بالنسبه لقسايم ش غ صليبيخات فيه ملاحظه

[صقرالبحر]

في كروكي الارض اللي وزعته الاسكان
علي اصحاب القسايم علي يمين الصفحه
في القسم الخاص بالانشائي البند رقم 7
يقول ان القاعده لاتتجاوز الاحمال عليها 120 طن
لان الارض معالجه فلا يسمح لك المهندس الانشائي
بعمل صالات كبيره وديوانيات لانه الاعمده لازم تكون قريبه
من بعض لتكثير القواعد حتي تتحمل حمل البيت وفي كل الاحوال
يجب استشارة المهندس الانشائي يذلك وابلاغ المهندس المعماري
قبل التصميم والتعب عليه

شكرا

 

[نوافكو]

ارض مردومه وكانت بحر بصراحه بصراحه تخوف بالبنيان تصلح بنيان خفيف على دور واحد بالكثير الارض هشه ماتتحمل اوزان تحتك بحر

 

[نوافكو]

نسيت محطة الدوحه فوق راسك وغاز الامونيا يبخرك صباحا ومساء

 

[q8loving]

من صجكم شباب؟ ما شفتوا القصور والفنادق ومجمعات الاسواق وفلل الشاليهات على جال البحر؟ ...مو لا تعليق...لا عذروب

 

[انوار النور]

صج ماعرفنة منطقة زين او مو زين شباب نبي النصيحة

 

[انوار النور]

اخوي صقر البحر هذا البند مكتوب فى عقد الانشاء عندر الرعاية السكنيه بس حق شمال الصليبخات والقيروان شلون نفس الطريقه

 

[مستريح]

من خلال فحص التربة عن طريقة

جهازهيدروليكي ​

لفحص​

مقاومه ​

التربه المخصص لأعمال البناء اتضح ان تربة شمال غرب صليبخات تتحمل 200 طن والملاحظة المكتوبة مسجلة على ايضا قسائم جابر الاحمد "حجي فاضي"​

 

[صقر3]

رجال يقول مكتوب وانت تقول حجي فاضي

حنا نصدق المكتوب في المخطط ولا نصدقك

 

[انوار النور]

اذا احد عند الكتاب حق الرعاية السكنية يحطة علي شان نعرف

 

[صقرالبحر]

من خلال فحص التربة عن طريقة

جهازهيدروليكي ​

لفحص​

مقاومه ​

التربه المخصص لأعمال البناء اتضح ان تربة شمال غرب صليبخات تتحمل 200 طن والملاحظة المكتوبة مسجلة على ايضا قسائم جابر الاحمد "حجي فاضي"​

الاسكان كاتبه الاحمال علي القاعده بموجب توصيه من الشركه اللي سوت الاراضي
وهي اخبر من الكل بقوة تحملها والمكاتب الاستشاريه والبلديه رح تعتمد علي كروكي الاسكان
البند رقم 7 وماتقدر تخالفه حتي لو انت حلفت لهم ... ناس قالو نسوي لبشه ونكبر القاعده
وهذا ماينفع لان تكبير القاعده علشان زيادة الاحمال عليها والارض ماتتحمل اكثر من 120 طن
سواء كبرت القاعده او صغرتها واكو مكتب هندسي قال في هالحاله مااقدر اسوي لك اي غرفه او ديوانيه
او مطبخ اكبر من 4×4 لان لازم اكثر القواعد والاعنده حتي يتوزع الحمل علي اكبر عدد من القواعد ..

 

[انوار النور]

مو خوش خبر والله يعني اكبر غرفه 4*4 شنو هذا يعني البيت قرقور ما ينفع

 

[نوافكو]

صج مو غشمره البناء بهالمنطقه يخوف لان كانك داش بحر وتحط اساس بيت وقواعد فى ماى مالح وارض هشه اعرف جم واحد بدل وانحاش

 

[طارق55]

احنا بنينا في جابر الاحمد سراديب وصالات ومافينا الا العافيه

 

[بو علي]

هذي كلها خرابيط والارض ممتازه للبناء والناس كلها سراديب في جابر الاحمد وصالات وديوانيات ١٢في ٨ لاتحاتون البنيان ولكن المحاتاه في ارتفاع اسعار البناء واللي زاد فيها اجور العمال وهالشي عادي مايكلف الكثير

ثلاث ادوار وربع ١٠٠ الف راهيه عليه
سرداب وثلاث ادوار انت وشطارتك اذا تمسك المواد ١٢٥
والامور كلها سهالات

 

[صقرالبحر]

الاخ بوعلي.
تقول بنيتو بجابر الاحمد ديوانيات كبار
هل ارضكم معالجه ؟؟ وهل مكتوب الاحمال
علي القاعده ١٢٠. طن بس ؟؟
ياليت تصورهم وتورينا علشان نحج هالمكاتب الاستشاريه

شكرا

 

[انوار النور]

شباب اهل المنطقة احد فيك يقول شنو الوضع

 

[طارق55]

دورت في خريطتي مالقيت بند الاحمال

ياليت يحط لنا الاخ صوره عن الي يقول عليه لاني ودي اتاكد عن قسيمتي كم احمالها

لاني اول مره اعرف هالشي

 

[صقرالبحر]

علي يمين الصفحه البند السابع