أسعار العقار بأرتفاع جنوني والخير قادم ولحد يشتري نصيحة لوجه الله

[ابو غانم]

من سيشتري الأن سيندم غدا ... نصيحة لوجه الله .. هناك قرارات شعبية قادمة بالطريق منها لأصلاحات الأرتفاع الجنوني العقاري وممنطقة غرب عبدالله المبارك قادمة بأذن الله 7400 قسيمة وهناك أراضي فاضية سوف يتم تسليمها للرعاية السكنية سوف يعلن عنها قريبا .. وهناك لجنة مختصة تعمل ليل نهار لحل مشكلة العقار .​

​

بيوت الحكومة شارع واحد وصلوها الشريطية الى فوق ال 200 ألف !!!!!!​

​

عسى ماشر .. ياأخوان لحد يحمل نفسه ديون فوق طاقته ويشتري الآن , خلوهم يبتلشون في بيوتهم وأراضيهم أصحاب هذه الأسعار الخيالية .​

​

يجب أن ترجع الأسعار كما كانت ... قارنوا أسعار العقار في الدول المجاورة ... نحن أغلى منطقة في العالم للأسف .​

​

أنتظروا قليلا ولحد يشتري .. والله من سيشتري بهذه الأسعار حاليا سيندم ندما شديدا .. هناك بشائر خير قادمة بأذن الله .. اللهم قد بلغت اللهم فأشهد ..​

وأنتوا براحتكم .​

 

[نوافكو]

اللى طلبه قديم من 1988 الى 1994 اكيد مراح يشترى لان عليه الدور وهمه اكثر من 5 الاف طلب لكن اللى طلبه بعدهم ماراح يحوشه شى قريب والقسائم القريبه خلصت
الناس تبى بيوت عيالهم كبروا ويبون يتزوجون وملو من الايجارات
العقار راح يزيد سعره هذا عقار مو اسهم واذا راح تتراجع اسعاره يبيلة 5 سنوات لان العقار تجاره آمنه ماتهبط بسرعه واذا صحح يصحح فى اسعار عاليه جديده يكون سجلها لاول مره
وبعدين التجار هم اللى يتحكمون بالقرارات وماراح تحصل مشاريع الا بعد مايبيعون اراضيهم بالسوق وبالسعر اللى يبونه
مثال على ذلك قسائم خيطان من متى والناس تنطرها ليش للحين واقفه ؟؟ لان جنوب السره توها ماخلصت ووصلت اسعارها 375 متر على 375 الف دينار ارض فقط
بيوت جاهزه قبل جم سنه بجنوب السره على 85 الف الحين 450 الف
منطقة جابر من متى موزعينها وللحين بنيه تحتيه ماخلصت ويبيلها بعد
مشروع المطلاع وينه للحين
كلام عن مشاريع مكتوب بالجرايد كله تخدير للناس واذا كان فى مشاريع لوفرضنا اقرب مشروع يبيله 10 سنوات 2 تخطيط و8 سنوات بنية تحتية
مشروع شمال غرب الصليبيخات تقريبا 1000 قسيمة وبيت كم سنه 4 سنوات بنية تحتية فما بالك اذا زاد العدد
التفاؤل زين لكن بالوضع الحالى ماكو تفاؤل

 

[9اوربيه]

الحكومة لازم توقف تجار العقار عند حدهم خصوصا السكني
نبي قرارات سريعة وحاسمه لنزول اسعار العقار
حرام إلي قاعد يصير نبي بيوت نسكن فيها إحنا وعيالنا منو عنده فوق 300 الف إلا قليل من الناس لشراء عقار والمشكله بهذه المبلغ تشتري بيت هدام هاهاهاهاهاها

 

[نوافكو]

يمعود شوارع مثل الناس ماسنعوها من سنة 1973 تبى يسنعون مدن اسكانية خلها على الله بس

 

[نوافكو]

الوفرة ترحب بسكانها الجدد طلبات 96 ومافوق مع مطار جديد وقطارات حق الدوامات
ضحكنى يابوغانم يوم تقول العقار بينزل تدرى انه من 20 سنه مضت والسكنى بارتفاع كل سنه

 

[s man]

اعتقد بأن ان الاوان للتفكير ببدائل للبيوت , شقق تمليك مثلا , والا الحكومة مامنها فايدة

 

[نوافكو]

شاليه متنقل افضل حل واصفط باى منطقه واى موقع فى براحه او على البحر او فى البر كل يوم لك مكان

 

