خبر عقاري مثل هذا ما ياخذ حقة

[9اوربيه]

خبر قوي بجريدة القبس اليوم ولكن لم ياخذ حقة
هذا ألي فهمته راح يكون تقيم عقاري من جهات حكوميه إن شاء الله يكون فهمي صحيح
وتمنى من الإخوان يفسرون
هذا الخبر اكثر ويساعد على هبوط العقارات بصورة كبيرة

 

[الفهد ٢٠١٢]

خوش خبرررررررر !!!!وان شاء الله يكون ضربه للتجار ومحتكرين الاراضي والمتلاعبين باسعار العقارات وبعض اصحاب المكاتب الى مايخافون الله؟؟؟؟؟؟

 

[الشراااااااي]

ان شاء الله النزول قادم وبقوة باذن الله
لان التجار محتكرين الاراضي باعوا تقريبا اكثر من ٧٠ بالمية
والواحد مايقدر يشتري بالاسعار هذي الخيالية
واصحاب المكاتب المصرين بذات مايخافون الله التزوير والنصب عندهم عادي مثل شربت الماي
وابشروررررررر ان شاء الله في مشاريع جاية والصبر زين والله يرزق الجميع

 

[lawyer1111]

امين

 

[مهندس وافتخر]

السلام عليكم :- رغم ان القرار جاء بشكل عام دون تفصيل ولكن نأمل فيه الخير لان بالسابق كان المواطن هو المتضرر الوحيد من ارتفاع الاسعار ومحد مهتم اما الان فالسوق العقاري والاستثماري تضرر معانا بسبب التلاعب باسعار العقارات والبلوكات الكبيرة ..لان مثل ما انتو عارفين بعض الشركات العقارية تحاول تضخيم قيمة عقاراتها عشان ميزانيتها عشان القروض ولتظهر بالجمعية العمومية انها ربحانه ويتضح بعدين التلاعب وينهار السهم وهذي اللجنة بالتاكيد راح تحد هالشي ... تدرون لو نزل خبر او اعلان يمدح الوزير على هالخطوة ويقترح معاها التركيز لوضع تقييم عادل على الاراضي السكنية الصغيرة راح يكون التفاعل افضل

 

[ابرك الساعات]

خير ان شاء الله
انا اقص ايدي اذا الحكومه لما تسوي اعادة تقييم ما تزيد الاسعار وخصوصاً اراضي شرق القرين...من صجك انت تبي انا وياك نشتري بيوت ونسكن؟ وعمايرهم منو يأجر فيها اذا شرينا اراضيهم واراضي عيالهم؟

إفهم...........والله ان انا انسان حكومي واحب الحكومه و ارضخ واخضع لأمر ولي أمري وليس خوفاً منه او على نفسي او الاثار المترتبه عليه ولكن خوفي من الله و طاعتي واحتسابي لله وحده لا شريك له..........ولكن الحكومه فعلاً تبي احد يطقها ما يمشي معاها طلب الرحمه....واخر شي يزعلون يقولون شفيهم رايحين ساحة الاراده؟........اللي راح ساحة الاراده زعلان على الحكومه لانها بتسحب جنسيته لانه مزدوج...خلاص اسحبو جنسيته والا خلوه...مايصير تذلون العالم كل يومين طالعين لهم انتو طراثيث وطراثيث...كل العالم يدرون ان عندنا مزدوجين.....بس اللي عندهم اجار اخر الشهر والمعاش مايكفي وعيال بطنها والا عيال الكويت اللي مو بطنها اللي قريبين من بطنها....لي متى بتذلونه؟ خلاص عاد خافوا الله...كل وزير فيكم ساكن فبيت من حرير وعنده عشر عماير متفرقه بدول العالم الراقيه وغير السيارات والرصيد......المواطن يبي بيت حكومه يرتاح نفسياً فيه مستوعبين شنو يعني بيت حكومه؟...لي متى وانتو جذي؟

 

[الكوتي]

يا عزيزي

أراضي المالية تنباع 200 ألف

يعني دهنا بمكبتنا

وسجل واصل

 

[الشراااااااي]

شي خيالي

 

[man-kuwait]

للاسف الخبر لا يؤثر وحتى عمل اللجنة أيضا لا يؤثر
لعدة أسباب:
1. هذه اللجنة ليست ملزمة لأصحاب الارض في تحديد سعر البيع فهي لجنة تقييم، ولا يوجد مشتري يشترط على البائع تقييم أرضه او بيته فكل بائع يبيع على حسب حاجته او الفرصة المتاحة.
2. هذه اللجنة والله اعلم وظيفتها الاساسية ضبط الاراضي الاستثمارية واسعارها وعدم المغالاة فيها لتلافي ازمة عقارية في المستقبل.
3. ان سوق العقار من طلب وعرض هو الاساس في تحديد السعر.
4. ان اللجنة ستستعين بالخبراء والذين هم انفسهم يعتمدون على السوق كاساس في عملية التقييم الأراضي والدخل في العقار القائم، لذا فإن تقييم العادل لن يخالف السوق إلا بشكل طفيف لا يزيد عن 5-10%.

الكل يتمنى نزول الاسعار والكثير يتمنى بيت العمر، ولكن المشكلة ان الكل يريد بالمناطق الداخلية والقريبة، وهناك تجار يتاجرون بالاراضي ويرفعون السعر وهذه الامور لن تستطيع الدولة حلها،
ولكن تستطيع التخفيف منها
لذا عملية نزول سعر العقار بالكويت لن يكون في القريب العاجل واعتقد انه سيستمر في الاستقرار ويمكن الصعود لأكثر من ثلاث سنوات إلى خمس
والتحدي مع صاحب موضوع ان هناك نزول خلال هذا العام مستمر ..

هذه وجهة نظري وان شاء الله ما تصيب

 

[الشراااااااي]

اجل مافي امل الواحد يشتري بيت الانتضار افضل حل
وان شاء الله يصير توزيع من الحكومة عن قريب