاشق]

اولا حمدلله على سلامتك

​

ثانيا وينك عن التامين الشامل​

​

​

مابي اضيق خلقكم ​

​

حتا التامين الشامل لااااااااازم محقق وورقه حادث ​

​

حتا اذا الحادث خفيف وبغيت تسامح الطرف الثاني وتسجل القضيه ضد مجهول ​

هم لازم ورقه حادث وقضيه وبعظ المحققين من تقوله تامين شامل يسالك اساله ​

لها اول مالها تالي ​

​

عمووما بالسابق كان بكل مخفر معلق رقم للشكاوي في حالة عدم وجود محقق والمحققين عاملين حساب هالمساله​

يعني لو يطلع من دوامه من يدقون عليه جاء على طول الحين يلطعك ساعتين ويجيك عاقد النونه ​

ورقم الشكاوي غير مفعل ​

 

[Navigator]

السلام عليكم بو سلمان ، اول شي انا مستانس انك رديت لاني مفتقدك من زمان و لك وحشه والله واعتقد ، بل متاكد انك محبوب من الجميع لدماثه خلقك يا ابو النصح ( هذا النك القديم لمن لا يعرف بوسلمان) ، يا اخي ليش القطاعه !! المهم مثل ما ذكر اخونا الغالي الحبيب ، انا حبيت افضض فقط لا غير. ومشكور علي مد يد المساعده. ابي اقول شي بس لا تزعل : اذا تعرف احد من الكبار ، اذكر له هذه الملاحظه ولا عليك امر

عليكم السلام ورحمة الله وبركاته هلا بالحبيب
عساك دوم مستانس ان شاء الله وتشتاق لك العافية طال عمرك

اخوك موجود وبالخدمه والفترة الاخيره فضلنا المتابعه فقط بسبب نفسيات الناس اللهم يا كافي اذا نصحت واحد كأنك غلطت عليه والخساير أثرت بنفسياتهم عسى الله يعوض عليهم بكل خير

 

[waham]

السلام عليكم ..
بالنسبه لتحقيق محافظة حولي الله يعينهم .. والدليل على ذلك صاحبي اقوله ليش ما تنتقل وتيي حولي ..
يقولي لا يحوشك يا بوعلي إلا حولي .. لان بقية المحافظات قضايهم اقل ونفس الراتب والمميزات فليش ادوخ نفسي ..
على العموم .. في رقم خاص لهم يقولك اذا حضرت التحقيق ولم تجد المحقق اتصل على هذا الرقم .. وحاليا ما يحضرني الرقم .. اسأل عن هذا الرقم لان يفيدكم وايد .. الله يكافيكم الشر ..
ملاحظه مهمه جدا جدا ..
لا توقع على ملف الحادث بالتأمين الا اذا انت راضي بالسعر الي عطوك اياه ..
واذا ما اعجبك السعر .. بس قولهم انا شكاي ورايح حق المدير العام او حماية المستهلك ..
تراهم ملاعين .. على ابو ان ( سعر سوقي ) يعني سيارتك جم تسوى بالسوق اليوم ..
او الحادث بسيط ويقولك كافي هالسعر .. والله ادش بخشومهم ..