[نوط بوالف]

من سيشتري الأن سيندم غدا ... نصيحة لوجه الله .. هناك قرارات شعبية قادمة بالطريق منها لأصلاحات الأرتفاع الجنوني العقاري وممنطقة غرب عبدالله المبارك قادمة بأذن الله 7400 قسيمة وهناك أراضي فاضية سوف يتم تسليمها للرعاية السكنية سوف يعلن عنها قريبا .. وهناك لجنة مختصة تعمل ليل نهار لحل مشكلة العقار .​

​

بيوت الحكومة شارع واحد وصلوها الشريطية الى فوق ال 200 ألف !!!!!!​

​

عسى ماشر .. ياأخوان لحد يحمل نفسه ديون فوق طاقته ويشتري الآن , خلوهم يبتلشون في بيوتهم وأراضيهم أصحاب هذه الأسعار الخيالية .​

​

يجب أن ترجع الأسعار كما كانت ... قارنوا أسعار العقار في الدول المجاورة ... نحن أغلى منطقة في العالم للأسف .​

​

أنتظروا قليلا ولحد يشتري .. والله من سيشتري بهذه الأسعار حاليا سيندم ندما شديدا .. هناك بشائر خير قادمة بأذن الله .. اللهم قد بلغت اللهم فأشهد ..​

وأنتوا براحتكم .​

- لا تتوقع ان اسعار الاراضي والعقارات راح تنزل في يوم من الايام بالعكس كل يوم
نشوف الاسعار( تزيد).
وبالنسبه للمشاريع اللي ذكرتها اغلبها حبر على ورق وياخوفي من مشروع الدائري
السابع يكون نفس مشروع (غرب هديه)اللي زرعوا المواطنين كم سنه وبالتالي الغو
المشروع.
اللي يقدر يشتري بسعر اليوم يشتري ولاينتظر بكره لان الاسعار راح ترتفع اكثر مما
تتوقع .

 

[nmb2000]

الله يبشرك بالخير يابوغانم و مثل ماتفضلت اذا الحكومة اشتهت تقدر توزع أراضي وتنجز البنية خلال سنة ؟ ؟ ؟
تذكرون بعد التحرير الشركات الغربية ادعت بأن إطفاء الأبار يحتاج سنوات ؟ ولكن عندما تكون هناك حكومة رشيدة ووزراء أمناء وضعوا خطة تنافسية للشركات بأن من ينجز عمله بأسرع وقت يأخذ حزمة أخري من إطفاء الآبار ... فهل تعملها الحكومة بإنجاز المشاريع السكنية خلال سنة إلي ثلاث سنوات وبتنافس شريف لمصلحة الكويت والكويتيين بين الشركات العقارية والمقاولات المحلية والدولية ولا مانع من منح هذه الشركات مقابل التطوير ببناء مجمعات تجارية ومدارس ومراكز ثقافية ورياضية واستثمارها بقيمة عادلة . وتحديد اسعار تأجيرها أو بيعها للمواطنين بسعر عادل . وليس كما تم في للآليء الخيران وأسواق شرق القرين والعارضية والمنطقة الحرة و ما خفي أعظم .
حفظ الله الكويت وشعبها من كل مكروه .

 

[q8_king1]

في الوقت الحالي الحكومة عندها اولويات اهم من الاسكان ومنها تعديل الدوائر هذة غير انة بناء المدن يحتاج وقت وعندنا حكومة ضعيفة بالرقابة وبطيئة بالمشاريع ولنا معاها تجارب كثيرة حتي جسر جابر لم يوقع عقدة ولحد الان عند المناقصات ومن جهة حكومية الي اخري ولايوجد متابعة واهتمام بالمشاريع اتوقع الازمة الاسكانية لن تحل بالوقت القريب الا اذا صار في ضغط شعبي اما بخصوص التجار فكل التجار صرفو كل الي عندهم وباسعار عالية والحين الخطة الجديدة هي بناء عمائر سكنية وتاجيرها علي المواطن واقل ايجار 550 دينار خاصة في جنوب السرة

 

[ابو عبدالله htc]

