تذكير/غدا اجتماع الجمعية العمومية للشركة الاهلية نرجو من المساهمين الحضور لاقرار تخفيض رأس المال

[Okok1]

نتمنى من مساهمي الشركه الأهليه الحضور لإجتماع الجمعيه العموميه والذي سينعقد بتاريخ 11-9-2012 الموافق يوم الثلاثاء بفندق الشيراتون في تمام الساعه 11:00 صباحا . ليكتمل النص ونوافق على تخفيض راس المال ويعود للتداول فورا ,,, نرجوكم الحضور ,,, نرجوكم الحضور ,,, نرجوكم الحضور .

 

[tariq9999]

انت همك الوحيد ان السهم يرجع التداول ......؟؟؟ واسهم الناس اللي راح تتبخر ثلاثة ارباعها مو مهم .... المهم ترجع للتداول ..والله شي عجيب

 

[Okok1]

انت همك الوحيد ان السهم يرجع التداول ......؟؟؟ واسهم الناس اللي راح تتبخر ثلاثة ارباعها مو مهم .... المهم ترجع للتداول ..والله شي عجيب

وانت عندك حل غير تخفيض رأس المال؟؟
ولا الوضع عاجبك مجمدين فلوسنا!!!
العوض ولا القطيعه

 

[بو محمد !!!]

انا بالنسبه لي ماني رايح وخلهم عساها حراااااق يارب علييهم وعلى اعضاء مجلس الاداره ويلقونها جدامهم يارب - ونار تاكل حطب - عساهم بهالحال وارده

 

[بو محمد !!!]

انا صج محد طقني على ايدي وقالي دش البورصه واشتري اسهم الاهليه وقولف نفست - بس في شي بالعقل اذا الخساره مفتعله اهني الواحد شيقول حسبي الله ونعم الوكيل فيهم يخسرون الشركه عمدا وبالاخير يقولون شنسوي بس الله فوق وراح تبين حوبة الفقاره المساكين فيهم

 

[بو محمد !!!]

ناس تاكل حرام وتوكل اعيالها شنسويلهم ؟ مال الحرام يعثر واتشوفون - زقووم في ابطونكم يارب

 

[SUPER1]

براي ياشباب لازم يكتمل النصاب ويرجع السهم للتداول ونبيع المتبقي بعد عملية الرجيم اللي سووها حسبي الله عليهم علي اسهمنا ، رجعة السهم احسن من لاشي

 

[بو محمد !!!]

براي ياشباب لازم يكتمل النصاب ويرجع السهم للتداول ونبيع المتبقي بعد عملية الرجيم اللي سووها حسبي الله عليهم علي اسهمنا ، رجعة السهم احسن من لاشي

لا والله يا اخوي انا اخالفك الراي انا بالنسبه لي خل ياخذون الاسهم كلها والافلوس واشتكي عليهم عند رب العالمين ياخذلي حقي منهم اما اذا رضيت انهم ياخذون افلوسي واسهمي عيني عينك ويقصون علي بجم دينار معناها انا راضي ومالي حق اشتكي عليهم

 

[مليونير بعد سنه]

ماهو الفرق بين ؟


يكتمل النصاب

والنصب يكتمل

 

[L.yan]

كم نسبة التخفيض.

 

[L.yan]

أيش اخبار غلف انفست

 

[السور]

في نواحي ايجابية
السهم راح يكون قليل بالسوق لانهم خفضوا راس المال

 

[view-l]

نسبة التخفيض 72%
100,000 سهم - 72,000 سهم حق الشركه والباقى حق المساهم 28,000 سهم
1,000,000 سهم - 720,000 حق الشركه والباقى حق المساهم 280,000 سهم

متوقع

 

[الصابري]

راحت الاسهم وانا عندي 160000 كم يطلع لنا لو تكرمتم

 

[العراده]

السلام عليكم انا عندي ١٦٠ الف كم راح يصيرون وكم ا راح يكون سعر السهم وشاكرلكم

 

[Okok1]

8:00:15 اجتماع الجمعية العمومية لشركة (أهلية) (موقوفة) (مؤجلة) في 11-9-2012 لبيانات 2011
يعلن سوق الكويت للأأوراق المالية بان الجمعية العمومية العادية وغير العادية (مؤجلة) للشركة الأهلية القابضة (اهلية) (موقوفة) سوف تنعقد اليوم الثلاثاء الموافق 11-9-2012 في تمام الساعة 11 صباحا في فندق الشيراتون حيث سيتم خلالها ما يلي:
1- مناقشة توصية مجلس الادارة بعدم توزيع ارباح عن السنة المالية المنتهية في 31-12-2011.
2- الموافقة على تخفيض رأس المال من 82.815.840 د.ك الى 23.843.118 د.ك
وهذه التوصيات تخضع لموافقة الجمعية العمومية والجهات المختصة.
3- انتخاب مجلس ادارة جديد.
علما بأن الشركة موقوفة عن التداول بسبب تجاوز خسائرها المرحلة 75% فأكثر من رأس المال.
كما سيتم مناقشة بنود اخرى على جدول الاعمال.