فرصه لن تتكرر للبيع ارض بابوفطيره زاويه بسعر مناسب

[أبـــو حــســـن]

للبيع ارض بابو فطيره الموقع زاويه ​

المساحه 400 متر ​

السوم 225 الف ​

للمراجعه 230 الف ​

للاتصال / 60474266​

واتساب / 66222570​

 

[ابو غانم]

230 ألف فرصة !!!!

خلها تطيح بجبد راعيها انشاءالله ولا يتوهق فيها مسكين ويضيع حلال عياله !!!

حسبي الله ونعم الوكيل على من وصل الديره للحال هذا ورفع أسعار العقار بشكل جنوني

 

[sporty72]

بصراحة فرصة وبسعر مناسب غلطان اني طوفتها
أجل لو انها مو فرصة وبسعرها الحقيقي بجم راح تكون ؟
والله لو راعيها بياع ماترده الـ 5000 بس الباين والله أعلم سومة وهمية

 

[maath]

شغل مكاتب لا اكثر
وترى فيه ناس تصدق
230 الف دينار مايقارب المليون دولار في أرض جرداء
حسبنا الله ونعم الوكيل

 

[أبـــو حــســـن]

أخوي maath ​

​

ليش دائما التهم للمكاتب ​

​

المكتب لاناقه له ولا جمل ​

​

مجرد وسيط عقاري يجمع بين طرفي العقد وياخذ ​

​

أجر وساطته التي اقرها قانون التجاره 1% من قيمه الصفقه ان تمت ​

​

بالنسبه للاسعار من يضعها هم الملاك ولا علاقه لنا بها ​

​

بالعكس لو بيدنا لنزلنا الاسعار لكي تكثر الصفقات ويكثر الربح ​

​

وارجو انك تحرا الدقه في كلامك واذا بتحسب تحسب علي الملاك ​

​

مو تحسب علينا كن حنا ماكلين حلالك ولا شيء السوق عرض وطلب ​

​

وبين البايع والشاري يفتح الله والله يرزق الجميع​

 

[maath]

بين البايع والشاري يفتح الله
كلام سليم 100%
بس ياليتكم تبدون النصيحه للمسكين اللي يبي يشتري

 

[sporty72]

حجي فاضي
ماقال لنا الاخ من وين جاب السومة
وليش راعيها مايبيع
وليش كاتب فرصة لن تتكرر
قصدك فرصة لكم وللبايع اذا باعها بهالسعر

 

[بــوعبدالله]

ليش ماترد على العالم
انت كدلال لا تطلع نفسك بهالسالفة
انت قلت سعر فرصة ، هذي كذبة ولسعر ماهو فرصة
ثانيا انت قبلت على نفسك انك تشارك في هالجريمة بالأسعار لما وافقت تعرضها بهالسعر

تقول فرصة ها ؟
عيب والله عيب عليكم اللي تسوونه

اختصر على نفسك الدرب ولا تعرضها على الناس العاديين
اخذ ارضك واعرضها على التجار

حسبي الله ونعم الوكيل
الله ينتقم منكم
وعساها ماتتعداكم

 

[أبـــو حــســـن]

حياك الله ابو عبدالله
اولاً : بالنسبه للرد رديت قبل هالمره
وبالنسبه للسعر فعلاً فرصه بالنسبه للاسعار
الموجوده في السوق العقاري فلو كنت تتابع العروض
الموجوده في السوق سوف تجد ان الارض التي موقعها
بطن وظهر سعرها يصل ٢٣٠ الف دينار ويختلف حسب الارتداد
ومن الممكن ان يكون اكثر فمن باب اولى ان يكون سعر الارض الزاويه
اكثر من الارض البطن وظهر ... ولو حاب تاكد تصفح المجلات الاعلانيه ..
ثانيا : انا عرضة الارض والسوق عرض وطلب وليس محتكر علي فئه معينه
علي قولتك عاديين وتجار كل واحد عارف قدرته الماليه وكل واحد مخير ماهو مسير
وارجع واقول السوق عرض وطلب وبين البايع والشاري يفتح الله
ثالثا: ابي اعرف ليش تحسب كنك بنت حلال ويشً جاك مني وانا اصلا ما اعرفك ؟
رابعا :اشكر كل من شارك في الموضوع