اللى طلبه قديم من 1988 الى 1994 اكيد مراح يشترى لان عليه الدور وهمه اكثر من 5 الاف طلب لكن اللى طلبه بعدهم ماراح يحوشه شى قريب والقسائم القريبه خلصت
الناس تبى بيوت عيالهم كبروا ويبون يتزوجون وملو من الايجارات
العقار راح يزيد سعره هذا عقار مو اسهم واذا راح تتراجع اسعاره يبيلة 5 سنوات لان العقار تجاره آمنه ماتهبط بسرعه واذا صحح يصحح فى اسعار عاليه جديده يكون سجلها لاول مره
وبعدين التجار هم اللى يتحكمون بالقرارات وماراح تحصل مشاريع الا بعد مايبيعون اراضيهم بالسوق وبالسعر اللى يبونه
مثال على ذلك قسائم خيطان من متى والناس تنطرها ليش للحين واقفه ؟؟ لان جنوب السره توها ماخلصت ووصلت اسعارها 375 متر على 375 الف دينار ارض فقط
بيوت جاهزه قبل جم سنه بجنوب السره على 85 الف الحين 450 الف
منطقة جابر من متى موزعينها وللحين بنيه تحتيه ماخلصت ويبيلها بعد
مشروع المطلاع وينه للحين
كلام عن مشاريع مكتوب بالجرايد كله تخدير للناس واذا كان فى مشاريع لوفرضنا اقرب مشروع يبيله 10 سنوات 2 تخطيط و8 سنوات بنية تحتية
مشروع شمال غرب الصليبيخات تقريبا 1000 قسيمة وبيت كم سنه 4 سنوات بنية تحتية فما بالك اذا زاد العدد
التفاؤل زين لكن بالوضع الحالى ماكو تفاؤل

اخوي الله يهداك شفيك محترق انت اكيد راعي مكتب شنو قصب تبي الناس تشتري شنو على بالكم الكويتيين فاتح بير نفط عن باب بيتهم حده الكويتي 100الى 120 الف ان ذبح نفسه اما البيوت الحين ماتدش العقل اسعارها
سد مايسوى 40 الف الحين على 200
بخصوص احصائياتك 88 الى 94 مايتعدون 1300 يالحبيب فماله داعي تفتي من عندك هذا قبل التحديث يمكن الحين مايوصلون 900
ابوغانم
كفيت ووفيت ونصحتهم وكل واحد عقله براسه ويعرف خلاصه جزاك الله خير

 

[ابرك الساعات]

اوكي راح نطيعك وما راح نشتري........................لا توصي حريص....ما نقدر نشتري اصلاً

تصدق حتى شقه ما اقدر اشتري؟

نظرة التجار....عفواً اقصد الحكومه....الى اين تتجه؟ يعني هالناس وين بيسكنون؟ البر؟ وخيام والا شنو بالضبط

 

[ابو غانم]

الله يجزاكم خير جميعا ,,, أنا أريد منكم التفائل وقتل الروح الأنهزامية اللي بداخلنا و لا نيأس .. وصدقوني شريطية العقار هم من يحبطون بالعالم لمصالحهم وأن المشكلة ليس لها حل أبدا .. وأشتروا بيوت السد على 200 ألف ترى خوش سعر !!!!

مالكم شغل فيهم لحد يشتري وأنتظروا القرارات التي سوف تسر الجميع بأذن الله ,, القروض هذي راح تكسر ظهوركم وراكم عيال يبون سيارات وزواج ودراسة ,,
أنتوا أولى بهذه الأموال من غيركم .

الصبر ثم الصبر ثم الصبر

 

[الدرب الخضر]

وبالنسبة ان العقار ينزل ليش نتكلم انه بينزل موانتم راح تطلع لكم بيوت وقسائم يعني يمكن تبي تبيع وهذا امر طبيعي العقار ارتفع او نزل راح تبيع بالنازل وتشتري بالنازل يعني الأسعار على حسب العرض والطلب وهذا ماي فهمها الا تجار العقار
واحب اقول لصاحب الموضوع العقار اذا بينزل لايتجاوز١٠٪ والصعود بالمرحلة القادمة اقرب له.
لان اخر مشروع راح يغطي الطلبات بعد النسيم يبي له عدة سنوات على ما يكون جاهز .يعني شنو النتيجة اخليها للقارئ

 

[العشيران]

ماطار طير وارتفع الا كما طار وقع انا اذكر قبل الغزو سنة 88 العقار طاير قسايم مشرف 750 متر على 350 الف وبعد التحرير سنة 94 نفس القسايم على 150 الف صدقوني هاذا كله تصريف يرتفع سعر العقار على شان يصرفون الاراضي الاراضي الي طاحت بجبودهم

 

[q8loving]

يعطيكم العافية يا اخوان انتم وابوغانم اللحية الغانمة صاحب الموضوع....انا عندي ملاحظات على "المؤامرة الاسكانية"...انتم كلكم شايفين من زمان الابراج والعمارات اللي على 12 طابق واكثر....ليش بنوها التجار؟ للهنود والا للكويتيين؟ ومن شجعهم على البناء العالي واختراق كل لوائح ونظم البناء في الكويت؟
انا ادري ان ملاحظاتي وكلامي ما منه فائدة....لأنه من ضمن الكلام التحلطمي التذمري اللي نسمعه من سنين...لكن الزبدة: اغسلوا ايدينكم من القسائم والبيوت، واللي عنده فلوس او يقدر يقترض مو خسارة انك تخسر بكمية اقل من المال من كونك تنتظر حلم الاسكان الوردي المغبر....واللي ماعنده الا القرض الاسكاني يتنازل عن كبريائه ويرضخ للتجار ويشتري احدى الشقق حاله حال الوزراء في مصر وبريطانيا...يعني الشكوى لله هذا المقدور عليه ....وبصراحة ماكو حل جذري للمؤامرة الاسكانية الا حل واحد، ويبيله نضال وتضحيات، ولايضيع حق وراءه مطالب، مطالب حي وصادق وواثق....مو حملة "ناطر" اللي تقول اغنية....الحكومة تدري انك ناطر ويبونك تنطر لين تموت بعد...مو مهم انت وعيالك عندهم لأنهم ماسكين عليك غلطة عمرك....وخاصة انهم "مو مقصرين" ...فإنت المواطن المدلل قاعد تأخذ 150 دينار شهريا...وهذا مع انه لايكفي الا ان الحكومة تدعي انها مدلعتك وقاعدة تصرف الملايين على بدل الايجار...وهي فعلا معاها حق وعداها العيب والله وشغلها كله صح....باختصار: التجمع على رأي واحد وهو(رفض بدل الايجار) هو الحل الوحيد لصد المؤامرة الاسكانية...وبشرط عن طريق القضاء وليس عن طريق اعضاء البرلمان اللي كلهم عندهم بيوت ولاتهمونهم اصلا الا في وقت المزايدات الانتخابية....واللي ما يعجبه رأيي خله يتحلطم فالتحلطم يلوق له....والزبده: البيوت والاراضي اسعارها قاعدة تزيد وتدوبل بصورة جنونية في كل الخليج ويمكن في العالم ايضا فحاول انك ما تنتظر اكثر....والسلام عليكم ورحمة الله وبركاته

 

[الدرب الخضر]

اقول لكم اللي يقدر يبدل ويدفع يعقلها ويتوكل لان بعد بيوت جابر الأحمد صباح الأحمد وقسائم النسيم أقرب مشروع سوف يجهز مؤ أقل من خمس سنوات او اكثر.
احسبها ١-طرح المناقصة سنتين ٢-التخطيط سنة٣-البنية التحتية ٣سنوات الى أربع(واكبر مثال الفنيطيس وصباح الأحمد وشمال غرب الصليبخات وشوف كم شركة شغالة)٤-الاستلام سنة٥-والتوزيع والتخصيصأشهر(ويمكن مخصصين على المخطط علشان تسكت تسكت وتعيش الأحلام لين تكتمل الدورة المستندية والتنفيذية)

 

[sporty72]

يا أخوان متى ماشفتو بناء محطات توليد الطاقة أبشرو بالخير

 

[بياع و شراي]

الله يجزاك خير علي الموضوع بنسبة الواحد بقدر يشتري بيت هذا شي صعب محد عندة ٢٠٠٠٠٠ الف دينار يأخذ من الحكومة ٧٠ الف وياخذ قرض ٧٠ الف من البنك يبقا ٦٠ الف منين يجيبها والله شي صعب وخيالي والمشكلة الموقع سد اقووووووووووول الصبر احسن حل احسن من اتقاصد ١٥ سنة ومار أح تقدر تشتري بيت الحمدالله علي كل حال نصيحة لاحد يفكر يشتري حتي لو عندة فلوس اسعااااااااار ناااااااااااار ومافي شي علي طول مرتفع لا بد من نزوووووووووووووول وهذا الي بحصل ان شاء الله

 

[ابرك الساعات]

انا بالنسبه لي ما اقدر اشتري...وبيني وبينكم مخلي الحكومه اتوهق فيني:>

الدستور يقول يوفرون لي سكن......واجاري اكثر من بدل اجارهم ولاطعين العالم على السكن....بصراحه يحترمون الدستور