 

[الفهد ٢٠١٢]

ماخرب الدنيا وسوق العقارات بالكويت الا هل التجار وبعض اصحاب المكاتب العقاريه الي للاسف لاذمه ولاضمير ولاخوف من الله!!!!! بس ان ربك بالمرصاد لهم ان شاء الله

 

[B.I.G]

اخوي بوحسن

اذا حضرتك من اهل السوق فالمفروض تعرف ان سعر هالارض ماهي فرصه لسبب بصيط لان السعر خيالي وسعر هالارض قبل سنتين ونص ويمكن اقل كان 90-100 الف بس وقبل 6 اشهر كان سعرها 190 الف ويمكن اقل

نعم الاراضي ارتفعت اسعارها بس ارتفاع خيالي وسعر ال 230 بالنسبه حق ارض جول وللحين ما انبنت بالكامل يعتبر واااايد

لا تقولي سعر الزاويه جم هالايام انا ما علي من هالحجي انا على من السعر الخيالي اللي كل الاخوان انتقدوه بس انت ما يازلك

اذا بدفع حق بوفطيره 230 الف ازيدهم 40 الف واروح اشتري بجنوب السره شارع واحد اقلها منطقه مبنيه وفيها خدمات واوادم بدال ما اروح اسكن بصحره

بالتالي وين الفرصه اللي تتكلم عنها....!!!!

وبالنسبه حق الملاحظه اللي ذكرتها انك ودك الاسعار تنزل فهذا كلام غير صحيح لان كل ما زاد السعر زادت عمولتك من ال 1%

معلومه : قبل ازمة 2008 كانت اراضي بو فطيره صعدت اراضي بوفطيره من 70 الف الى 170 الف للشارع الواحد ومع ازمة 2008 نزلت مره ثانيه لي 70 الف والحين ردت 170 الف

والدنيا دواره وراح يصير شي اللي يرجع الاراضي للاسعار القبليه لان هالحركه تسمى دوره اقتصاديه

تحياتي

 

[أبـــو حــســـن]

اشكر كل من علق علي الموضوع وكان هدفه النقاش الهادف البناء الذي يفيد القارىء للموضوع وليس فرد العضلات بالردود ​

​

مع الاسف كل الي يناقشون ويشاركون يحسسوني متحمسين للنقد فقط بدون اقناع بهذا النقد حدكم متاثرين بالاجواء السياسيه بالديره عموما من اراد ان يشتري ​

​

فاعتقد انه يكون فار السوق وعارف الاسعار بالنطقه كم تسواء الارض الزاويه والبطن وظهر والشارع الواحد ولا راح يشتري الا مقتنع ​

​

فيها وبالنسبه لملاحظتي ان ودي الاسعار تنزل فكلامي صحيح 100% وكلامك ليس له صحه من المنطق تنزل الاسعار ​

​

ويتم عندي اكثر من صفقه ولا ترتفع الاسعار ولا يتم عندي ولا صفقه او يمكن تتم صفقه عقب فتره من الزمن فحدث العاقل بما يعقل ​

​

ويتماشا مع المنطق والعقل للمعلوميه الي يحطون هالاسعار هم الملاك وانا مالي علاقه مجرد وسيط عقاري مهمتي تقريب وجهات النظر ​

​

لغايه ما تتم هذه الصفقه العقاريه التي بما ان تتم بتوقيع الطرفين في دفتر السمسره استحقيت عموله المكتب التي حسبتها وزاره التجاره بــ 1% ​

​

من قيمه الصفقه العقاريه عموما اخواني الاعزاء على فكره الارض انباعت بــ ( 230 الف ) وارجو من الاداره شطب الموضوع​

​

أسأل الله العلي القدير ان يبارك لصاحبها فيها ​

 

[الفهد ٢٠١٢]

اقول استريح بس !!قال انباعت الارض قال !!!!